ស្ងប់ស្ងាត់អស់ជាច្រើនឆ្នាំ ស្រាប់តែពេលនេះតារាសម្ដែងវង់ភក្ត្រស្រទន់ សម និងងារជំទាវ នៅ សូនីតា បានបង្ហាញមុខជាតួអង្គសំខាន់ក្នុងខ្សែរឿងប្រវត្តិសាស្ត្រ «សោកនាដកម្មភ្នំខ្មោច» របស់ផលិតកម្ម អិលឌី ភាពយន្ត។

កាលពីពេលកន្លងទៅថ្មីៗ នៅក្នុងពិធីបើកកាមេរ៉ារឿង «សោកនាដកម្មភ្នំខ្មោច» របស់ផលិតកម្ម អិលឌី ភាពយន្តបានបើកបង្ហាញមុខតួសម្ដែងជាផ្លូវការ ក្នុងនោះក៏ឃើញមានវត្តមានតារាសម្ដែង នៅ សូនីតា ផងដែរ។ ដ្បិតក្នុងអំឡុងពេលមានស្វាមី មានកូន តារាស្រីរូបនេះលែងទទួលថតរឿងពិតមែន តែសម្រាប់ខ្សែភាពយន្ត «សោកនាដកម្មភ្នំខ្មោច» នៅ សូនីតា ហាក់មិនរារែកក្នុងការបង្ហាញទេពកោសល្យសិល្បៈរបស់ខ្លួននៅខាងមុខកញ្ចក់កាមេរ៉ាជាថ្មីម្ដងទៀតនោះឡើយ។
មិនតែប៉ុណ្ណោះ តារាសម្ដែងរូបនេះក៏បានអំពាវនាវសុំឱ្យមានការចូលរួមគាំទ្រពីសំណាក់មហាជនក្នុងស្រុកសម្រាប់ភាពយន្តប្រវត្តិសាស្ត្រដែលឆ្លុះបញ្ចាំងពីការឈឺចាប់មិនអាចបំភ្លេចរបស់ជនភៀសសឹកកម្ពុជារាប់លាននាក់នៅលើកំពូលភ្នំដងរែក ក្រោយចាញ់កលល្បិចរបស់សៀមស្លាប់យ៉ាងរង្គាលទៅវិញ។ ដោយឡែក ការវិលត្រឡប់មកសម្ដែងរបស់អនុប្រធានសមាគមសិល្បករខ្មែរក្នុងភាពយន្តដ៏ជូរចត់មួយនេះ ក៏ទទួលបានការគាំទ្រច្រើនពីសំណាក់មហាជនផងដែរ។









រឿង សោកនាដកម្មភ្នំខ្មោច ជាភាពយន្តប្រវត្តិសាស្ត្រដែលបានកើតឡើងចំពោះប្រជាជនខ្មែររាប់សិបលាននាក់ដែលជាជនភៀសសឹកពីរបបខ្មៅងងឹត ប៉ុលពត ដែលរត់ទៅសម្ងំពួនជ្រកនៅជំរំមួយក្នុងប្រទេសថៃ ក្រោយមកត្រូវបាត់បង់ជីវិតលើកំពូលភ្នំដងរែកយ៉ាងអាណោចអាធ័ម។ ខ្សែភាពយន្តនេះដកស្រង់ចេញពីសៀវភៅ «ភ្នំដងរែក» ដែលជាស្នាដៃនិពន្ធរបស់ឧកញ៉ាវេជ្ជបណ្ឌិត គួច ម៉េងលី ចាន់ឌី លោកគឺជាសាក្សីដែលនៅរស់រានមានជីវិតក្រោយហែលឆ្លងហេតុការណ៍ដ៏សែនជូរចត់ និងគួរឱ្យខ្លោចផ្សារមួយនេះ៕
រូបភាព ៖ Sonita Nov &LD Entertainment























Account
Security
Favourite Content