ឪពុកបង្កើត គូដណ្ដឹង និងប្អូនប្រុសរបស់ ស៊ឹង វង្សចន្ទ័ពេញបរមី កំពុងនៅក្នុងសមរភូមិជួរមុខត្រៀមប្រយុទ្ធជាមួយចោរសៀមដើម្បីការពារបូរណភាពទឹកដីកម្ពុជា។ នេះបើតាមការបង្ហោះបង្ហាញក្ដីបារម្ភពីចម្ងាយពីបេក្ខភាព Top 10 នៃ Miss Universe Cambodia 2025 រូបនេះ។

បវរកញ្ញា ស៊ឹង វង្សចន្ទ័ពេញបរមី បេក្ខភាពដែលទទួលបានតំណែង Top 10 នៅក្នុងការប្រកួត MUC 2025 ដែលទើបបានបញ្ជប់ក្នុងអំឡុងប៉ុន្មានខែមុននេះ បានសរសេរបង្ហោះលើអាខោនដោយបង្ហាញពីក្ដីព្រួយបារម្ភឥតឧបមាចំពោះសាច់ញាតិទាំង ៣ របស់នាង។
ដូចដែលមហាជនអ្នកតាមដានវិស័យបវរកញ្ញាបានជ្រាប ក្រោយបញ្ចប់ការប្រកួតបេក្ខភាព Top 10 រូបនេះបានភ្ជាប់ពាក្យជាមួយកំលោះសង្ហាដែលកំពុងបម្រើការជាកងទ័ពជើងទឹកកម្ពុជា។ លុះមកដល់ថ្ងៃទី ៩ ខែធ្នូ ឆ្នាំ ២០២៥ បវរកញ្ញារូបនេះបានបង្ហោះបង្ហាញក្ដីបារម្ភជាពន់ពេកចំពោះគូដណ្ដឹង លោកឪពុក និងប្អូនប្រុស ខណៈអ្នកទាំងបីសុទ្ធសឹងជាទាហានជួរមុខហើយពេលនេះដែរកំពុងស្ថិតនៅក្នុងសមរភូមិដែលត្រៀមក្នុងការប្រយុទ្ធតបតនឹងការបាញ់ប្រហាររបស់ទាហានថៃដែលព្យាយាមបាញ់មកលើដែនអធិបតេយ្យភាពរបស់កម្ពុជា។



តាមរយៈសំណេររបស់កញ្ញា ស៊ឹង វង្សចន្ទ័ពេញបរមី បានរៀបរាប់យ៉ាងដូច្នេះថា៖ «អ្នកទាំង3 ជាជីវិត ជាបេះដូង ជាដង្ហើម របស់ខ្ញុំ លើកនេះផ្លូវចិត្តខ្ញុំ ពិតជាប៉ះពាល់ខ្លាំងណាស់។ ប៉ា នៅសមរភូមិកំពុងប្រយុទ្ធ។ គូរដណ្ដឹង និងប្អូនប្រុស ត្រៀមខ្លួន 24/24 ចេញទៅ»។
ជាមួយគ្នានេះដែរ មហាជនបានបង្ហាញនូវការលើកទឹកចិត្តដល់កញ្ញា និងក្រុមគ្រួសារ ព្រមទាំងបានជូនពរដល់មនុស្សជាទីស្រលាញ់ទាំង ៣ នាក់របស់ បរមី ក៏ដូចជាទាហានជួរមុខគ្រប់ៗរូប រួមទាំងពលរដ្ឋកម្ពុជាភៀសសឹកទាំងអស់ឱ្យមានសុវត្ថិភាពរួចផុតពីការលំបាកក្នុងពេលនេះ៕
រូបភាព ៖ Bormey- បរមី























Account
Security
Favourite Content