មិនថាមនុស្សធ្វើការធម្មតា ឬតារាល្បីៗលំដាប់ពិភពលោកនោះទេសុទ្ធតែមានទម្លាប់គេងរៀងៗខ្លួន។ ជាក់ស្ដែងដូចជាតារាខេប៉ុប ៥ ដួងនេះ៖
១. V ក្រុម BTS

ជាញឹកញាប់ V ត្រូវបានមិត្តរួមក្រុមលាតត្រដាងពីទម្លាប់គេងរបស់លោកគឺលោកបានលើកជើងទាត់ និងស្រែកពេលកំពុងគេង។ នៅក្នុងបទសម្ភាសមួយ RM ដែលជាប្រធានក្រុមក៏បាននិយាយថា V មានទម្លាប់គេងបើកភ្នែកផងដែរ។
២. Cha Eunwoo ក្រុម ASTRO

នៅក្នុងបទសម្ភាសន៍ជាមួយ TopStarNews ASTRO បានបង្ហាញពីទម្លាប់នៃការគេងរបស់សមាជិករួមទាំង Cha Eunwoo ផងដែរ។ JinJin ប្រធានក្រុមក៏បានបង្ហើបថា Eunwoo និយាយជាមួយខ្លួនឯងច្រើនពេលគេង។ លោកបានបន្ថែមថាមានពេលមួយ Eunwoo ធ្លាប់បាននិយាយភាសាអង់គ្លេសដូចជា “ជំរាបសួរ” និង “អរគុណ” ហើយក៏មានទម្លាប់សើចពេលគេងដែរ។
៣. Changbin ក្រុម Stray Kids


ចំពោះតារាប្រុសកើតឆ្នាំ ១៩៩៩ រូបនេះក៏មានទម្លាប់គេងប្លែកដែរ ពោលគឺលោកចូលចិត្តនិយាយនៅក្នុងសុបិន ឬមមើសួររបស់របរអ្វីមួយទៀតផង។ លើសពីនេះ លោកក៏តែងតែគេងឱបតុក្កតា Munchlax Pokémon plush ដែលមានឈ្មោះថា Gyu ផងដែរ។ បើមិនបានគេងឱប Gyu លោកច្បាស់ជាគេងមិនលក់ពេញមួយយប់ជាមិនខាន។
៤. Chenle ក្រុម NCT


សម្រាប់ Chenle សមាជិកក្រុម NCT ឯណេះវិញក៏មានទម្លាប់មិនខុសពី Changbin ប៉ុន្មានដែរដែលលោកចូលចិត្តនិយាយក្នុងសុបិន ជាពិសេសនិយាយភាសាចិនតែម្ដង។
៥. Jaehyun ក្រុម NCT

បើងាកមកមើលតារាប្រុសវ័យ ២៦ ឆ្នាំរូបនេះវិញគឺពេលគេងលោកចូលចិត្តឱបភួយជាប់ទ្រូងដែលកាយវិការមួយនេះធ្វើឱ្យអ្នកគាំទ្រ និងសមាជិករួមក្រុមគិតថាគួរឱ្យស្រឡាញ់មែនទែន ៕






















Account
Security
Favourite Content