កាលពីចុងខែសីហាកន្លងទៅថ្មីៗនេះ ក្រុមហ៊ុន BLISSOO ដែលជាភ្នាក់ងារគ្រប់គ្រងសកម្មភាពទោលរបស់ Jisoo បានចេញមកបញ្ជាក់ថាពួកគេកំពុងតែពិចារណាលើតំណែងជាតួឯកស្រីក្នុងរឿងភាគមនោសញ្វេតនាថ្មី “Monthly Boyfriend” ដែលសំណើមួយនេះគឺត្រូវបានផ្ដល់ជូនដោយអ្នកដឹកនាំរឿងដោយផ្ទាល់។

ជាមួយគ្នានេះនៅថ្ងៃទី១០ ខែកញ្ញា ក្រុមហ៊ុន Story J Company ដែលជាភ្នាក់ងាររបស់តារាសម្ដែងប្រុស Seo In Guk ក៏បានបង្ហើបឱ្យដឹងថាថ្មីៗនេះតារាប្រុសវ័យ ៣៦ ឆ្នាំរូបនេះក៏ត្រូវបានក្រុមការងាររឿង “Monthly Boyfriend” ផ្ដល់សំណើក្នុងតំណែងជាតួឯកប្រុស។ ក្រុមហ៊ុនបានបន្ដឱ្យដឹងថាពេលនេះគេកំពុងតែគិតគូរពិចារណាដោយសំណើមួយនេះទំនោរជាមានភាគរយវិជ្ជមានច្រើន។
ដូច្នេះប្រសិនទាំង Jisoo និងតារាសម្ដែងប្រុស Seo In Guk ធ្វើការឯកភាពទៅលើសំណើមួយនេះ នោះអ្នកទាំងពីរនឹងប៉ះគ្នាជាលើកដំបូងក្នុងតំណែងជាតួឯកសម្រាប់រឿង “Monthly Boyfriend” តែម្ដង។ បន្ទាប់ពីបានចេញផ្សាយដំណឹងមួយនេះហើយបានធ្វើឱ្យអ្នកគាំទ្រផ្ទុះការចាប់អារម្មណ៍ និងអន្ទះសារខ្លាំងមែនទែនក្នុងការទន្ទឹងរងចាំមើលការសម្ដែងរបស់កំពូលតារាសម្ដែងទាំងពីរក្នុងរឿងភាគមនោសញ្ចេតនាមួយនេះ។


គួរបញ្ជាក់ដែរថាបន្ទាប់ជោគជ័យក្នុងខ្សែភាពយន្ដទីមួយរបស់ខ្លួនហើយ Jisoo ហាក់ស្រវាបានប្រជាប្រិយភាពកាន់តែខ្លាំងដោយមិនត្រឹមតែជាតារាចម្រៀងប៉ុណ្ណោះទេ ប៉ុន្តែក្នុងនាមជាតារាសម្ដែងស្រីដែលពោរពេញដោយទេពកោសល្យមួយរូបផងដែរ។ ជាក់ស្ដែងនាងថែមទាំងបានបញ្ចប់ការថតរឿងយ៉ាងជោគជ័យដល់ទៅពីរបន្ថែមទៀតគឺរឿង “Omniscient Reader’s Viewpoint” និង “Newtopia”។

យោងតាមសេចក្ដីរាយការណ៍ព័ត៌មានជាច្រើន តារាប្រុស Seo In Guk ក៏កំពុងស្ថិតក្នុងការចរចាឱ្យចូលសម្ដែងខ្សែភាពយន្ដបែបវាយប្រហារមួយទៀតមានចំណងជើងថា “Twelve” ជាមួយនឹងតារាប្រុស Ma Dong Suk និង Ji Sang Wook។ បច្ចុប្បន្ននេះ លោកកំពុងធ្វើការផ្សព្វផ្សាយអាល់ប៊ុមតូចរបស់លោក ”SIGnature” ដែលទើបបានចេញផ្សាយនៅថ្ងៃទី៦ ខែកញ្ញានេះផងដែរ។ មិនត្រឹមប៉ុណ្ណេះ លោកថែមទាំងគ្រោងនឹងធ្វើកម្មវិធីជួបជុំអ្នកគាំទ្រ “Seo In Guk 1st US Fan Meeting Tour” នៅសហរដ្ឋអាមេរិកទៀតផង៕


























Account
Security
Favourite Content