កើតឡើងព្រោះអ្នកគាំទ្រ ជោគជ័យព្រោះគុណភាព មកស្គាល់ Fandom Marketing ពីអាជីវកម្មរបស់តារាល្បីៗ

ក្នុងរយៈពេលប៉ុន្មានឆ្នាំកន្លងមកនេះ តារាល្បីៗ មិនថានៅក្នុង ឬក្រៅស្រុកនោះទេ បានចាប់ផ្ដើមប្រែខ្លួនពីសិល្បករ មកជាអ្នកជំនួញក្នុងវិស័យផ្សេងៗ​ រាប់ចាប់ពីម្ហូបអាហារ សម្លៀកបំពាក់ និងគ្រឿងសម្អាង។ ដ្បិតបង្កើតឡើងក្នុងនាមជាយីហោថ្មីក្ដី ក៏ប៉ុន្តែយីហោទាំងនោះបែរជាទទួលបានការគាំទ្រខ្លាំងចាប់តាំងពីថ្ងៃដំបូង ទាំងនេះក៏ព្រោះតែយុទ្ធសាស្ត្រទីផ្សារមួយ ដែលហៅថា Fandom Marketing។

Fandom ឬក្រុមអ្នកគាំទ្រ គឺពិតជាមានឥទ្ធិពលទៅលើអាជីពការងាររបស់សិល្បករម្នាក់ៗ ព្រោះមនុស្សមួយក្រុមនេះ បានដើរតួនាទីយ៉ាងសំខាន់ទៅលើការគាំទ្រទាំងផ្លូវចិត្ត និងការងារផ្សេងៗរបស់សិល្បករដែលខ្លួនចូលចិត្ត មិនត្រឹមតែការងារដែលពួកគេអាចស្វែងរកទស្សនាបានដោយឥតគិតថ្លៃប៉ុណ្ណោះទេ តែសូម្បីតែការងារដែលត្រូវការការចំណាយប្រាក់ ដូចជាសំបុត្រចូលរួមកម្មវិធីប្រគំតន្រ្តី ឬជំនួបជាមួយនឹងអ្នកគាំទ្រជាដើម។

លើសពីរូបភាពនៃភាពជោគជ័យក្នុងវិស័យសិល្បៈ នេះគឺជាឱកាសមួយដ៏សំខាន់ដែលសិល្បករនីមួយៗអាចប្រើប្រាស់កម្លាំងនៃអ្នកគាំទ្រទៅលើអាជីវកម្មរបស់ខ្លួនផងដែរ។

ដោយមានការគាំទ្រ និងក្ដីស្រឡាញ់ស្រាប់ Fandom Marketing បានក្លាយជាយុទ្ធសាស្រ្តទីផ្សារដ៏ខ្លាំងបំផុតមួយនៅក្នុងយុគសម័យនេះ។ ជាពិសេស អាជីវកម្មរបស់តារាល្បីៗតែងតែទទួលបានប្រជាប្រិយភាពខ្លាំងចាប់តាំងពីបើកដំណើរការដំបូង ក៏ព្រោះតែក្រុមអ្នកគាំទ្រទាំងនេះ បានត្រៀមខ្លួនរួចជាស្រេច ដើម្បីគាំទ្រ និងផ្សព្វផ្សាយបន្តរហូតធ្វើឱ្យកេរ្តិ៍ឈ្មោះរបស់ម៉ាកយីហោទាំងនោះរីករាលដាលទៅកាន់អតិថិជនកាន់តែទូលាយជាងមុន ចាត់ទុកជាផលល្អសម្រាប់វិស័យជំនួញ។

ភាពល្បីល្បាញរបស់តារា និងក្រុមអ្នកគាំទ្រ មិនអាចជាជំហរគោលដែលធ្វើឱ្យម៉ាកយីហោទាំងនេះអាចឈរជើងបានយូរនោះទេ បើសិនជាអាជីវកម្មទាំងនោះមិនអាចឆ្លើយតបទៅនឹងតម្រូវការរបស់អតិថិជនទូទៅ រាប់ចាប់តាំងពីគុណភាព ភាពទាក់ទាញរបស់ផលិតផល និងបទពិសោធន៍ជារួមរបស់អតិថិជន។

ចំណុចពិសេស ដែលធ្វើឱ្យយីហោមួយចំនួននៅតែអាចមានឈ្មោះមកដល់ពេលបច្ចុប្បន្ននេះ គឺការបណ្ដាក់ទុនលើការអភិវឌ្ឍរូបមានថ្មីៗ គុណភាពការផលិត និងភាពពិសេសខុសគេរបស់ផលិតផល ដែលជាកត្តាសំខាន់ អាចផ្សព្វផ្សាយកេរ្តិ៍ឈ្មោះទៅកាន់ក្រុមអតិថិជនដែលមិនមែនជាអ្នកគាំទ្រ បង្កើតបានជាគ្រឹះដ៏រឹងមាំរបស់យីហោទាំងនោះ។

ខណៈតារាលើទឹកដីហូលីវូដ ដូចជា​ Ryan Reynold, Kim Kardashian, Selena Gomez, Kylie Jenner, The Rock និង Ariana Grande បានប្រែខ្លួនមកជាអ្នកជំនួញក្ដី យីហោគ្រឿងសម្អាង Fenty Beauty របស់ Rihanna ទទួលបានភាពជោគជ័យគួរឱ្យចាប់អារម្មណ៍។

យោងតាមសារព័ត៌មាន Forbes ស្ថាបនិកស្រីរូបនេះ បានបង្កើតយីហោ Fenty Beauty ឡើងនៅក្នុងខែកញ្ញា ឆ្នាំ ២០១៧ ដោយអាចរកចំណូលបានជាង ១០០លានដុល្លារដំបូង ក្នុងពេលត្រឹមតែ ៤០ថ្ងៃ និងឈានដល់ ៥៥០លានដុល្លារអាមេរិក ក្នុងឆ្នាំដំបូង។

Fenty Beauty បានយល់ច្បាស់ពីទីផ្សារ​ ដោយបានបញ្ចេញនូវម្ស៉ៅទ្រនាប់ដល់ទៅជាង ៤០ពណ៌ សមស្របតាមបេសកម្មរបស់ម៉ាកយីហោដែលចង់រួមបញ្ចូលស្រ្តីគ្រប់រូប និងទទួលស្គាល់នូវភាពច្រមុះបែប។ ដ្បិតជាយីហោថ្មីក៏ពិតមែន តែ Rihanna បានសម្ពោធយីហោរបស់ខ្លួននៅក្នុង ១៧ប្រទេសផ្សេងគ្នា ដែលបង្ហាញថា បេសកម្មនេះនាងមិនមែននិយាយតែមាត់ទេ តែម្ស៉ៅទ្រនាប់ដល់ទៅជាង ៤០ពណ៌នេះ គឺជាការបង្ហាញឱ្យអតិថិជនឃើញនឹងភ្នែកតែម្ដង។

ភាពជោគជ័យលើកដំបូង អាចនឹងមិនមែនជារឿងពិបាកនោះទេ ព្រោះ Rihanna គឺជាតារាចម្រៀងស្រីដែលពិភពលោកស្គាល់ស្រាប់ ដូច្នេះ នាងមានក្រុមអ្នកគាំទ្រដែលចាំជួយទិញផលិតផលរួចបាត់ទៅហើយ។ ក៏ប៉ុន្តែអ្វីដែលពិបាកនោះ គឺការដែលធ្វើឱ្យអ្នកគាំទ្រ និងអតិថិជនជារួម ត្រឡប់មកទិញផលិតផលរបស់ខ្លួនម្ដងហើយម្ដងទៀត។

ត្រឡប់ទៅកាលពីឆ្នាំ ២០១៤ វិញ មុនពេលដែលតារាល្បីៗចាប់អារម្មណ៍ធ្វើអាជីវកម្ម Rihanna បានចាប់ផ្ដើមចុះបញ្ចីពាណិជ្ជកម្មយីហោ Fenty Beauty ចាប់តាំងពីពេលនោះមក និងបានចំណាយពេល មិនតិចជាង ២ឆ្នាំដើម្បីបង្កើតរូបមន្តម្ស៉ៅទ្រនាប់ដែលមានគុណភាពមុននឹងដាក់លក់។ នេះបញ្ជាក់ថា អ្នកម្ដាយកូន ៣រូប មិនបានបង្កើតយីហោគ្រឿងសម្អាងដោយពឹងទៅលើកេរ្តិ័ឈ្មោះរបស់ខ្លួននោះទេ តែគឺបង្កើតឡើងពឹងផ្អែកទៅលើគុណភាពពិតប្រាកដ។

ជាលទ្ធផល នៅក្នុងឆ្នាំ ២០២៤ Fenty Beauty អាចរកចំណូលបានដល់ទៅ ៦០២.៤លានដុល្លារអាមេរិក នាំឱ្យយីហោទាំងមូលមានតម្លៃដល់ទៅ ២.៨ពាន់លានដុល្លារអាមេរិក។ នេះបើយោងតាម Brand Vision Insight។

សរុបរួម ដ្បិតបុគ្គលល្បីៗមានឥទ្ធិពលអាចធ្វើឱ្យអាជីវកម្មរបស់ខ្លួនទទួលបានការគាំទ្រខ្លាំងនៅពេលបើកដំបូងក្រោមយុទ្ធសាស្ត្រទីផ្សារ Fandom Marketing ក្ដី តែភាពគង់វង្ស និងរីកចម្រើនរបស់យីហោទាំងនោះ គឺអាស្រ័យទៅលើគុណភាពពិត ដែលយីហោអាចផ្ដល់ទៅឱ្យអតិថិជន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក



Leave a Reply

Your email address will not be published.Required fields are marked *