អបអរសាទរ! រី សុវណ្ណៈ ក្លាយជា Mister International Cambodia 2024 នឹងតំណាងកម្ពុជា ទៅប្រកួតថ្នាក់អន្តរជាតិនៅហ្វីលីពីន

សំឡេងត្រូវបានបង្កើតឡើងតាមរយៈប្រព័ន្ធបញ្ញា​សិប្បនិម្មិត្ត។

គួរ​ឲ្យ​ភ្ញាក់ផ្អើល​ខ្លាំង​មែនទែន ស្ងាត់​ៗ​ស្រាប់​តែ​កំលោះ​សង្ហា រី សុវណ្ណៈ ត្រូវ​បាន​លោក Romyr Libo-on ជា National Director ប្រកាស​ជ្រើស​តាំង​ជា​បុរស​ឯក​តំណាង​ប្រទេស​កម្ពុជា​ទៅ​ចូល​រួម​ប្រកួត​កម្មវិធី Mister International 2024 នៅ​ហ្វីលីពីន ចាប់​ពី​ថ្ងៃទី​២ ដល់​ថ្ងៃ១១ ខែ​វិច្ឆិកា ឆ្នាំ ២០២៤។

កម្មវិធី​ដែល រី សុវណ្ណៈ ត្រូវ​ចូល​រួម​ប្រកួត​នៅ​ហ្វីលីពីន មាន​វគ្គ​សំខាន់​ៗ ២ គឺ​ការ​ប្រកួត​បឋម នឹង​ធ្វើ​ឡើង​នៅ​ថ្ងៃទី៨ វិច្ឆិកា និង​ការ​ប្រកួត​វគ្គ​ផ្ដាច់ព្រ័ត្រ នឹង​ធ្វើ​ឡើង​ថ្ងៃ​ទី១០ វិច្ឆិកា ឆ្នាំ ២០២៤។ Mister International Cambodia 2024 បាន​ឲ្យ​ដឹង​ថា ការ​ដែល National Director សម្រេច​ជ្រើសរើស​លោក​ជា​បុរស​ឯក​តំណាង​កម្ពុជា ទៅ​ប្រកួត​ឆាក​អន្តរជាតិ ដោយសារ​តែ Mister International ជា​កម្មវិធី​ប្រកួតប្រជែង​សម្រស់​ផ្ដោត​សំខាន់​លើ​វប្បធម៌ និង​ទេសចរណ៍ ជា​ផ្នែក​សំខាន់ ក្នុង​ការ​ជំរុញ​សេដ្ឋកិច្ច​ជាតិ​ឲ្យ​មាន​ការ​អភិវឌ្ឍន៍។ ម៉្យាង​កម្មវិធី​នេះ​មាន​ការ​រៀបចំ​បាន​ល្អ និង​ជា​ម្ចាស់​ដើម​ដំបូង​នៃ​កម្មវិធី​ជា​ជនជាតិ​ហ្វីលីពីន ហើយ​បើក​ឱកាស​ឲ្យ​បេក្ខភាព​អាយុ ១៨-៣២ ឆ្នាំ ដែល​ត្រូវ​អាយុ​របស់​លោក​តែ​ម្ដង។

បុរស​ឯក​តំណាង​កម្ពុជា​រូប​នេះ ចាត់​ទុក​ជា​ឱកាស​ល្អ សម្រាប់​ការ​ចូលរួម​ផ្សព្វផ្សាយ​អំពី សិល្បៈ របាំ ទំនៀមទម្លាប់ ប្រពៃណី ប្រាសាទ​ដ៏​អស្ចារ្យ​របស់​កម្ពុជា ពិសេស​តំបន់​ទេសចរណ៍ ដែល​អាច​ទាក់ទាញ​ភ្ញៀវ​ទេសចរ​ជាតិ-អន្តរជាតិ​ឲ្យ​មក​កម្សាន្ត​កម្ពុជា​កាន់​តែ​ច្រើន​ឡើង។

រី សុវណ្ណៈ ត្រៀម​ខ្លួន​រួច​រាល់​ហើយ​សម្រាប់​ការ​ចេញ​ទៅ​ប្រកួត​នៅ​វេទិកា​អន្តរជាតិ។ លោក​បាន​ផ្ដោត​សំខាន់​លើ​ចំណេះ​ដឹង​ទូទៅ​ទាក់ទង​វប្បធម៌​ជាតិ-អន្តរជាតិ, ការ​តស៊ូ​មតិ ដើម្បី​លើ​កម្ពស់​វិស័យ​អប់រំ និង​ទំនាក់ទំនង។ វណ្ណៈ ក៏​បាន​ត្រៀម និង​ហ្វឹក​ហាត់​វគ្គ​សំណួរ​ចម្លើយ សម្រាប់​កម្មវិធី និង​បទ​បង្ហាញ, ការ​បញ្ចេញ​សមត្ថភាព​ពិសេស​ដូចជា របាំ​ខ្មែរ និង​ការ​សម្ដែង​ផ្សេង​ៗ, ការ​រៀបចំ​ខ្លួន និង សម្លៀកបំពាក់​សមស្រប​ទៅ​តាម​សកម្មភាព លើស​ពី​នេះ​ក៏​មាន​ឈុត​ប្រពៃណី និង​ឈុត​តំណាង​ជាតិ​ច្នៃ​ម៉ូដ និង​ដំឡើង​ដោយ Po Makara រួម​ទាំង ការ​ហ្វឹកហាត់​ដើរ​បង្ហាញ​ម៉ូដ​ រួម​ទាំង​ក្បាច់​រាំ​ចង្វាក់​សម័យ​ជាមួយ​គ្រូ​ហ្វីលីពីន​លោក​ Fel Odrazilef ផង​ដែរ។

នេះ​ជា​ការ​ផ្លាស់ប្ដូរ​ទ្រង់ទ្រាយ​ធំ​របស់​លោក ហើយ​ក៏​ជា​ក្ដី​ស្រមៃ​ដ៏​ធំ​ក្នុង​ជីវិត​​កំពុង​ក្លាយ​ជា​ពិត ដែល​តែងតែ​ចង់​បង្ហាញ​ពី​កម្ពុជា​ទៅ​កាន់​ពិភព​លោក។ សុវណ្ណៈ ពុំ​សូវ​ព្រួយ​បារម្ភ​ពី​ការ​រិះ​គន់​នោះ​ឡើយ ផ្ទុយ​ទៅ​វិញ​លោក​ជឿជាក់​ថា​ប្រជាជន​ខ្មែរយើង នឹង​ចូលរួម​គាំទ្រ លើកទឹកចិត្ត ចែករំលែក ព្រោះ​អ្វី​ដែល​លោក​កំពុង​ធ្វើ គឺ​ដើម្បី​អ្នក​ទាំង​អស់​គ្នា ប្រជាជាតិ និង​ប្រទេស​ជាតិ​យើង​ទាំងមូល។

បេក្ខភាព​តំណាង​កម្ពុជា​រូប​នេះ​តាំងចិត្ត​យ៉ាង​មុតមាំ មិន​ថា​មាន​រឿង​អ្វី​ក៏​ដោយ លោក​មិន​បោះបង់ ហើយ​តស៊ូ ដើម្បី​កេរ្តិ៍ឈ្មោះ​កម្ពុជា លើក​ទង់ជាតិ​ខ្មែរ និង​បង្ហាញ​ឲ្យ​គេ​ដឹង​ថា​ខ្មែរ ជា​ជាតិ​សាសន៍​ដ៏​អស្ចារ្យ សម្បូរ​ទៅ​ដោយ​វប្បធម៌​ដ៏​ល្អ​ផូរផង់ និង​ធនធាន​មនុស្ស​ប្រកប​ដោយ​គុណភាព។ Mister International Cambodia 2024 ប្ដេជ្ញា​ចិត្ត​ថា នឹង​ខិតខំ​ប្រឹងប្រែង​ឲ្យ​អស់​ពី​សមត្ថភាព ដើម្បី​ផ្សព្វផ្សាយ​ពី​កម្ពុជា​ទៅ​កាន់​ពិភព​លោក តាមរយៈ​វេទិកា Mister International 2024 និង​នាំ​បេក្ខភាព​ទាំង​អស់​មកពី​បណ្ដា​ប្រទេស​ជុំវិញ​ពិភពលោក ឲ្យ​មក​ទស្សនា​ប្រទេស​កម្ពុជា។

ចាប់​ពី​ពេល​នេះ លោក​នឹង​ខិតខំ​កែប្រែ​ចំណុច​ខ្វះខាត ដែល​រៀន​ពី​រៀមច្បង,លោកគ្រូ-អ្នកគ្រូ និង មនុស្ស​ជុំវិញ​ខ្លួន ដើម្បី​បំពេញ​ចំណុច​ល្អ​បន្ថែម ទាំង​ចំណេះដឹង ជំនាញ ឬ​ការ​ទំនាក់ទំនង។ ថ្មី​ៗ​​នេះ លោក​បាន​រៀន​បន្ថែម​ពី​សិល្បៈ​ខ្មែរ ល្ខោនខោល ក្បាច់គុន ល្បុក្កតោ ដើម្បី​ត្រៀម​បង្ហាញ​លើ​ឆាក​អន្តរជាតិ។ លោក​សង្ឃឹម​ថា ប្រជាជន​ខ្មែរ​នឹង​គាំទ្រ​ដំណើរ​ការ​ចេញ​ទៅ​ប្រកួត​លើ​ឆាក​អន្តរជាតិ​លើក​ដំបូង​របស់​លោក នៅ​អំឡុង​ខែ​វិច្ឆិកា ឆ្នាំ ២០២៤ ខាង​មុខ​នេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង