សមាជិក 2NE1 ខិតខំហ្វឹកហាត់យ៉ាងខ្លាំង ត្រៀមបង្ហាញខ្លួនជុំគ្នាលើឆាកតន្ដ្រីម្ដងទៀតមិនឲ្យអ្នកគាំទ្រខកចិត្ដ

បកត្រឡប់ទៅកាលពីថ្ងៃទី ២២ ខែ កក្កដា ឆ្នាំ ២០២៤ កន្លងទៅ លោក Yang HyunSuk  ជាអ្នកផលិតនៅផលិតកម្ម YG បានប្រកាសពីដំណឹងល្អ និងគម្រោងសម្រាប់ក្រុមចម្រៀងនារីជំនាន់ទី ២ គឺ 2NE1។ ការត្រឡប់មកបន្ដសកម្មភាពជាក្រុមវិញ របស់ក្រុម 2NE1 ពិតជាធ្វើឲ្យអ្នកគាំទ្រមានអារម្មណ៍រំភើបរីករាយខ្លាំង។ តាមការបញ្ជាក់ ក្រុមនារីជំនាន់ទី ២ មួយនេះ​នឹងធ្វើការប្រគំតន្ដ្រីទេសចរណ៍ចាប់ពីខែ តុលា ឆ្នាំ ២០២៤ រហូតដល់ពាក់កណ្ដាលឆ្នាំ ២០២៥ ខាងមុខ ដោយចាប់ផ្ដើមដំបូងពីប្រទេសកូរ៉េខាងត្បូងផ្ទាល់តែម្ដង។

ក្រុមចម្រៀងនារី 2NE1 នៅតែត្រូវបានគេចាត់ទុកថា ជាក្រុមចម្រៀងនារីខេប៉ុបមានឥទ្ធិពលខ្លាំងមួយនាពេលបច្ចុប្បន្ន បើទោះជាបានចេញច្រៀងអស់រយៈពេល ១៥ ឆ្នាំហើយក្ដី។ នៅពេលដែលសំបុត្រត្រូវបានដាក់លក់ភ្លាម គឺមានអ្នកចុចដណ្ដើមគ្នាទិញរហូតដល់ជាង ៤៣ ម៉ឺននាក់។ វាជាចំនួនដ៏ច្រើនមួយសម្រាប់ក្រុមនារីដែលខានបង្ហាញសកម្មភាពជុំគ្នាយូរ។ ការប្រគំតន្ដ្រីទេសចរណ៍របស់ 2NE1 នឹងចាប់ផ្ដើមដំបូងពីប្រទេសកូរ៉េខាងត្បូង និងធ្វើឡើងរយៈពេល ២ ថ្ងៃ គឺថ្ងៃ ៥ និង ៦ ខែ តុលា ឆ្នាំ ២០២៤។ សំបុត្រសរុបសម្រាប់ការប្រគំតន្ដ្រីរយៈពេល ២ ថ្ងៃ មានតែត្រឹម ៨ ពាន់សំបុត្រប៉ុណ្ណោះ។


បើតាមសម្ដីរបស់តារាស្រី Sandara បានឲ្យដឹងថា៖ នាងពិតជាមានអារម្មណ៍រំភើប និងរីករាយខ្លាំង ដែលអាចប្រកាសពីដំណឹងល្អជូនមហាជន និងអ្នកគាំទ្រ។ នាងបានរង់ចាំពេលវេលានេះអស់រយៈពេល ៨ ឆ្នាំមកហើយ។ សមាជិកម្នាក់ៗ សម្រេចផ្អាកសកម្មភាពទោលរបស់ខ្លួនសិន ដើម្បីមកផ្ដោតលើការប្រគំតន្ដ្រីរបស់ 2NE1។ សមាជិកម្នាក់ៗ ក៏បានហ្វឹកហាត់យ៉ាងយកចិត្ដទុកដាក់ ដោយមួយថ្ងៃ រាំ​រហូតដល់ទៅ ៧ ម៉ោង។ ពួកយើងមិនខ្លាចហត់នឿយទេ ព្រោះវាជាពេលវេលាដ៏មានតម្លៃមួយ។

ទន្ទឹមនេះដែរ តារាស្រី Park Bom ក៏បានបង្ហោះរូបភាពជុំគ្នាជាមួយសមាជិក 2NE1 ផ្សេងទៀត បង្ហាញឲ្យឃើញសមាជិកម្នាក់ៗ ទើបតែបញ្ចប់ការហ្វឹកហាត់។ រូបនាងត្រូវបានគេចាប់អារម្មណ៍ មានមុខកាន់តែស្លីមតូចជាមុន ដែលធ្វើឲ្យគេជឿថា នាងព្យាយាមហ្វឹកហាត់ និងថែរក្សារូបរាងសម្រកគីឡូ ដើម្បីត្រៀមខ្លួនសម្រាប់ការប្រគំតន្ដ្រីរបស់ក្រុម 2NE1 នាពេលខាងមុខ។ ស្របពេលដែល Minzy ក៏បានបង្ហោះរូបភាពជាមួយ Park Bom បង្ហាញឲ្យឃើញពីភាពរីករាយ និងការត្រៀមខ្លួនយ៉ាងមុតមាំ សម្រាប់ការមកជួបអ្នកគាំទ្រ លើឆាកតន្ដ្រីម្ដងទៀត។

គួរបញ្ជាក់ថា កាលពីថ្ងៃទី ២៥​ ខែមិថុនា ឆ្នាំ ២០២៤ ប្រភពព័ត៌មានកូរ៉េ Osen បានឲ្យដឹងថា សមាជិកទាំង ៤ របស់ក្រុមនារីជំនាន់ទី ២ ដ៏ល្បី 2NE1 នឹងណាត់ជួបជាមួយលោក Yang Hyunsuk ជាអ្នកដឹកនាំធំម្នាក់ក្នុងផលិតកម្ម YG នៅប៉ុន្មានថ្ងៃខាងមុខនេះ។ ប្រភពព័ត៌មានដដែលបានឲ្យដឹងថា ការណាត់ជួបនេះទំនងជានិយាយពិភាក្សាអំពីការបញ្ចេញចម្រៀងថ្មីរបស់ក្រុម 2NE1។ រហូតដល់នៅខែ កក្កដា ឆ្នាំ ២០២៤ ក៏មានការប្រកាសជាផ្លូវការពីការវិលត្រឡប់មកជួបជុំគ្នាវិញរបស់ក្រុម 2NE1៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង