ថ្មីៗនេះតារាសម្ដែងស្រីល្បីឈ្មោះតៃវ៉ាន់ Ruby Lin ឬមនុស្សជាច្រើនស្គាល់ថាព្រះនាង ជៀវវៃ បានទម្លាយពីរឿងស្ដាយក្រោយមួយ ដែលនាងមិនគួរធ្វើក្នុងកម្មវិធី Hear Me Out។

បច្ចុប្បន្ន តារាសម្ដែងស្រីរូបនេះមានអាយុ ៤៧ ឆ្នាំហើយ ខណៈគម្លាតអាយុរបស់នាង និងកូនស្រីតូចបានក្លាយជាប្រធានបទត្រូវគេលើកយកមកពិភាក្សាក្នុងកម្មវិធីមួយនេះ។ ជៀវវៃ បានបង្ហាញពីក្ដីបារម្ភរបស់នាងចំពោះកូនស្រី ដែលធ្វើឲ្យមហាជនជាច្រើនយល់ច្បាស់ក្នុងនាមជាម្ដាយដូចគ្នា។
មែនទែនទៅ ជៀវវៃ ជាតារាស្រីម្នាក់ដែលតែងព្យាយាមមិនរំឮកពីកូនស្រីរបស់ខ្លួនលើបណ្ដាញសង្គម ឬបទសម្ភាសន៍នានាដោយសារតែចង់រក្សាភាពឯកជន និងការពារកូនស្រីនាងពីការតាមរំខាន។ ជៀវវៃ និងស្វាមី Wallace Huo បានដឹកដៃគ្នាចូលរោងមង្គលនៅឆ្នាំ ២០១៦ ក្រោយមកបានមួយឆ្នាំ អ្នកទាំងទទួលបានចំណងដៃកូនស្រីមួយ។ ក្នុងឱកាសចូលរួមកម្មវិធី Hear Me Out នាងបានសម្ដែងពីក្ដីបារម្ភ និងស្ដាយក្រោយដែលយកកូននៅអាយុចាស់ពេក។

ជៀវៃ ទទួលបានចំណងដៃកូនស្រីនៅពេលដែលនាងមានអាយុ ៤០ ឆ្នាំ បច្ចុប្បន្នកូនស្រីរបស់នាងទើបមានអាយុ ៧ ឆ្នាំប៉ុណ្ណោះ។ ជៀវៃ បានលើកឡើងថា កូនស្រីរបស់នាងពិតជាកាដូដែលទេវតាប្រទានឲ្យនាង ហើយនាងកាន់តែមានសុភមង្គលក្រោយកូនម្នាក់នេះចាប់កំណើត។

នាងបានបន្ដថា វាជារឿងល្អមួយដែលកូនស្រីរបស់នាងកើតនៅអំឡុងពេលនេះ ដោយសារតែវាជាពេលវេលាដែលនាងមានប្រាក់គ្រប់គ្រាន់ក្នុងការចិញ្ចឹមបីបាច់ថែរក្សានាងបាន។ តែនាងក៏មានការស្ដាយក្រោយខ្លាំងដែលនាងយកកូននៅអាយុចាស់ពេក ទម្រាំកូននាងមានអាយុ ២០ ឆ្នាំ រូបនាងគឺមានអាយុ ៦០ ឆ្នាំទៅហើយ។

ជាចុងក្រោយ រូបនាងក៏និយាយបន្ថែមបែបលេងសើចថា នាងមិនចង់ឲ្យកូនស្រីរបស់នាងដូចនាងឡើយ ចាំទាល់តែអាយុ ៤០ ទើបរៀបការយកកូន។ បើអ៊ីចឹងមែននោះ ទាល់តែអាយុ ៨០ ឆ្នាំទើបនាងមានឱកាសអាចពរចៅបាន៕

























Account
Security
Favourite Content