រឿងរ៉ាវពីក្រោយខ្នង នៃការបាត់មុខតារាស្រីតៃវ៉ាន់ដ៏ល្បី Joey Wong ជិត ២០ឆ្នាំ

ប្រិយមិត្តដែលនិយមតាមដានភាពយន្ដហុងកុងជំនាន់ទសវត្សឆ្នាំ ៨០ ជាពិសេសរឿង “អ្នកប្រមាញ់ទីក្រុង” និង “ស្ដេចល្បែងម៉ាកាវ” ច្បាស់ជាស្គាល់នូវតារាស្រី Joey Wong ជាក់ជាមិនខានដោយសារតែទេពកោសល្យសម្ដែង និងរូបសម្រស់ដ៏ស្រស់ស្អាតលេចធ្លោរបស់នាង។ ប៉ុន្ដែយ៉ាងណាមិញក្នុងឆ្នាំ ២០០៤  រូបនាងស្រាប់តែប្រកាសបញ្ចប់អាជីពជាអ្នកសិល្បៈ និងបាត់មុខអស់រយៈពេលជិត ២០ ឆ្នាំពីវិស័យភាពយន្ដជាហេតុធ្វើឱ្យមហាជន និងអ្នកគាំទ្រហាក់មានការនឹករលឹកជាខ្លាំង ខណៈមានអ្នកគាំទ្រជាច្រើនស្នើសុំចង់ឱ្យរូបនាងវិលត្រលប់មកសម្ដែងក្នុងរឿងនានា ឬជួបជុំសម្ដែងរួមគ្នាជាមួយតារាល្បីៗមានវ័យស្រករៗ រូបនាង។

តារាស្រី Joey Wong មានឈ្មោះកំណើត Wang Zu Xian ឬ Wang Tsu Hsien កើតនៅថ្ងៃទី ៣១ ខែ មករា ឆ្នាំ ១៩៦៧ នៅទីក្រុង តៃប៉ិ រដ្ឋធានីរបស់  តៃវ៉ាន់។ ដើមឡើយរូបនាងមិនមែនជាតារាសម្ដែងអ្វីឡើយ។ ផ្ដើមដំបូងនាងជាតារាម៉ូឌែលដ៏មានប្រជាប្រិយភាពម្នាក់ ដោយសារតែពេលវេលានិងឱកាសអំណោយផលរូបនាងក៏ចាប់ផ្ដើមចូលប្រឡូកសម្ដែងក្នុងរឿងដំបូងបំផុតនៅឆ្នាំ ១៩៨៤។  ចាប់តាំងពីពេលនោះមក រូបនាងមានរឿងសម្ដែងជាហូរហែរទាំងនៅ តៃវ៉ាន់ និងហុងកុងរហូតដល់ទៅ ៥២ រឿងឯណោះ។ បើក្រឡេកមកមើលកេរ្ដិ៍ឈ្មោះរបស់នាងក៏កាន់តែមានភាពល្បីល្បាញខ្លាំងឡើងៗ ថែមទាំងជាប់ឈ្មោះជាបុប្ផាមួយ ក្នុងចំណោមបុប្ផា ៤ ទងរបស់ ហុងកុង ទៀតផងនាសម័យនោះ។

មែនទែនទៅ មុនប្រកាសបញ្ចប់អាជីពជាអ្នកសិល្បៈក្នុងឆ្នាំ ២០០៤ តារាស្រីវ័យ ៥៥ ឆ្នាំរូបនេះធ្លាប់ធ្វើឱ្យមហាជនមានការភ្ញាក់ផ្អើលម្ដងរួចទៅហើយ ដោយសារក្នុងឆ្នាំ ១៩៩៤ រូបនាងឈប់ទទួលសម្ដែងរឿងព្រមទាំងលើកឡើងថាខ្លួនមានបំណងចង់សម្រាក និងឈប់ធ្វើជាតារាសម្ដែងតទៅទៀតហើយ។ ក្រោយបាត់មុខក្នុងវិស័យភាពយន្ដអស់រយៈពេល ៧ ឆ្នាំ រូបនាងក៏ត្រលប់មកសម្ដែងសាជាថ្មីម្ដងទៀតក្នុងរឿង “Peony Pavillion” នាឆ្នាំ ២០០១។

ក្រោយមករយៈពេល ៣ ឆ្នាំ ក្នុងឆ្នាំ ២០០៤ រូបនាងក៏បង្ហាញខ្លួនក្នុងរឿងមួយផ្សេងទៀតមានចំណងជើងថា “Shanghai Story” តែអ្វីដែលធ្វើឱ្យអ្នកគាំទ្រគាំងនិយាយលែងចេញ វាក៏ជារឿងចុងក្រោយដែលរូបនាងបានចូលរួមសម្ដែងផងដែរ។ ក្នុងឆ្នាំដដែលនោះរូបនាងបានប្រកាសលាឈប់ពីសិល្បៈ និងជ្រើសរើសប្ដូរទីលំនៅទៅរស់នៅយ៉ាងសាមញ្ញនៅប្រទេស កាណាដា។ ពេលវេលានោះហើយដែលមហាជនជាច្រើនចាប់ផ្ដើមមានចម្ងល់ថា មូលហេតុអ្វីទៅទើបធ្វើឱ្យរូបនាងសម្រេចចិត្តលាឈប់ពីសិល្បៈ បើរូបនាងកំពុងមានភាពល្បីល្បាញខ្លាំងយ៉ាងដូច្នេះ។  

តាមរយៈសារព័ត៌មានហុងកុងជាច្រើនបានចុះផ្សាយថា Joey Wong ជាតារាស្រីម្នាក់ដែលឆាប់រំជួលចិត្ត និងអារម្មណ៍ឆាប់ប្រែប្រួលខុសប្រក្រតីធ្វើឱ្យនាងមានអារម្មណ៍ហត់នឿយក្នុងការសម្ដែង។ លើសពីនេះ បណ្ដាលមកពីនាងទទួលរងសម្ពាធខ្លាំងពេកពីមហាជន និងក្រុមអ្នកកាសែតទើបសម្រេចចិត្តលាឈប់ពីសិល្បៈក្នុងវ័យ ៣៨ ឆ្នាំ។ ប៉ុន្ដែក៏មានពាក្យចចាមអារ៉ាមជាច្រើនទៀតលើកឡើងថា ដោយសារតែរូបនាងធ្លាប់ខកចិត្តរឿងស្នេហាជាមួយដៃគូសម្ដែង និងជួបរឿងអាស្រូវស្នេហាច្រើនពេកទើបសម្រេចបញ្ចប់អាជីពខ្លួនទៅរស់នៅយ៉ាងសាមញ្ញាវិញ។

ទន្ទឹមនេះដែរ តាមការបញ្ជាក់របស់អ្នកកាសែតជើងចាស់ម្នាក់ឈ្មោះ Bai LuMei បានឱ្យដឹងថា ក្នុងឆ្នាំ ២០០១ តារាស្រី Joey Wong ប៊ិះនឹងបានរៀបការជាមួយអតីតមិត្តប្រុសដែលជាតារាចម្រៀង និងតារាសម្ដែងតៃវ៉ាន់លោក Chyi Chin ទៅហើយ។ ប៉ុន្ដែរឿងល្អមិនទាន់កើតឡើងផងអតីតមិត្តស្រីរបស់លោកបែរជាដាក់ពាក្យបណ្ដឹងដល់តុលាការដោយសារតែលោកមិនទទួលខុសត្រូវ និងចិញ្ចឹមកូន។ ហេតុការណ៍នេះបានធ្វើឱ្យ Joey Wong ហាក់មានការភ្ញាក់ផ្អើលខ្លាំង ព្រោះនាងមិនដែលធ្លាប់បានដឹងពីមុនថាមនុស្សដែលខ្លួនជិតរៀបការជាមួយមានមិត្តស្រី និងកូនរួចហើយ។ ចាប់តាំងពីពេលនោះមក រូបនាងអស់សង្ឃឹមក្នុងរឿងស្នេហា និងលែងមានជំនឿចិត្តលើរឿងគ្រប់យ៉ាងទើបក្រោយមកសម្រេចលាឈប់ពីសិល្បៈ។

ថ្វីបើមិនមានការបញ្ជាក់ចំៗ ពីតារាស្រី Joey Wong ទាក់ទិននឹងការលាឈប់ពីសិល្បៈប៉ុន្ដែរូបនាងធ្លាប់និយាយក្នុងបទសម្ភាន៍មួយថា ជីវិតរបស់នាងតែងត្រូវគេតាមដាន និងរំខានគ្រប់ពេលវេលា ជីវិតសាមញ្ញាគឺជាជម្រើសដ៏ល្អបំផុតសម្រាប់រូបនាង។ បើតាមការលើកឡើងបន្ថែមទៀតរបស់នាងបានឱ្យដឹងថា រូបនាងគ្មានគំនិតយកស្វាមីទេ និងសម្រេចចិត្តរស់នៅយ៉ាងសាមញ្ញនៅប្រទេស កាណាដា ពេលទំនេរក៏មកសមាធិ និងសុំសីលជាដើមហើយនោះទើបជាសេចក្ដីសុខពិតប្រាកដ។

មូលហេតុទាំងអស់នេះធ្វើឱ្យមនុស្សជាច្រើនជឿថា រូបនាងប្រហែលជាជួបសម្ពាធច្រើនទាំងការងារ និងទំនាក់ទំនងស្នេហាទើបធ្វើឱ្យនាងសម្រេចចិត្តរស់នៅស្ងៀមស្ងាត់លែងចង់បានភាពល្បីល្បាញទៀត។

ស្ថានភាពរបស់នាងដែលត្រូវគេថតបានមួយរយៈចុងក្រោយនេះគឺនៅកំឡុងខែ មិថុនា ឆ្នាំ ២០២២ ដោយរូបនាងត្រូវបានមហាជនប្រទះឃើញនៅវិហារសមាធិមួយកន្លែងនៅទីក្រុង Vancouver ភាគខាងលិចប្រទេស កាណាដា ក្នុងឈុតសម្លៀកបំពាក់ដូចជាដូនជី និងបួងសក់ឡើងអស់  រីឯមុខមាត់វិញក៏គ្មានការតុបតែងអ្វីឡើយ។ ពោលរូបនាងពិតជារស់នៅយ៉ាងសាមញ្ញ និងលែងខ្វល់ពីជីវិតហ៊ឺហារដូចដែលនាងធ្លាប់បាននិយាយពិតមែន៕  



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី