កាលពីរសៀលថ្ងៃទី ២៧ ខែមីនា ឆ្នាំ ២០២៤ ព្រះនាង នរោត្តម ជេនណា បានយាងចូលរួមជាភ្ញៀវកិត្តិយសក្នុងពិធីមង្គលការ ហេង សុខវិសាល និងជា ស្រីនា ថែមទាំងមានកាដូមក Surprise គូស្នេហ៍ទាំងពីរថែមទៀតផង។
វត្តមានដ៏ខ្ពង់ខ្ពស់របស់ព្រះនាង ជេនណា បានធ្វើឱ្យកូនកំលោះកូនក្រមុំភ្ញាក់ផ្អើលខ្លាំង រហូតលេចចេញស្នាមញញឹម និងការស្វាគមន៍យ៉ាងកក់ក្ដៅនៃការយាងមកដល់របស់ទ្រង់នៅក្នុងកម្មវិធី។ មិនត្រឹមតែមានយាងវត្តមានចូលរួមដោយផ្ទាល់ ព្រះនាងជេនណាក៏បាននាំយកនូវកាដូដ៏ភ្ញាក់ផ្អើលមកជូនដល់ស្វាមីភរិយាថ្មីថ្មោងនោះគឺ នាឡិកាដាំពេជ្រ។ គួរបញ្ជាក់ថា នាឡិកាដាំពេជ្រមួយគូរនេះត្រូវបានរចនាឡើងយ៉ាងផ្ចិតផ្ចង់ដោយក្រុមការងារហាងពេជ្រ Princess Alanka ដែលចំណាយរយៈពេលជិតមួយឆ្នាំ។
បន្ទាប់ពីការសំណេះសំណាល ព្រះនាង ជេនណា ក៏បានប្រគល់ជូននាឡិកាពេជ្រដែលច្នៃម៉ូតដោយ Princess Alanka ជូនដល់គូរស្វាមីភរិយា និងបានថតរូបជាអនុស្សាវរីយ៍រួមគ្នាថែមទៀតផង។ ព្រះនាងបានបង្ហាញអារម្មណ៍រំភើបដែលបានយាងចូលរួម និងមានវត្តមានផ្ទាល់នៅក្នុងកម្មវិធី ទ្រង់ក៏បានជូនពរទៅដល់គូរស្វាមីទាំងពីរឱ្យមានសុភមង្គលក្នុងក្រុមគ្រួសារស្រលាញ់គ្នាដល់ចាស់កោងខ្នង និងប្រកបដោយភាពស្រស់បំព្រងរីករាយក្នុងដំណើរជីវិតអាពាហ៍ពិពាហ៍៕