ក្រោយការលើកឡើងយ៉ាងចម្រូងចម្រាស់ពាក់ព័ន្ធរឿងជំនួយ ពេលនេះ Peypey Dy បានបន្តប្រើប្រាស់ថវិកាដែលជាជំនួយពីសប្បុរសជនជិតឆ្ងាយ មកសាងសង់លំនៅឋានជូនដល់គ្រួសារទាហានពលីចំនួន ៣ ខ្នងនៅក្នុងខេត្តសៀមរាប បន្តទៀតហើយដោយមិនតបតពាក្យពេចន៍លើបណ្ដាញសង្គម។

តាមរយៈវីដេអូ និងរូបភាពដែលបង្ហោះដោយគណនី តាំង គឹមឡេង បានឱ្យដឹងថា ថ្ងៃនេះ Peypey Dy បានចុះមកពិនិត្យមើលលំនៅឋាន ៣ ខ្នង បានសាងសង់ជូនដល់ក្រុមគ្រួសារវីរៈកងទ័ពដែលបានពលីជីវិតក្នុងការការពារបូរណភាពទឹកដីជម្លោះព្រំដែនរវាងកម្ពុជានិងថៃ។
លំនៅឋាន ៣ ខ្នងដែលនេះប្រើប្រាស់ថវិកាជំនួយសប្បុរសក្រោមការមើលខុសត្រូវរបស់ម្ចាស់ផលិតកម្ម Film Corner លោក Peypey Dy មានទីតាំងក្នុងខេត្តសៀមរាប។ ចំពោះលំនៅឋានទី១ គឺស្ថិតក្នុងស្រុក ពួក ខេត្តសៀមរាប រីឯលំនៅឋានទី២ ស្ថិតក្នុងស្រុក សរស្ដំ ខេត្តសៀមរាបដូចគ្នា ខណៈលំនៅឋានមួយទៀតនោះត្រូវបានលោក តាំង គឹមឡេង បញ្ជាក់ផងដែរថា បានសាងសង់រួចរាល់ ៩០ ភាគរយហើយ ដោយរង់ចាំបញ្ចប់ក្នុងថ្ងៃនេះ។









ពិតណាស់ ចាប់តាំងថ្ងៃផ្ទុះសង្គ្រាមឈ្លានពានទឹកដីពីសំណាក់ប្រទេសសៀម ពលរដ្ឋខ្មែរច្រើនគ្រួសារទទួលរងផលប៉ះពាល់ និងការលំបាក ដោយពួកគេត្រូវបង្ខំចិត្តចាកចេញពីផ្ទះសម្បែងមករស់នៅជំរំជនភៀសសឹក។ ចំណែកឯផលប៉ះពាល់ដ៏ធំធេង ហើយឈឺចាប់បំផុតគឺការបាត់បង់សមាជិកគ្រួសារ ដែលពួកគាត់សុទ្ធសឹងជាទាហានជួរមុខការពារព្រំដែន ដែលការបាត់បង់នេះប៉ះពាល់ខ្លាំងដល់ជីវភាព ផ្លូវចិត្ត និងការរស់នៅរបស់ពួកគាត់។
ដូច្នេះ តាមរយៈជំនួយដែលបានជួយក្នុងការសាងសង់លំនៅឋានជូនដល់ក្រុមគ្រួសាររបស់ពួកគាត់រស់នៅគឺជាការជួយដែលមិនអាចកាត់ថ្លៃបាន ហើយការជួយក្នុងពេលនេះគឺជាការជួយដ៏មានប្រសិទ្ធភាពជាទីបំផុត។ នេះសបញ្ជាក់បានថាជំនួយគ្រប់កាក់សេនដែល Peypey Dy ទទួលបានពីសប្បុរសជនត្រូវបានប្រើប្រាស់យ៉ាងមានតម្លាភាព និងប្រសិទ្ធភាព៕
រូបភាព ៖ តាំង គីមឡេង























Account
Security
Favourite Content