ឪពុកតែ១ តែកូនប្រុសស្រី របស់ ឈិន ឡុង មានវាសនាខុសគ្នាដូចមេឃនិងដី

រូបភាពរបស់ Jaycee Chan រស់នៅប្រកបដោយផាសុកភាព ចំណាយលុយដោយមិនគិតគឺផ្ទុយស្រឡះពីភាពលំបាក និងភាពក្រីក្ររបស់ប្អូនស្រីឪពុកតែមួយរបស់គេ Etta Ng ។

តាំង​ពី​ត្រូវ​បាន​ដោះលែង​ពី​ពន្ធនាគារ​ពី​បទ​គ្រឿង​ញៀនកាលពី​ឆ្នាំ ២០១៥ កូនប្រុសតែមួយរបស់តារាក្បាច់គុន Jackie Chan គឺ Jaycee Chan បាន​ដក​ខ្លួន​ចេញ​ពីសិល្បៈ។ យោងតាមសារព័ត៌មាន ​​QQ បាន​ឱ្យដឹងថាប៉ុន្មានឆ្នាំមកនេះ កូនប្រុសរបស់ Jackie Chan បានរស់នៅក្នុងជីវិតស្ងប់ស្ងាត់ កម្របង្ហាញមុខតាមប្រព័ន្ធផ្សព្វផ្សាយ ឬចែករំលែកជីវិតឯកជនរបស់គេនៅលើបណ្តាញសង្គមណាស់។

ប្រភពដដែលរៀបរាប់ថា បើទោះជាលែងមានការងារនៅក្នុងឧស្សាហកម្មកម្សាន្តទៀតហើយ ប៉ុន្តែ Jaycee Chan នៅតែរស់នៅក្នុងជីវិតសម្បូរសប្បាយ និងចាយវាយយ៉ាងធូរ។ ក្នុងនាមជាអ្នកស្នងមរតកពីទ្រព្យសម្បត្តិរបស់ឪពុកជាង ៤៦០ លានដុល្លារ អតីតតារាសម្តែងរូបនេះទទួលបានប្រាក់ឧបត្ថម្ភប្រចាំខែយ៉ាងច្រើន។

បច្ចុប្បន្ន Jaycee Chan មិនបានរស់នៅជាមួយឪពុកម្តាយទេ។ ជាច្រើនឆ្នាំមកនេះ លោកបានផ្លាស់ទៅរស់នៅទីក្រុងតៃប៉ិ។ Jaycee Chan រស់នៅក្នុងតំបន់វីឡាលំដាប់ខ្ពស់ និងមានទំនាក់ទំនងជិតស្និទ្ធជាមួយសង្គមហាយសូ ដោយតែងត្រូវបានអញ្ជើញឱ្យចូលរួមក្នុងពិធីជប់លៀងឯកជនរបស់តារាល្បីៗនៅហុងកុង និងតៃវ៉ាន់។

កូនប្រុសរបស់ Jackie Chan នៅតែរក្សាទម្លាប់ជប់លៀង ប៉ុន្តែមានភាពអត់ធ្មត់ និងឯកជនច្រើនជាងមុន។ កាល​ពី​ប៉ុន្មាន​ថ្ងៃ​មុន លោក​ត្រូវ​បាន​គេ​ប្រទះឃើញ​​​ក្នុង​ក្លឹប​រាត្រី​មួយ ដោយ​បាន​ថត​រូប​យ៉ាង​ស្និទ្ធស្នាល​ជាមួយ DJ ស្រី​ម៉ាឡេស៊ី។ យោងតាម ​​ETtoday បច្ចុប្បន្ន Jaycee Chan មានជំនួញគ្រឿងស្រវឹង ហើយអាជីវកម្ម​របស់​លោក​មាន​ភាព​រីក​ចម្រើន​គួរ​សម។

ផ្ទុយ​ពី​បងប្រុស ប្អូន​ស្រី​របស់​ Jaycee Chan ពេលនេះកំពុងមាន​ជីវភាព​លំបាក​នៅ​ប្រទេស​កាណាដា។ បច្ចុប្បន្ន Etta Ng ធ្វើការជាបុគ្គលិកប្រើកម្លាំងពលកម្មនៅភោជនីយដ្ឋានមួយ ដើម្បីរកប្រាក់ចំណូល។ ដោយ​សារ​តែ​ធនធាន​ហិរញ្ញវត្ថុ​មាន​កម្រិត នាងតែងទៅតម្រង់ជួរយកអាហារ​ឧបត្ថម្ភ​សម្រាប់​ជន​ក្រីក្រជារឿយៗ។

ថ្មីៗនេះ គេបានឃើញ Etta Ng និងមិត្តស្រីបានទៅផ្សារទំនើប។ ប្រភព​បាន​ឲ្យ​ដឹង​ថា កូន​ស្រី​របស់ Jackie Chan ចំណាយ​តិច​ណាស់។ នាង​អាច​ទិញ​ទំនិញ​បញ្ចុះតម្លៃ ឬ​អាហារ​ថោកៗ​ប៉ុណ្ណោះ​។

Jaycee Chan កើតនៅឆ្នាំ ១៩៨២ នៅទីក្រុង Los Angeles (សហរដ្ឋអាមេរិក) គឺជាអ្នកសម្ដែងល្បីល្បាញមួយរូប ដែលធ្លាប់បានបន្សល់ទុកស្នាដៃតាមរយៈខ្សែភាពយន្តដូចជា The Twin Effect, Invisible Target, Mulan, និង Railroad Tigers ជាដើម។ ទោះជាយ៉ាងណា រឿងអាស្រូវជីវិតឯកជន និងកំហុសនៃការធ្លាក់ចូលក្នុងគ្រឿងញៀនបានធ្វើឱ្យគេបាត់បង់កេរ្តិ៍ឈ្មោះស្ទើរទាំងស្រុង។ ក្នុងឆ្នាំ ២០១៤ Jaycee Chan បានជាប់ពន្ធនាគាររយៈពេល ៦ ខែពីបទប្រើប្រាស់ និងកាន់កាប់គ្រឿងញៀន។

ចំណែក Etta Ng កើតនៅឆ្នាំ ១៩៩៩ ជាកូនស្រីរបស់ Jackie Chan និងតារាសម្តែង Elaine Ng Yi-Lei ។ Etta Ng រង​របួស​ផ្លូវចិត្តពី​កុមារភាព​ដោយ​សារ​តែ Jackie Chan មិន​ទទួល​ស្គាល់ជា​កូន។ នាងបានធំឡើងជាមួយការរិះគន់ និងមតិវាយតម្លៃខុសៗគ្នាជាច្រើនពីសាធារណជន។ កត្តា​នេះ​បាន​ធ្វើ​ឱ្យ​នាង​មាន​បញ្ហាផ្លូវចិត្ត ហើយ​ឆាប់ឆេវឆាវ។ សារព័ត៌មាន HK01 បានចុះផ្សាយថា Etta Ng គឺជាកូនរបស់តារាដែលមានជោគវាសនាកម្សត់បំផុតនៅក្នុងពិភពសិល្បៈចិន ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង