ម្ចាស់បទ «នឹក» ដ៏ល្បីល្បាញ KWAN ឈ្មោះពិតថា សូ សុទ្ធសុវណ្ណគង់ កំពុងធ្វើឱ្យគ្រប់គ្នាភ្ញាក់ផ្អើលខ្លាំងជាមួយសមត្ថភាពតែងនិពន្ធបែបថ្មីប្លែកនៃតន្ត្រី ពិសេសតារារ៉េបសំឡេងស្រទន់រូបនេះ ក៏ពូកែច្បិចអត្ថន័យ និងការក្លែមពាក្យពេចន៍ក្នុងន័យអ្វីមួយ ឱ្យអ្នកស្តាប់មានភាពទាក់ទាញ ហើយលង់ចូលទៅជ្រៅក្នុងអត្ថន័យ ព្រមទាំងភ្លេងនៃចម្រៀងរបស់លោក។

កំលោះអ្នកខេត្តបន្ទាយមានជ័យរូបនេះ ពាំនាំមករសជាតិចម្រៀងបែបស្រមើស្រមៃក្នុងលំហនៃដួងចិត្តមកបង្ហាញជូនប្រិយមិត្តអ្នកគាំទ្រ តាមរយៈអាល់ប៊ុម «Sonmalai» ជាមួយតថភាពពិតនៃរសជាតិ និងបទពិសោធន៍ជីវិតធ្លាប់ឆ្លងកាត់។ ក្នុងរយៈពេលដ៏ខ្លី KWAN ច្បាបបានប្រជាប្រិយភាពយ៉ាងពេញទំហឹង ក្លាយជាតារាចម្រៀងក្នុងដួងចិត្តយុវវ័យ ដែលគ្រប់គ្នាស្គាល់ចំណាំតាំងពីសំឡេងរហូតដល់រូបរាងរបស់លោក។


រឺតតែធ្វើឱ្យគ្រប់គ្នាមានភាពភ្ញាក់ផ្អើលជាងនេះ ក្រៅពីភាពប៉ិនប្រសព្វក្នុងការតែងនិពន្ធ និងផលិត MV ចម្រៀងពោរពេញដោយគំនិតច្នៃប្រឌិតហើយនោះ KWAN ក៏ជាសិល្បករសហម័យដ៏មានទេពកោសល្យម្នាក់ ដែលកន្លងមកលោកធ្លាប់ជាសិល្បករក្នុងក្រុម Homeless ដែលធ្លាប់មានស្នាដៃតាំងពិព័រណ៌ទោល និងពិព័រណ៌ជាក្រុមជាច្រើន។
មិនតែប៉ុណ្ណោះ ម្ចាស់បទ «ប្រផ្នូល» គឺជា Prop master ម្នាក់ក៏មានថ្វីដៃ ធ្លាប់រួមការងារជាមួយផលិតករភាពយន្តល្បីៗជាច្រើន និងធ្លាប់ធ្វើការផ្នែក Prop ជាមួយផលិតកម្ម និងសិល្បករ-សិល្បការិនី រួមទាំងកំពូលតារារ៉េបវ័យក្មេងលំដាប់ប្រទេស វណ្ណដា ជាច្រើនរួចមកហើយដែរ។



ផ្នែកលើសមត្ថភាព ទេពកោសល្យ និងដុងសិល្បៈដ៏ប៉ិនប្រសព្វរបស់លោក ធ្វើឱ្យ KWAN បង្កើតទម្រង់រូបភាពថ្មីមួយឱ្យខ្លួនឯងលើវិថីសិល្បៈ ជាតារាចម្រៀង vibe ថ្មីមួយគ្រប់គ្នាពុំធ្លាប់មានបទពិសោធន៍ពីមុនមក៕


























Account
Security
Favourite Content