ជោគជ័យជំហានដំបូងរបស់កម្ពុជា ដោយអ្នកនាង ប្រាសាទ ដាវីន ទទួលបានជយលាភីផ្នែក Best Make Up ក្នុងកម្មវិធី Miss Universe។ Miss Universe Cambodia 2024 នឹងទទួលឈុតMake Up ដែលមានតម្លៃរហូតដល់ទៅ ៣០០០ ដុល្លារ ពី Brand Miss Universe Cosmetics។

ត្បិតថានេះជាជយលាភីតូចមួយក៏ពិតមែន តែវាបានបង្ហាញឲ្យឃើញផងដែរថា ប្រាសាទ ដាវីន ពិតជាត្រៀមខ្លួនបានយ៉ាងល្អ និងឆ្លាសវៃក្នុងការសិក្សាស្វែងយល់ពីវិញ្ញាសារដែលខាងកម្មវិធីតម្រូវឲ្យប្រកួតហើយគ្រូនៅក្នុងកម្មវិធីក៏បានលើកមេដៃ ពេលបង្ហាត់បង្ហាញ ដាវីន ដូចគ្នា។
មិនមែនតែពេលប្រកួតឡើយ សូម្បីតែការផាត់មុខធ្វើសក់ប្រចាំថ្ងៃដែលបវរកញ្ញាចក្រវាលកម្ពុជា ២០២៤ ធ្វើជាប្រចាំដោយខ្លួនឯង ក៏មើលទៅស្អាយខ្ញង់ៗដូចអ្នកជំនាញស្រាប់ទៅហើយ។ ម្យ៉ាងទៀត ប្រាសាទ ដាវីន គឺជាតារាស្រីមួយរូបដែលមានរសនិយមក្នុងការរៀបចំខ្លួនបានយ៉ាងល្អ ដូចនេះហើយវាមិនមែនជាការលំបាកខ្លាំងសម្រាប់អ្នកម្ដាយរូបមួយក្នុងវិញ្ញាសារ Make Up នេះទេ។

នេះជាជំហានបន្ទាប់ប៉ុណ្ណោះ ព្រោះការប្រកួតនៅសល់រយៈពេល ១០ ថ្ងៃទៀតឯណោះ ទើបដឹងថានរណាជាម្ចាស់មកុដពិតប្រាកដ ហើយអ្នកគាំទ្រកម្ពុជាជឿជាក់ថា ប្រាសាទ ដាវីន នឹងធ្វើបានល្អជាបន្តបន្ទាប់ទៀត។
ការប្រកួតកាលពីម្សិលមិញនេះដែរ ក៏មានរឿងដែលធ្វើឲ្យភ្នែកមហាជនទូទៅ និងអ្នកនៅក្នុងកម្មវិធីផ្ទាល់បានឃើញពីទឹកចិត្តល្អរបស់បវរកញ្ញាខ្មែរ គ្រាដែល Miss Universe អូស្រ្តាលី បានដួលសន្លប់ ហើយអ្នកនាង ប្រាសាទ ដាវីន តាមមើលមិត្តរួមប្រកួតរហូតនោះ ឃើញភ្លាមនាងក៏ស្ទុះទៅជួយមើលភ្លាមៗតែម្ដង។


សកម្មភាព Miss Universe អូស្ត្រាលី មិនស្រួលខ្លួន មានក្រុមការងារដើរតាមជាប់ តែ MUកម្ពុជា បានសម្លឹងតាមមើលពីក្រោយដោយក្ដីបារម្ភ ពេល Miss Universe អូស្ត្រាលី ដួលភ្លាម ដាវីន ស្ទុះងើបពីកៅអីវឹង ទៅជួយលើកភ្លាមៗ និងមុនគេ ធ្វើឲ្យរូបភាព និងវីដេអូនៃពេលវេលា Universe Cambodia 2024 ត្រូវបានចែកចាយយ៉ាងលឿនគ្រប់ Fan Page បរទេសសុទ្ធតែកោតសរសើរពីទឹកចិត្ត និងការចេះជួយទុក្ខធុរៈគ្នាបែបនេះ៕























Account
Security
Favourite Content