បវរកញ្ញានៃប្រទេសបែលហ្សិក Karen Jansen បង្ហោះរូបភាពច្រើនសន្លឹកពីប្រាសាទបុរាណរបស់ខ្មែរនៅលើទឹកដីខេត្តសៀមរាបភ្ជាប់ជាមួយពាក្យពេចន៍រំជួលចិត្តហាក់ចង់បង្ហាញអន្តរជាតិពីសម្រស់ដ៏ស្រស់ស្អាតគ្មានផ្ទឹមនៃមរតកពីបុរាណដែលបានបន្សល់លើដែនកម្ពុជា។

ដ្បិតកញ្ញា Karen Jansen បានវិលត្រឡប់ទៅប្រទេសកំណើតខ្លួនវិញក៏ពិតមែន តែនាងបានបង្ហោះរូបច្រើនសន្លឹកពីតំបន់ប្រាសាទបុរាណរបស់ខ្មែរលើទឹកដីនៃខេត្តសៀមរាប។ បវរកញ្ញាប៉ែកអឺរ៉ុបរូបនេះបានបានភ្ជាប់ជាមួយសារដែលបង្ហាញពីអារម្មណ៍សុវត្ថិភាពដែលនាងទទួលបានក្នុងអំឡុងពេលមកទស្សនានិងចុះបេសកកម្មនៅកម្ពុជាយ៉ាងដូច្នេះថា៖ «ការចងចាំដ៏ល្អបំផុតនៅប្រាសាទអង្គរវត្តរបស់កម្ពុជា បង្កើតថ្ងៃដ៏ស្រស់ស្អាតរបស់អ្នកនៅក្នុងប្រាសាទដ៏ធំអស្ចារ្យ និងស្រស់ស្អាតជាច្រើននៅកម្ពុជា»។ ក្នុងរូបភាពដែល Karen Jansen បានបង្ហោះមានដូចជាប្រាសាទអង្គរវត្ត ប្រាសាទតាព្រហ្ម ប្រាសាទបាយ័ន និងប្រាសាទមួយចំនួនទៀតដែលនាងបានទៅទស្សនាដោយផ្ទាល់។










Karen Jansen ដែលបានមកដល់ទឹកដីនៃប្រទេសកម្ពុជា ហាក់បង្ហាញប្រាប់ទៅកាន់ពិភពលោកថាកម្ពុជាជាប្រទេសដ៏ស្រស់ស្អាតដែលមិនមែនមានត្រឹមតែប្រាសាទបុរាណដ៏អស្ចារ្យប៉ុណ្ណោះទេ តែកម្ពុជាក៏ជាប្រទេសដែលមានវប្បធម៌ អរិយធម៌ ដ៏ល្អផូរផង់ អមដោយស្នាមញញឹមរបស់ប្រជាជនខ្មែរ។
អ្នកគាំទ្រនៅកម្ពុជាលើកឡើងថា Karen Jansen ហាក់ដឹងពីបញ្ហានៅកម្ពុជានាពេលបច្ចុប្បន្ននៃការរំលោភបំពានពីសំណាក់ទាហានថៃមកលើទឹកដីខ្មែរ ហើយត្រូវបានគេលាបពណ៌ថាជាទីកន្លែងគ្មានសុត្ថិភាព តែនាងបែរជាផ្សព្វផ្សាយលើបណ្ដាញសង្គម Miss Belgium ច្រើនលើកច្រើនសា ដោយបញ្ជាក់ថាកម្ពុជា មានសុវត្ថិភាព សម្រាប់អ្នកដំណើរមកកម្សាន្ត៕
រូបភាព ៖ Miss Belgium

























Account
Security
Favourite Content