តារាចម្រៀង និងជាអ្នកនិពន្ធសៀវភៅ ម៉ុង ម៉ានិត ត្រូវបានអញ្ជើញជាភ្ញៀវ ដើម្បីចូលគាល់ព្រះមហាក្សត្រ ហើយថែមទាំងជាអ្នកកំដរកូនកំលោះឲ្យព្រះស្វាមី ព្រះអង្គម្ចាស់ក្សត្រិយ៍ នរោត្តម ពង្ស់សូរិយា ទៀតផង។

ស្ថាបនិក ស្រលាញ់សៀវភៅ និងជាអ្នកនិពន្ធបទចម្រៀង ម៉ុង ម៉ានិត បានបង្ហាញវត្តមាននៅក្នុងពិធីមង្គលការខ្សែរាជវង្សមួយអង្គក្នុងនាមជាអ្នកកំដរប្រុស។ ស្ថិតក្នុងសម្លៀកបំពាក់បែបប្រពៃណីបុរាណអមជាមួយ Caption «Debut as អ្នកកំដរ not កូនកំលោះ yet» ត្រូវបានមហាជនអ្នកលេងនៅក្នុងបណ្ដាញសង្គមពោលសរសើរពីភាពសង្ហារបស់ម្ចាស់ហាងសៀវភៅរូបនេះថា នេះត្រឹមឈុតកំដរសង្ហាប៉ុណ្ណឹង ចុះទម្រាំស្លៀកឈុតកូនកំលោះទៀតសង្ហាយ៉ាងណាទៅ? តាមរយៈរូបភាពនៅលើបណ្ដាញសង្គមហ្វេសបុក ក៏ដូចជា IG ម៉ានិត ត្រូវបានបានមហាជនជ្រាបបន្ថែមថាលោកកំពុងបង្ហាញវត្តមាននៅក្នុងថ្ងៃពិសេសរវាងព្រះអង្គម្ចាស់ក្សត្រិយ៍ នរោត្តម ពង្ស់សូរិយា និងអ្នកជំនួញវ័យក្មេង អ៊ឹង ស៊ីវឈន់។
យ៉ាងណាមិញ កម្មវិធីព្រះរាជមង្គលរបស់សែរាជវង្សអង្គនេះកំពុងតែប្រព្រឹត្តិទៅតាមកាលកំណត់ទៅតាមទំនៀមទម្លាប់ខ្មែរ ដោយមានសែរាជវង្ស និងបណ្ដាអ្នកជំនួញធំជាច្រើននាក់ចូលរួមយ៉ាងច្រើនកុះករទាំងខ្មែរ និងបរទេស ខណៈកាលពីម្សិលមិញត្រូវបានរៀបចំយ៉ាងអធិកអធមនៅក្នុងព្រះបរមរាជវាំងចតុម្មុខសិរីមង្គល៕





រូបភាព ៖ Manith Jupiter
























Account
Security
Favourite Content