Lisa ត្រៀមខ្លួនបង្កើតប្រវត្តិសាស្រ្ត ក្នុងនាមជាតារាខេប៉ុបទី១ ដែលបានឡើងសម្ដែងនៅក្នុងកម្មវិធីប្រគល់ពានរង្វាន់ Oscar ព្រមគ្នាជាមួយវត្តមានរបស់ Doja Cat និង RAYE នៅថ្ងៃទី២ ខែមីនាខាងមុខនេះ ម៉ោងនៅក្នុងសហរដ្ឋអាមេរិក ។

នៅថ្ងៃទី២៥ ខែកុម្ភៈនេះ កម្មវិធី The Academy Awards ដែលមហាជនតែងស្គាល់ក្នុងនាមជាម្ចាស់វេទិកាប្រគល់ពានរង្វាន់ Oscar បានប្រកាសជាផ្លូវការថា Lisa និងអ្នកចម្រៀងរួមបទ Born Again ចំនួន ២រូបទៀត គឺ Doja Cat និង RAYE កំពុងត្រៀមខ្លួនបង្ហាញវត្តមាននៅលើវេទិកា Academy Awards ដោយកម្មវិធីលើកទី ៩៧នេះ នឹងធ្វើឡើងនៅឯ Dolby Theatre ទីក្រុង Los Angeles សហរដ្ឋអាមេរិក។
ការចូលរួមរបស់សមាជិក Blackpink រូបនេះជាព្រឹត្តការណ៍ដ៏សំខាន់មួយនៅក្នុងវិស័យតន្រ្តីប៉ុបរបស់កូរ៉េខាងត្បូង ព្រោះតែ នៅពេលកន្លងមកកម្មវិធីប្រគល់ពានរង្វាន់ល្បីល្បាញលំដាប់ពិភពលោកមួយនេះ មិនធ្លាប់ដែលអញ្ជើញតារាខេប៉ុបរូបណា មកចូលរួមក្នុងកម្មវិធីរបស់ខ្លួនឡើយ។
គួរបញ្ជាក់ផងដែរថា បទ Born Again បានចេញផ្សាយកាលពីថ្ងៃទី៧ ខែកុម្ភៈកន្លងទៅ ជាផ្នែកមួយនៃអាល់ប៊ុម Alter Ego ដែលគ្រោងនឹងចេញជាផ្លូវការនៅថ្ងៃទី២៨ ខែកុម្ភៈខាងមុខនេះ។ ស្នាដៃរួមគ្នារបស់តារាស្រីទាំង ៣រូបនេះ ក៏ទទួលបានប្រជាប្រិយមិនធម្មតាដែរ ដោយ Born Again បានទទួលចំណាត់ថ្នាក់លេខ ១៣ នៅលើ The Official U.K Singles Chart និង ចំណាត់ថ្នាក់លេខ ៦៩ នៅលើតារាង Billboard Hot 100៕
























Account
Security
Favourite Content