អតីតសមាជិកក្រុមរាំ OMG អ្នកនាង តែ ស៊ុនសុដាលីកា និងស្វាមីបានទៅដល់ទឹកដីនៃភូមិភាគឦសានរបស់កម្ពុជា ជាមួយការបោះតង់ជុំជាមួយកូនប្រុសបណ្ដូលចិត្តយ៉ាងមានក្ដីសុខ។

តាមរយៈរូបភាពច្រើនសន្លឹកដែលបានបង្ហាញនៅលើអាខោនហ្វេសបុករបស់ Influencer រូបស្រស់ លីកា បានធ្វើឱ្យហ្វេនៗ និងអ្នកលេងបណ្ដាញសង្គមហ្វេសបុកចូលខមិន និងចែករំលែកព្រោងព្រាតព្រោះតែសម្រស់ដ៏ស្រស់ស្អាតនៃវាលស្មៅខៀវខ្ចីក្នុងទឹកដីនៃខេត្តរតនគិរីរួមជាមួយបរិយាកាសនៃការបោះតង់នៅលើកំពូលភ្នំទៀតផងនោះបានធ្វើឱ្យហ្វេនៗមិនតិចនាក់លួចច្រណែន ថែមទាំង mention ដៃគូពួកគេឱ្យបានឃើញ ព្រោះចង់មានពេលវេលាបែបនេះដែរ។ លីកា ក៏បានបញ្ជាក់តាមរយៈខេបសិនដែរថា៖ «មណ្ឌលគិរីភូមិភាគឦសាន វាលស្មៅធំល្វឹងល្វើយដាច់កន្ទុយភ្នែក មិនទាន់មានអ្នកទៅដល់ច្រើនទេ»។




មែនទែនទៅ លីកា និងគ្រួសារតែងបង្កើតពេលវេលាល្អៗជាមួយគ្នាជាញឹកញយព្រោះតែងឃើញអ្នកនាង និងស្វាមី រួមទាំងកូនប្រុសបណ្ដើរគ្នាត្រសងដើរលេងតាមបណ្ដាខេត្ត និងធ្វើដំណើរកម្សាន្តក្នុងក្រុងជាដើម ហើយនេះក៏មិនមែនដំណើរកម្សាន្តបោះតង់លើកទី១នោះដែរ៕























Account
Security
Favourite Content