ព្រឹត្តិការណ៍ការជួបជុំអ្នកគាំទ្ររបស់តារាសម្ដែង Lee Jong Suk ត្រូវបានលុបចោលភ្លាមៗដោយកាលពីថ្ងៃទី១៧ ខែវិច្ឆិកា ទីភ្នាក់ងាររបស់លោក A-Man Project (Ace Factory) បានប្រកាសថា “កម្មវិធីទេសចរណ៍ជួបជុំអ្នកគាំទ្រអាស៊ីឆ្នាំ២០២៥ របស់ Lee Jong Suk [With៖ Just Like This] នៅទីក្រុងម៉ានីល ដែលគ្រោងនឹងធ្វើឡើងនៅថ្ងៃទី៣០ ខែវិច្ឆិកា ឆ្នាំ២០២៥ នៅ Araneta Coliseum ត្រូវបានលុបចោលដោយសារតែកាលៈទេសៈមិនអាចគ្រប់គ្រងបាន”។

ភ្នាក់ងារបានពន្យល់ថា៖ “បន្ទាប់ពីពិចារណាយ៉ាងយកចិត្តទុកដាក់ យើងបានសម្រេចចិត្តផ្តល់អាទិភាពដល់សុវត្ថិភាពរបស់អ្នកគាំទ្រ សិល្បករ និងបុគ្គលិកទាំងអស់ ដោយសារបាតុកម្មដ៏ធំមួយត្រូវបានគ្រោងនឹងធ្វើឡើងនៅថ្ងៃដដែល។ យើងសូមការយោគយល់ពីអ្នកទាក់ទងនឹងការសម្រេចចិត្តនេះ”។ ពួកគេបានបន្តថា៖ “យើងសូមអភ័យទោសដោយស្មោះចំពោះអ្នកគាំទ្រទាំងអស់ដែលទន្ទឹងរង់ចាំការជួបជុំអ្នកគាំទ្រនេះ ហើយក៏សូមការយោគយល់ពីគ្រប់គ្នាចំពោះភាពរអាក់រអួលណាមួយដែលបណ្តាលមកពីការលុបចោលនេះ។ យើងពិតជាសង្ឃឹមថា Lee Jong Suk នឹងអាចជួបអ្នកគាំទ្រហ្វីលីពីនម្តងទៀតនាពេលអនាគតដ៏ខ្លីខាងមុខនេះ”។ សេចក្តីជូនដំណឹងនេះក៏បានបញ្ជាក់ផងដែរថា ព័ត៌មានអំពីការសងប្រាក់វិញនឹងត្រូវបានចេញផ្សាយតាមរយៈបណ្តាញផ្លូវការរបស់អ្នករៀបចំកម្មវិធីក្នុងស្រុក។
សូមបញ្ជាក់ថា ទីក្រុងម៉ានីល ប្រទេសហ្វីលីពីនកំពុងជួបប្រទះការតវ៉ាបន្ទាប់ពីការចោទប្រកាន់ពីបទពុករលួយបានលេចចេញឡើងជុំវិញគម្រោងបង្ការទឹកជំនន់ដែលដឹកនាំដោយរដ្ឋាភិបាល។ ដោយមានមនុស្សប្រមាណ ៦៥ ម៉ឺននាក់ចូលរួមក្នុងការតវ៉ា ទីភ្នាក់ងារ Lee Jong Suk ក៏បានសម្រេចចិត្តលុបចោលព្រឹត្តិការណ៍ Fan Meet នេះដោយសារតែបារម្ភអំពីសុវត្ថិភាពធ្ងន់ធ្ងរ។
ក្រោយការប្រកាសលុបចោលនេះ អ្នកគាំទ្រនៅហ្វីលីពីនបានប្រតិកម្មដោយអារម្មណ៍ចម្រុះ។ ខណៈពេលដែលមនុស្សជាច្រើនបានសម្តែងការខកចិត្ត ប៉ុន្តែពួកគេក៏បានបញ្ចេញមតិថា៖ “សូមអរគុណសម្រាប់ការដាក់សុវត្ថិភាពរបស់អ្នកគាំទ្រ និងតារាសម្តែងជាមុន” “សុវត្ថិភាពជាអាទិភាព” និង “អ្វីដែលសំខាន់នោះគឺថា Lee Jong Suk មានសុវត្ថិភាព”។
ទោះជាយ៉ាងណាក៏ដោយ អ្នកគាំទ្រមួយចំនួនបានសម្តែងការខកចិត្តដោយនិយាយថា៖ “ខ្ញុំបានកក់ជើងហោះហើររបស់ខ្ញុំទៅកាន់ទីក្រុងម៉ានីលរួចហើយ និងបានរៀបចំអំណោយជាច្រើនសម្រាប់អ្នកគាំទ្រផ្សេងទៀត – ការលុបចោលដោយមិនពន្យារពេលគឺពិបាកទទួលយកណាស់” និងមានការចោទជាសំណួរថា៖ “ហេតុអ្វីមិនកំណត់ពេលឡើងវិញនៅឆ្នាំក្រោយជំនួសឱ្យការលុបចោល?” ជាដើម ៕

























Account
Security
Favourite Content