ថ្មីៗនេះវិទ្យាស្ថានស្រាវជ្រាវពាណិជ្ជកម្មកូរ៉េទើបតែបានបង្ហាញលទ្ធផលចំណាត់ថ្នាក់សម្រាប់តារា K-pop ដែលពេញនិយមបំផុតក្នុងខែមករា ឆ្នាំ ២០២៥ ផ្អែកតាមការបូកសរុបពិន្ទុទិន្នន័យប្រជាប្រិយភាពរបស់តារាចម្រៀងខេប៉ុបចំនួន ១៧៣០ នាក់ គិតចាប់ពីថ្ងៃទី ២៩ ខែធ្នូ ឆ្នាំ ២០២៤ ដល់ថ្ងៃទី ២៨ ខែមករា។
ជាលទ្ធផលក្នុងខែនេះ សមាជិក BLACKPINK, ROSÉ បានគ្រងតំណែងជាអាយដលខេប៉ុបពេញនិយមបំផុតជាមួយសន្ទស្សន៍ប្រជាប្រិយភាពសរុប ៨,៦ លានពិន្ទុ ក្នុងខែកន្លងមកដោយសរុបទាំងពិន្ទុពីការបង្ហាញមុខលើប្រព័ន្ធផ្សព្វផ្សាយ ពិន្ទុពីសកម្មភាពចូលរួម ពិន្ទុផ្នែកទំនាក់ទំនង និងពិន្ទុផ្នែកសហគមន៍អ្នកគាំទ្រ។ ភាពជោគជ័យនៃអាល់ប៊ុមទោលដំបូងមានចំណងជើងថា ROSIE ដែលមានបទល្បីជាច្រើនដូចជា APT., Toxic Till The End និង Number One Girl បាននាំឱ្យ ROSÉ មានឱកាសឡើងសម្តែងលើឆាកតន្ត្រីពិភពលោកជាច្រើន ហើយក៏បានបង្ហាញមុខក្នុងកម្មវិធី Variety យ៉ាងច្រើនដែរ ទាំងក្នុង និងក្រៅប្រទេសកូរ៉េ។ ជាក់ស្ដែងកាលពីប៉ុន្មានថ្ងៃមុននេះ នាងទើបតែបានធ្វើដំណើរទៅកាន់ទីក្រុងប៉ារីស ដើម្បីសម្តែងនៅឯកម្មវិធី Le Gala des Pieces Jaunes ។
រីឯចំណាត់ថ្នាក់លេខ២ ក្នុងខែមករានេះ គឺបានទៅលើ KARINA សមាជិកក្រុមនារី aespa ជាមួយសន្ទស្សន៍ប្រជាប្រិយភាពសរុប ៦,៣ លានពិន្ទុ ខណៈចំណាត់ថ្នាក់លេខ៣ បានទៅលើតារាប្រុស Cha Eun Woo សមាជិកក្រុម ASTRO ដែលទទួលបាន ៦,២ លានពិន្ទុ។ ខាងក្រោមនេះគឺតារាដែលបានជាប់ចំណាត់ថ្នាក់កំពូលទាំង ១០៖
១. Rosé – BLACKPINK

២. KARINA – aespa

៣. Cha Eun Woo – ASTRO

៤. Jang Wonyoung – IVE

៥. G-DRAGON – BIGBANG

៦. Jin – BTS

៧. An Yujin – IVE

៨. Jungkook – BTS

៩. Jimin – BTS

១០. V – BTS
























Account
Security
Favourite Content