គូស្វាមីភរិយាតារាប្រុស Kevin Cheng និង តារាស្រី Grace Chan ជារឿយៗ តែងតែធ្វើឱ្យមហាជន និងអ្នកគាំទ្រហាក់មានការច្រណែនដោយសារភាពផ្អែមល្ហែមរបស់អ្នកទាំងពីរ។ បើទោះជាមានចំណងដៃកូនដល់ទៅ ៣ ហើយក្តី តែទំនាក់ទំនងស្នេហាគូនេះនៅតែរឹងមាំ និងកាន់តែស្រឡាញ់គ្នាលើសដើម។


ជាមួយគ្នាដែរ អាយុខុសគ្នាដល់ទៅ ២២ ឆ្នាំរបស់អ្នកទាំងពីរមិនមែនជាឧបសគ្គនោះឡើយ។ អ្នកទាំងពីរតែងលើកសរសើរពីគ្នាទៅវិញទៅមក និងលើកឡើងថាវត្ដមានរបស់គ្នាជាកម្លាំងចិត្តក្នុងការដើរទៅមុខឱ្យកាន់តែមានន័យ។ តារាប្រុស Kevin Cheng ក៏ធ្លាប់បានលើកឡើងថា ភរិយារបស់លោកជាមនុស្សស្រីល្អ និងជាមនុស្សមានហេតុផលម្នាក់ទើបធ្វើឱ្យលោកស្រឡាញ់នាងខ្លាំង។





កាលពីថ្ងៃទី ២៣ ខែ សីហា ឆ្នាំ ២០២៣ តារាស្រី Grace Chan ដែលជាភរិយារបស់តារាប្រុស Kevin Cheng បានបង្ហោះសារជូនពរថ្ងៃខួបកំណើតរបស់ស្វាមីអាយុ ៥៤ ឆ្នាំយ៉ាងផ្អែមល្ហែម។ រូបនាងបានបញ្ចេញពាក្យក្នុងចិត្តថា “រីករាយថ្ងៃខួបកំណើតបងសម្លាញ់ ការបង្ហោះនេះវាមានការយឺតយ៉ាវបន្ដិច។ Kevin ជាមនុស្សសាមញ្ញម្នាក់ និងចេះរកអ្វីដែលងាយស្រួលដើម្បីឱ្យខ្លួនសប្បាយចិត្ត ដូច្នេះទើបពួកយើងសម្រេចធ្វើពិធីខួបកំណើតបែបធម្មតាៗ។ ប៉ុន្ដែអ្វីដែលមិនធម្មតា នាង និងកូនៗ បានធ្វើនំខួបដោយផ្ទាល់ដៃរូបផ្លែឳឡឹក។ វាជានំខួបដ៏ធំមួយដែលនាង និងកូន បានធ្វើរួមគ្នា។ វាជាកាដូមិនអាចភ្លេចបាន។ សង្ឃឹមថា ស្វាមីរបស់នាងពេញចិត្ត។ នាង និងកូនៗ ពិតជាស្រឡាញ់លោកខ្លាំង“។


ក្រោយឃើញបែបនេះមហាជនជាច្រើន អត់ទ្រាំមិនបញ្ចេញមតិសរសើរពីទំនាក់ទំនងផ្អែមល្ហែមរបស់អ្នកទាំងពីរព្រមទាំងជូនពរឱ្យស្រឡាញ់គ្នាដល់ចាស់កោងខ្នងផងដែរ៕
























Account
Security
Favourite Content