ដើម្បីក្ដីស្រឡាញ់ និងការអាណិតអាសូរ Jin សមាជិក BTS បានធ្វើការបរិច្ចាកប្រាក់ ១០០ លានវ៉ុន ស្មើនឹងប្រហែលជាង ៧ ម៉ឺនដុល្លារជួយទៅដល់មន្ទីរពេទ្យកុមារនៅមជ្ឈមណ្ឌលវេជ្ជសាស្រ្ត Asan ទីក្រុងសេអ៊ូល។ ការបរិច្ចាគនេះផងដែរត្រូវបានធ្វើឡើងស្របជាមួយនឹងទិវាកុមាររួមជាមួយគោលបំណងនាំក្ដីសង្ឃឹមទៅឱ្យកុមារដែលកំពុងប្រយុទ្ធប្រឆាំងជាមួយនឹងជំងឺ។

មូលនិធិនេះនឹងជួយលើកកម្ពស់ដល់ការថែទាំផ្នែកវេជ្ជសាស្រ្ត និងបរិស្ថានសម្រាប់អ្នកជំងឺក្មេងៗនៅមជ្ឈមណ្ឌល់ Asan ក៏ដូចជាសម្រួលបន្ទុកកាន់ច្រើនសម្រាប់កុមារដែលកំពុងត្រូវការជំនួយផងដែរ។ យោងតាមគេហទំព័រ Kpopmap សកម្មភាពសប្បុរសធម៌របស់ Jin គឺជាការបង្ហាញច្បាស់ៗអំពីអត្តចរិតពីធម្មជាតិរបស់លោកព្រមទាំងជាការបំផុសគំនិតមនុស្សឱ្យចេះចែករំលែកអំណោយទៅសហគមន៍ត្រូវការជំនួយ ជាពិសេសពង្រឹងពីសារៈសំខាន់នៃការថែទាំសុខភាព និងសុខុមាលភាពកុមារ។
តាមរយៈការចុះផ្សាយរបស់ Chosunbiz សមាជិកកូនបងរបស់ BTS រូបនេះបាននិយាយថា៖ រាល់ពេលដែលខ្ញុំឃើញក្មេងៗប្រយុទ្ធនឹងជំងឺ បេះដូងរបស់ខ្ញុំឈឺខ្លាំងណាស់។ ខ្ញុំបានសម្រេចចិត្តបរិច្ចាគអំណោយតូចមួយនេះដោយសង្ឃឹមថាកុមារដែលកំពុងឈឺអាចជាសះស្បើយឡើងវិញយ៉ាងឆាប់រហ័ស និងអាចរត់លេងយ៉ាងសប្បាយរីករាយ។

គួររំឭកផងដែរថាការបរិច្ចាគរបស់តារាខេប៉ុបដូចជា Jin និងតារាល្បីៗជាច្រើនបានដើរតួនាទីយ៉ាងសំខាន់ក្នុងការលើកកម្ពស់ការយល់ដឹងអំពីការថែទាំសុខភាពកុមារ។ លើសពីនេះពួកគេក៏បានដើរតួជាអ្នកជំរុញទឹកចិត្តអ្នកគាំទ្រ និងសាធារណជនឱ្យចូលរួមក្នុងកិច្ចការសប្បុរសធម៌តាមរយៈការរំលេចអំពីបញ្ហាដែលប៉ះពាល់ដល់កុមារ។ និយាយជារួមបច្ចុប្បន្នតារាល្បីៗទាំងអស់របស់កូរ៉េខាងត្បូងកំពុងរួមគ្នាបង្កើត និងបន្ដនូវប្បធម៌ចែករំលែកដោយផ្ដល់ឱ្យគ្នាទៅវិញទៅមកតាមរយៈការធ្វើសប្បុរសធម៌គ្រប់រូបភាពយ៉ាងសកម្ម៕























Account
Security
Favourite Content