ប្រជាប្រិយភាពរបស់តារាស្រីហុងកុង Charmaine Sheh ឬតួស្រីរឿង “រាជិនីសារពត៌មាន” កាន់តែកើនឡើងស្រឺតៗ ជាលំដាប់ ធ្វើឲ្យនាងក្លាយជាតារាស្រីហុងកុងដែលមានភាពលេចធ្លោម្នាក់ ពិបាករកអ្នកជំនួសតំណែង។ រូបនាងត្រូវបានគេចាត់ទុកជាតារាស្រីជោគជ័យម្នាក់ក្នុងពិភពសិល្បៈហុងកុង តែបើក្រឡេកមកមើលជីវិតគ្រួសារវិញ រូបនាងមិនទាន់រកឃើញម្ចាស់បេះដូងនៅឡើយ។



យោងតាមប្រភពព័ត៌មាន China Press បានឲ្យដឹងថា៖ បច្ចុប្បន្ន តារាស្រី Charmaine Sheh កំពុងមានក្ដីសុខជាមួយជីវិតខ្លួនមួយរបស់នាង។ នាងបានបញ្ជាក់ថា ជីវិតរបស់នាងគឺរីករាយ និងល្អប្រសើរ នាងមិនគិត រឿងនៅខ្លួនមួយ ជាផលប៉ះពាល់ឡើយ ណាមួយវាជាជម្រើសរបស់នាងផ្ទាល់។ នាងបន្ដថា អរគុណដែលបារម្ភ តែជីវិតរបស់នាងនៅពេលនេះពិតជារីករាយ។
នាងបានបន្ថែមថា៖ នាងមិនប្រញាប់ ឬបង្ខំខ្លួនឯងចំពោះរឿងរៀបការបង្កើតគ្រួសារទេ។ ជាពិសេស នាងក៏មិនមានសម្ពាធដូចគ្នា ទាក់ទងរឿងមិនទាន់មានគ្រួសារ។



គួរបញ្ជាក់ថា តារាស្រី Charmaine Sheh បានបង្ហាញខ្លួនលើកដំបូងក្នុងវិស័យសិល្បៈក្នុងឆ្នាំ ១៩៩៧ ដោយនាងបានចូលប្រឡង បវកញ្ញាហុងកុង និងទទួលបានចំណាត់ថ្នាក់លេខ ២។ នាងចាប់ផ្ដើមទទួលការចាប់អារម្មណ៍ក្រោយបង្ហាញខ្លួនក្នុងរឿងរបស់ TVB “War and Beauty” និង “Beyond the Realm of Conscience” និង “Forensic Heroes”។ ក្នុងឆ្នាំ ២០១៦ នាងបានចាកចេញពី TVB និងបង្កើតក្រុមហ៊ុនតូចមួយ ដើម្បីផ្សព្វផ្សាយនៅក្នុងប្រទេសចិន។ នាងបានបង្ហាញខ្លួនក្នុងរឿងភាគល្បីរបស់ប្រទេសចិន “Story Of YanXi Palace” និង “Winter Begonia”។ ក្នុងឆ្នាំ ២០២៣ នាងបានវិលត្រឡប់មកសម្ដែងរឿងឲ្យ TVB វិញ គឺរឿង “The Queen of News” ឬ “រាជិនីសារពត៌មាន” និងទទួលបានការគាំទ្រខ្លាំង ព្រមទាំងឈ្នះពានរង្វាន់ជាច្រើន៕



























Account
Security
Favourite Content