ការពិតដ៏ភ្ញាក់ផ្អើល ៨ យ៉ាងពីក្រោយភាពជោគជ័យនៃកំពូលភាពយន្តភាគកូរ៉េ “Queen of Tears”

ភាពយន្តភាគ “Queen of Tears” របស់ tvN បានបន្សល់ទុកនូវឥទ្ធិពលយ៉ាងខ្លាំងដល់ទស្សនិកជន ដោយនៅតែមានការលើកមកនិយាយមិនដាច់សូម្បីតែបន្ទាប់ពីចេញផ្សាយភាគបញ្ចប់នៅថ្ងៃទី ២៨ ខែមេសា និងភាគពិសេសហើយក៏ដោយ។ តែបើក្រឡេកមើលការផលិត តួលេខផ្សេងៗ និងភាពជោគជ័យដ៏មហិមារបស់រឿងភាគនេះ ប្រិយមិត្តនឹងកាន់តែភ្ញាក់ផ្អើលនិងកោតសរសើរថែមទៀតចំពោះរឿងភាគមួយនេះ។

១. មានអ្នកមើលទូទាំងពិភពលោកសរុបលើស ៤៦០ លានម៉ោង ៖ យោងតាមក្រុមហ៊ុន Netflix Inc គិតត្រឹមថ្ងៃទី ៨ ខែឧសភា រឿងភាគ “Queen of Tears” អាចប្រមូលរយៈពេលទស្សនាពីទស្សនិកជនចំនួន ៤៦០ លានម៉ោងរាប់ចាប់តាំងពីការចេញផ្សាយភាគដំបូងនៅថ្ងៃទី ៩ ខែមីនា និងកំពុងឈានដល់ ៥០០ លានម៉ោង។ នេះគឺជាតួលេខច្រើនគួរឱ្យភ្ញាក់ផ្អើល ព្រោះបើកក្រឡេកទៅមើលរឿងភាគ The Night Agent: Season 1 ដែលគ្រងតំណែងមានអ្នកមើលច្រើនម៉ោងបំផុតលើ Netflix គឺអាចប្រមូលការទស្សនាបាន ៨១០ លានម៉ោងដោយចំណាយរយៈពេល ៦ ខែ ខណៈរឿង Ginny & Georgia: Season 2 អាចមានការទស្សនាចំនួន ៦៦៥ លានក្នុងរយៈពេលដូចគ្នា តែ Queen of Tears អាចទទួលបាន ៤៦០ លានម៉ោងក្នុងរយៈពេលត្រឹមតែ ២ ខែប៉ុណ្ណោះ។

២. Rating បំបែកកំណត់ត្រា៖ ភាគរយអ្នកទស្សនា ឬ Rating សម្រាប់វគ្គចុងក្រោយនៃរឿងនេះបានកើនឡើងដល់កម្រិតកំពូល ២៧,៣% ជាមួយនឹង Rating ជាមធ្យមគ្រប់ភាគគឺ ២៤,៩% ដែលធ្វើឱ្យរឿងនេះក្លាយជាកម្មវិធីទូរទស្សន៍ដែលមានអត្រាទស្សនាខ្ពស់បំផុតមិនធ្លាប់មានរបស់ tvN ។ ចាប់ផ្តើមពី Rating តិចតួច ៥,៩% ក្នុងភាគដំបូង តួលេខបានកើនដល់ ១០% នៅភាគទី ៤ ហើយបន្តឡើងខ្ពស់ក្នុងរយៈពេលប្រាំបីសប្តាហ៍ជាប់រហូតដោយមិនមានការធ្លាក់ចុះតែមួយសូម្បីមួយលេខ ធ្វើឱ្យភាគចុងក្រោយរឿងនេះអាចបំបែកកំណត់ត្រាមុននៅលើ tvN ដែលកាន់កាប់ដោយរឿង Crash Landing on You បានសម្រេច។

៣. ឈុតយំរបស់ Kim Soo Hyun៖ តារាសម្ដែងប្រុស Kim Soo Hyun ដែលដើរតួជា Baek Hyun Woo បានសម្ដែងឈុតស្រក់ទឹកភ្នែករហូតដល់ ៤០ ឈុត ឬជាមធ្យមមានឈុតយំប្រហែល ២,៥ ដងក្នុងមួយភាគ ដែលធ្វើឱ្យតួអង្គរបស់គេអាចចាក់មនោសញ្ចេតនាកាន់តែជ្រាលជ្រៅក្នុងចិត្តទស្សនិកជន។

៤. ការលេងម៉ូដរបស់ Kim Ji Won៖ ដើរតួជា Hong Hae In ដែលជាអ្នកលេងម៉ូដនិងម្ចាស់ហាង Queen’s Department Store ទាំងមូល Kim Ji Won បានស្លៀកសម្លៀកបំពាក់សរុបចំនួន ១៦៦ ឈុត ដែលជាមធ្យមមានការផ្លាស់ប្ដូរជាងដប់ឈុតក្នុងមួយភាគ។ នៅក្នុងសេចក្តីប្រកាសរបស់ផលិតកម្ម Kim Ji Won បានចែករំលែកថា៖ “ខ្ញុំបានស្រាវជ្រាវជាច្រើនអំពីការរស់នៅរបស់គ្រួសារ Chaebol (អ្នកមានកំពូលៗនៅកូរ៉េ) និងផ្តោតលើការលេងម៉ូដសម្លៀកបំពាក់ជាពិសេសដើម្បីឱ្យសមជា Hong Hae In ពិតប្រាកដ” ។

៥. ការថតមានរយៈពេលយូរដល់ ៣៣១ ថ្ងៃ៖ ការផលិតមានរយៈពេល ៣៣១ ថ្ងៃ ដោយចាប់ឆ្លងកាត់រដូវទាំង ៤ នៅកូរ៉េ ចាប់ពីខែធ្នូ ឆ្នាំ ២០២២ ដល់ខែមេសា ឆ្នាំ ២០២៤ ស្មើនឹងប្រមាណ ១៧ ខែនៃដំណើរការផលិតយ៉ាងសស្រាក់សស្រាំ។

៦. ប្រើបច្ចេកវិទ្យា AI បង្កើតឆាក៖ ផ្អែកតាមផលិតករផ្នែករូបភាពនិម្មិតប្រចាំក្រុមហ៊ុន CJ ENM លោក An Hee-soo បានឱ្យដឹងការឈុតឆាកមួយចំនួនក្នុងរឿងនេះដែលអ្នករចនាក្រាហ្វិកមនុស្សពិបាកនឹងធ្វើឱ្យដូចជាពិតៗបានដូចជាឆាកព្រៃមានព្រិលធ្លាក់ ឬរូបភាពទេសភាពអគារខាងក្រៅកញ្ចក់រថយន្តពេលតួអង្គកំពុងបើកបរ សុទ្ធតែត្រូវការប្រើ AI ជាជំនួយ។ បច្ចេកវិទ្យានេះអាចទៅរួចដោយសារតែ CJ ENM ដែលជាក្រុមហ៊ុនមេរបស់ tvN មានស្ទូឌីយោរូបភាពនិម្មិតផ្ទាល់ខ្លួន ដោយស្ទូឌីយោនេះមានឆាកនិម្មិតហៅថា “Virtual Production Stage” ឬ VP Stage ដែលត្រូវបានបំពាក់ដោយអេក្រង់ជាច្រើនរួមទាំងអេក្រង់កោង LED ខ្នាតធំមានអង្កត់ផ្ចិត ២០ ម៉ែត្រ និងកម្ពស់ ៧ ម៉ែត្រ។

ផលិតករ An Hee-soon បានឱ្យដឹងទៀតថាកន្លងមករឿងភាគនិងភាពយន្តជាច្រើនបានប្រើបច្ចេកវិទ្យា​ Green Screen ដោយឱ្យតួអង្គត្រូវសម្ដែងជាមួយផ្ទៃពណ៌បៃតងរួចទើបបញ្ចូលរូបភាពផ្សេងៗតាមក្រោយ ប៉ុន្តែជាមួយបច្ចេកទេស VP Stage រូបភាពផ្សេងៗនឹងលេចចេញលើផ្ទាំង LED នៅពេលថត ដូច្នេះតួសម្ដែងនឹងងាយស្រួលដាក់អារម្មណ៍ក្នុងការសម្ដែងជាងមុន ហើយការកាត់តក្រោយពេលថតក៏មិនសូវស្មុគស្មាញដូចមុនដែរ។

៧. មានអ្នកសម្តែងសរុប ៧៩៣ នាក់៖ រឿងភាគ “Queen of Tears” មានតួអង្គសរុបចំនួន ៧៩៣ នាក់ ដែលម្នាក់ៗបានបន្ថែមភាពប៉ិនប្រសប់និងភាពស៊ីជម្រៅរបស់ពួកគេទៅក្នុងរឿង ធ្វើឱ្យកាន់តែមានភាពទាក់ទាញផ្នែកអារម្មណ៍ និងកំប្លែង។

៨. គ្រាន់តែឈុតខ្លីក៏មានអ្នកទស្សនាដល់ ១,៧៦ ពាន់លាន Views៖ វីដេអូឃ្លីបផ្សេងៗនៃរឿងភាគមួយនេះអាចទាក់ទាញការទស្សនាជាង ១,៧៦ ពាន់លានដងនៅលើវេទិកាផ្សេងៗ ឬជាមធ្យមមានការទស្សនា ១០០ លានដងក្នុងមួយសប្តាហ៍ ក្នុងរយៈពេល ១៥ សប្តាហ៍នៃការចាក់ផ្សាយ។ វីដេអូ Viral ទាំងមុន និងក្រោយការផ្សាយនេះបានជួយឱ្យ “Queen of Tears” គ្រប់គ្រងចំណាត់ថ្នាក់រឿងភាគទូរទស្សន៍មានប្រជាប្រិយភាពរបស់ Good Data Corporation រយៈពេលប្រាំបីសប្តាហ៍ជាប់គ្នាក្នុងកំលុងពេលចាក់ផ្សាយរបស់ខ្លួន ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កូនខ្មែរកាត់រុស្ស៊ី ឌៀប សុហ្វៀរ៉ា សិល្បករស្រករក្រោយ កំពុងត្រូវប៉ាន់ការងារសិល្បៈ

ប្រិយមិត្តអ្នកនិយមតាមដានរឿងរ៉ាវសិល្បៈពិតជាបានស្គាល់ កូនខ្មែរកាត់រុស្ស៊ី យុវតី ឌៀប សុហ្វៀរ៉ា ដែលនាងជាសិល្បករ​ស្រករក្រោយម្នាក់ កំពុងផ្ទុះការចាប់អារម្មណ៍យ៉ាងខ្លាំង​ក្រោយឈ្នះ

មកស្គាល់បុរសនៅពីក្រោយ ការបង្កើតតុក្កតាចម្លែក Labubu ដែលកំពុងពេញនិយម

ប្រិយមិត្ដជាច្រើនប្រហែលជាបានឃើញតុក្កតាបិសាចចម្លែកមួយប្រភេទ ដែលកំពុងពេញនិយមលើបណ្ដាញសង្គមមានឈ្មោះថា Labubu។ Labubu ជាតួអង្គតុក្កតាមួយ​បង្កើត​ឡើងដោយ

សិក្ខាសាលាផលិតវីដេអូកុមារលើកទី១ របស់ SEAVFC ២០២៤ បញ្ចប់ដោយក្ដីរីករាយពីឪពុកម្ដាយ

កាលពីថ្ងៃទី១៦ ខែមិថុនាកន្លងទៅនេះ «មហោស្រពភាពយន្តវីដេអូសម្រាប់កុមារអាស៊ីអាគ្នយ៍» (Southeast Asia Video Festival for Children - SEAVFC) បានរៀបចំ

សន្ទុះគាំទ្រខ្លាំង! ភាពយន្តខ្មែររឿង «​បណ្ដាសានាងរាត្រី» រកចំណូលបានច្រើនបំផុតនៅតៃវ៉ាន់

សន្ទុះ​នៃ​ការ​គាំទ្រ​​ភាពយន្ត​ខ្មែរ​រឿង​ «​​បណ្ដាសា​នាង​រាត្រី​» បាន​បំបែក​កំណត់​ត្រា​ប្រវត្តិសាស្ត្រ​ក្នុង​ប្រទេស​តៃវ៉ាន់ ​​ក្លាយជាភាពយន្តដែល​រក​ចំណូល​បាន​ច្រើន​បំផុត​ពី​ការ​លក់​សំបុត្រ​ចូល​

Stray Kids ត្រៀមវាយលុកតារាងតន្ត្រីកូរ៉េ និងពិភពលោកជាមួយអាល់ប៊ុមទី៩

កាលពីថ្ងៃ១៩ ខែមិថុនា ផលិតកម្ម JYP Entertainment បានប្រកាសឱ្យដឹងថា អាល់ប៊ុមទី៩ របស់ក្រុម Stray Kids មានចំណងជើងថា "ATE" ដោយនឹងបង្ហាញពីថាមពលរីករាយរបស់

សុភាពនារីមាន ៣ ចំណុចនេះ អាចដាក់ពាក្យចូលប្រកួតកម្មវិធី Miss Cambodia 2024 បានហើយ!

ស្របពេលដែលកម្មវិធីប្រកួត Miss Cambodia 2024 នៅបន្តបើកទទួលពាក្យជ្រើសរើសបេក្ខនារី រហូតដល់ចុងខែកក្កដា ឆ្នាំ ២០២៤ សំណាង អេលីណា Miss International Cambodia

ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់

គូស្នេហ៍ យ៉ាងគួ សៀវឡុងនី កំពុងត្រូវសង្ស័យដើរដល់ផ្លូវបញ្ចប់ ក្រោយរៀបការ ៨ ឆ្នាំ

កាលពីឆ្នាំ ២០១៤ រឿងភាគល្បី The Romance Of The Condor Heroes បានធ្វើឲ្យតារាសម្ដែងប្រុសចិន Chen Xiao និងតារាស្រី Michelle Chen ដែលជាតួឯក បានលង់ស្រឡាញ់គ្នា និងចាប់ដៃគ្នាចូលរោងមង្គលសាងគ្រួសារយ៉ាងមានសុភមង្គល។

បាត់មួយរយៈ ពេលនេះ Kara ប្រកាសត្រលប់មកឆាកតន្ត្រីវិញនៅខែក្រោយ

ក្រុមចម្រៀងស្រីខេប៉ុបជំនាន់ទី២ដ៏ល្បីល្បាញ Kara បានប្រកាសត្រលប់មកឆាកតន្ត្រីវិញក្នុងខែកក្កដា ដែលជាការ Comeback លើកដំបូងក្នុងរយៈពេលមួយឆ្នាំ និងប្រាំបីខែ

Fan Page ទទូចឱ្យ ឈុំ ចាន់ដារ៉ា ចូលប្រកួត Miss Cambodia 2024 ក្រោយខកឱកាសទៅប្រកួតនៅប៉ូឡូញ

បវរកញ្ញារូបស្រស់ ឈុំ ចាន់ដារ៉ា បានខកខានឱកាសតំណាងកម្ពុជាទៅប្រកួតកម្មវិធី Miss Supranational 2024 នៅប្រទេសប៉ូឡូញ បាត់ទៅហើយ ធ្វើឱ្យហ្វេនៗ និងអ្នកនិយមគាំទ្រ

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *