ត្បិតថាម្សិលមិញគឺជាថ្ងៃចូលរោងជយរបស់ ស្រីនា និង ហេង វិសាល តែកម្មវិធីបានរៀបចំឡើងតាំងពីព្រឹក និងមានការចូលរួមពីសំណាក់ភ្ញៀវកិត្តិយសរបស់គ្រួសារទាំងសងខាង។ អ្វីដែលយើងត្រូវដឹង គឺកូនក្រមុំ និងកូនកំលោះ គឺជាអ្នកបង្កើតមាតិកាដ៏ល្បីប្រចាំស្រុកខ្មែរ ដូចនេះហើយអ្នកគាំទ្ររង់ចាំមើលរូបភាព និងវីដេអូដ៏ស្រស់ស្អាតនៃ Idol ទាំង២។
សម្រាប់ភ្ញៀវកាលពីម្សិលមិញ និងថ្ងៃនេះពិតណាស់ គឺសុទ្ធតែ Influencer, Content creator, Content video, អ្នក review ម្ហូបអាហារ,អ្នកជំនួញអនឡាញ, អ្នកសិល្បៈភាគច្រើនតែម្ដង។ មិនអស់ត្រឹមនេះឡើយ នៅមានភ្ញៀវដែលជាអ្នកជំនួញ មន្រ្តីរាជការ និងអ្នកធ្វើការស្ថាប័នឯកជនជាច្រើនទៀតក៏មានវត្តមានចូលរួមឲ្យពរជ័យ សិរីមង្គល ដល់គូស្វាមីថ្មីថ្មោងនេះដែរ។ មិនតែប៉ុណ្ណោះមិត្តរួមអាជីពខ្លះគឺជាអ្នកកំដរក្នុងកម្មវិធី ហេង សុខវិសាល និង ជា ស្រីនា ថែមទៀតផង ហើយចំណែកភ្ញៀវខាងម្ដាយកូនក្រមុំឯណោះក៏មិនណយប៉ុន្មានដែរសុទ្ធសឹងជាតារាល្បីៗដូចអ្នកនាង សុគន្ធ នីសា, ឈិត សុវណ្ណបញ្ញា, ចាន់ កែវនិមល ជាដើម។
អ្វីដែលកាន់តែពិសេសនោះ គឺវត្តមានរបស់ព្រះនាង នរោត្តម ជេនណា ចូលរួម ពិធី សិរីមង្គល របស់ ជា ស្រីនា និង ហេង សុខវិសាល។ អ្វីដែលធ្វើឲ្យមហាជនកាន់តែស្ញប់ស្ញែង គឺមង្គលការ Influencer គូនេះ ពិតជាទាក់ទាញក្រសែភ្នែកមហាជនខ្លាំង ព្រោះអ្នកទាំង ២ ជាគូស្នេហ៍ដែលទទួលបានការគាំទ្រខ្លាំង មានប្រជាប្រិយភាពដោយភាពថ្លៃថ្នូរ ជាអ្នកចែករំលែកចំណេះដឹង និងចូលរួមកម្មវិធីសប្បុរសធម៌ជាច្រើន។
ទាំងនេះហើយជាមូលហេតុដែល ស្រីនា និង វិសាល ទទួលបានការគាំទ្រខ្លាំងមិនថមថយសោះ តាំងពីថ្ងៃភ្ជាប់ពាក្យរហូតដល់ចូលរោងការ។ គួរបញ្ជាក់ថា ភ្ញៀវដែលចូលរួមមង្គលការអ្នកទាំង ២ មានច្រើន រហូតត្រូវម៉ៅ ៥ អគារនៅ ដឺព្រេមៀ សេនធ័រ សែនសុខចូលគ្នា៕
រូបភាព៖ Nara Wedding