ENHYPEN ប្រាប់ពីអារម្មណ៍រំភើប​ ស្របពេលដែលថ្ងៃឡើងសម្ដែងនៅ Coachella កាន់តែខិតជិតមកដល់

ក្រុមចម្រៀងបុរស ENHYPEN រៀបរាប់ពី អារម្មណ៍ និងការត្រៀមខ្លួនសម្រាប់ឡើងសម្ដែងនៅក្នុងកម្មវិធីប្រគំតន្ត្រី Coachella ដែលនឹងមកដល់នៅថ្ងៃទី១១ ខែមេសា ខាងមុខនេះ ព្រមគ្នានឹងការចែករំលែកពីគំនិតផ្ទាល់ខ្លួន ក្រោយប្រឡូកក្នុងវិស័យខេប៉ុបអស់ពេលជាង ៥ឆ្នាំ។

នៅថ្ងៃទី១៤ ខែមីនាកន្លងទៅនេះ ELLE ទើបតែបានបើកបង្ហាញពីក្របទស្សនាវដ្ដីថ្មីប្រចាំខែមេសា ដោយទស្សនាវដ្ដីបង្ហាញម៉ូដខាងលើនេះ ទទួលបានក្រុម ENHYPEN ជាតារាម៉ូដែលប្រចាំខែនេះតែម្ដង។ បន្ថែមពីរូបថតខាងលើ សមាជិកក្រុមទាំង ៧ រូបក៏បានផ្ដល់បទសម្ភាសន៍ពីអាជីពការងារ ជាពិសេសពី 2025 Coachella Velley Music and Art Festival ដែលកាលបរិច្ឆេទនៃកម្មវិធី ក៏កាន់តែខិតជិតមកដល់ដូចគ្នា។

ផ្ដើមដោយ Jungwon តារាប្រុសរូបនេះបានរៀបរាប់ពីទំនុកចិត្តរបស់ខ្លួនថា៖ “ទោះបី វាជាលើកទី១ ដែលយើងនឹងឡើងច្រៀងនៅ Coachella ក្ដី ខ្ញុំជឿជាក់ថា ពួកយើងនឹងធ្វើបានល្អ ហើយរីករាយជាមួយនឹងការសម្ដែងនៅក្នុងកម្មវិធីនេះ ព្រោះក្រុមទាំងមូលមានបទពិសោធន៍ក្នុងការសម្ដែងនៅលើឆាកធំៗស្រាប់ មិនថានៅក្នុងការប្រគំតន្ត្រី និងកម្មវិធីផ្សេងៗនោះទេ”។  

មេក្រុមរូបនេះបានឱ្យដឹងទៀតថា បច្ចុប្បន្នសមាជិកក្រុមកំពុងតែហាត់សមទៅលើបទចម្រៀងរបស់ខ្លួនដែលមានការកែប្រែជាទម្រង់ថ្មី ដោយខ្លួនរំពឹងថា វានឹងក្លាយជាការសម្ដែងមួយដែលនឹងនាំយកមកនូវភាពរីករាយជូនទៅកាន់ទស្សនិកជន។

បន្តដោយ HeeSeung តារាប្រុសរូបនេះបាននិយាយថា Coachella នឹងក្លាយជាសមិទ្ធផលដ៏ធំមួយនៅក្នុងជីវិតរបស់ខ្លួន ដូច្នេះ លោកនឹងព្យាយាមឱ្យអស់ពីសមត្ថភាព។ ជាក់ស្ដែង តារាប្រុសរូបនេះបាននិយាយថា៖ “ការសម្ដែងនេះនឹងក្លាយជាពេលវេលាដ៏សំខាន់មួយនៅក្នុងជីវិតរបស់ខ្ញុំ។ វាជាឆាកដែលតារាចម្រៀងគ្រប់រូបប៉ងនឹងឡើងច្រៀង ហើយឱកាសបែបនេះមិនអាចធ្លាក់មក ដោយងាយៗនោះទេ។ ខ្ញុំពិតជាចង់ធ្វើការងារនេះឱ្យពេញទីបំផុត ដូច្នេះខ្ញុំបានត្រៀមខ្លួនច្រើនមែនទែនសម្រាប់វា”។

ទន្ទឹមគ្នានេះដែរ Ni-ki បានយល់ថា វេទិកានេះនឹងអាចនាំយកប្រជាប្រិយភាពបន្ថែមទៀត មកដល់ ENHYPEN ដោយលោកបានចែករំលែកថា៖​ “នេះជាលើកទី ១ដែលយើងទទួលឱកាសឡើងសម្ដែងនៅក្នុងកម្មវិធីធំលំដាប់នេះ។ វាជាឱកាសដែលពិសេសមែនទែន ក្នុងការចែករំលែកចម្រៀងរបស់យើងទៅកាន់អ្នកដែលមិនធ្លាប់ស្គាល់ពួកយើងពីមុនមក”។

បន្ថែមពីសម្ដីខាងលើ សមាជិកម្នាក់ទៀត គឺ Jake រំពឹងថា វេទិកា​ Coachella ឆ្នាំ២០២៥ ក៏នឹងអនុញ្ញាតឱ្យក្រុមទាំងមូល បង្ហាញពីការអភិវឌ្ឍខ្លួនទៅកាន់អ្នកគាំទ្រងផងដែរ។

ដោយឡែក នៅពេល ELLE សាកសួរពីការយល់ឃើញរបស់សមាជិកម្នាក់ៗ បន្ទាប់ពីបានចំណាយពេលជាងកន្លះទសវត្សរ៍នៅលើវិថីសិល្បៈ Sunghoon បាន​ឆ្លើយ​តបវិញ​ថា៖ “ទោះបីជា វាជាឆ្នាំទី ៥របស់ពួកយើងក្ដី ខ្ញុំនៅតែគិតថា នៅមានរឿងជាច្រើនទៀតដែលយើងត្រូវពង្រឹង។ ខ្ញុំចង់បង្ហាញពីការរីកចម្រើនរបស់ពួកយើងនៅគ្រប់ផ្នែកទាំងអស់ មិនគ្រាន់តែរូបរាងខាងក្រៅប៉ុណ្ណោះទេ តែទាំងជំនាញ និងផ្នត់គំនិតផងដែរ”។

ទន្ទឹមគ្នានេះ Sunoo បានរៀបរាប់ថា៖ “នៅពេលត្រឡប់ទៅមើលថ្ងៃចាស់ៗ ខ្ញុំរកឃើញថា ពួកយើងបានខិតខំខ្លាំងសម្រាប់គ្រប់ការសម្ដែងរបស់ពួកយើង។ ខ្ញុំមិនចង់ឱ្យ យើងទាំងអស់គ្នាបាត់បងស្មារតីបែបនេះនៅថ្ងៃអនាគតនោះទេ”។

យ៉ាងណាមិញ Jay បានបង្ហាញការរំពឹងទុកសម្រាប់ពេលអនាគតថា នៅថ្ងៃមុខ ខ្លួន និងក្រុមទាំងមូលក៏នឹងបន្តរីករាយជាមួយនឹងវិថីខេប៉ុប ដូចគ្នាទៅនឹងអ្វីដែលពួកគេកំពុងតែមាននៅពេលនេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *