ទីបំផុត តារាសម្ដែង ឌី សូនិត្តា បានជួបមុខបងប្រុសបង្កើតដែលអ្នកនាងទន្ទឹងមើលផ្លូវអស់ពេលច្រើនថ្ងៃ ខណៈដែលទាហានជួរមុខច្រើននាក់ត្រូវបានអនុញ្ញាតឱ្យមកផ្ទះ ដើម្បីបានជួបជុំគ្រួសារសាច់ញាតិក្រោយសង្គ្រាមឈ្លានពានទឹកដីរបស់កងទ័ពថៃ បានស្ងប់ស្ងាត់។


កាលពីរាត្រីថ្ងៃ ៥ មករា ឆ្នាំ ២០២៦ តារាសម្ដែង ឌី សូនិត្តា បានជួបជុំបងប្រុសបង្កើតដែលជាទាហានជួរមុខ ក្រោយបំពេញភារៈក្នុងការការពារបូរណភាពទឹកដីអស់ពេលជិត ១ ខែមកនេះ។ សង្គ្រាមឈ្លានពានទឹកដីដែលបង្កឡើងដោយកងទ័ពសៀមបានស្ងប់ស្ងាត់ ទាហានជួរមុខត្រូវបានអនុញ្ញាតឱ្យផ្លាស់ប្ដូរវេនគ្នាក្នុងការត្រឡប់ទៅជួបជុំបងប្អូនសាច់ញាតិ ក្នុងនោះដែរ បងប្រុសអ្នកនាង ឌី សូនិត្តា ក៏ត្រូវបានអនុញ្ញាតឱ្យត្រឡប់មកផ្ទះដូចគ្នា។
គ្រាន់បានឃើញបងប្រុស ម្ចាស់សំអាងការ Dy Sonita Wedding Planner រូបនេះបានរត់ស្ទុះទៅឱបដោយក្ដីរំភើប ជាមួយទឹកភ្នែកច្រើនតំណក់ដែលបានរមៀលស្រក់ស្របពេលបានឃើញមនុស្សជាទីស្រលាញ់បានវិលមកផ្ទះវិញ។
បងប្រុសរបស់អ្នកនាង ឌី សូនិត្តា បានចាកចេញទៅកាន់សមរភូមិប្រយុទ្ធក្នុងពេលដែលសង្គ្រាមឈ្លានពានកំពុងស្ថិតក្នុងស្ថានភាពដ៏ក្ដៅគគុក ហើយការវិលត្រឡប់មកជួបជុំគ្រួសាររបស់បងប្រុសអ្នកនាង ឌី សូនិត្តា នាពេលនេះគឺបានតែ ២ ទៅ ៣ ថ្ងៃប៉ុណ្ណោះព្រោះលោកត្រូវបន្តឈរជើងការពារទឹកដីពីការលួចឆ្មក់របស់សត្រូវឈ្លានពាន៕








ទស្សនា វីដេអូ ៖ https://www.facebook.com/reel/722238603965368
រូបភាព ៖ Dy Sonita























Account
Security
Favourite Content