តារាចម្រៀងស្រីអង់គ្លេស Dua Lipa បានសហការជាមួយនឹងក្រុមហ៊ុន Porsche ដើម្បីផលិតរថយន្តពិសេសមួយគ្រឿង គ្រោងនឹងដាក់ដេញថ្លៃតាមរយៈ RM Sotheby’s ដោយមានគោលបំណងបរិច្ចាគប្រាក់ទាំងអស់ពីការដេញថ្លៃនេះ ជូនមូលនិធិ Sunny Hill ដើម្បីជួយគាំទ្រដល់វប្បធម៌ និងសិល្បៈប្រទេស Kosovo។

រថយន្ត Porsche 911 GT3 RS គ្រឿងនេះ នឹងដាក់ដេញថ្លៃចាប់ពីថ្ងៃនេះ រហូតដល់ថ្ងៃទី១ ខែសីហា ក្នុងតម្លៃចាប់ផ្ដើមពី ៤៧ម៉ឺនដុល្លារអាមេរិក ដោយប្រាក់ដែលបានពីការដេញថ្លៃនេះ Dua Lipa នឹងបរិច្ចាគទៅកាន់មូលនិធិដែលតារាស្រីបង្កើតឡើងដោយខ្លួនឯងផ្ទាល់។
ជាក់ស្ដែង រថយន្តពិសេសមួយគ្រឿងនេះ បានបង្ហាញខ្លួនជាលើកដំបូងនៅក្នុងកម្មវិធីប្រកួតរថយន្ត Monaco Grand Prix កាលពីខែឧសភា កន្លងទៅ ដោយរថយន្តស៊េរីឆ្នាំ ២០២៤ មានភាពលេចធ្លោជាមួយនឹងពាក្យថា Dua Lipa Rennstall GT3 RS នៅពីលើរថយន្តពណ៌ Turquoise រួមគ្នាជាមួយពណ៌ក្រហម និងមាស ដែលជាពណ៌សម្រាប់កម្មវិធីប្រគំតន្រ្តី Radical Optimism របស់តារាស្រីវ័យ ២៩ឆ្នាំតែម្ដង។




បន្ថែមពីនេះទៀត រថយន្តមួយនេះក៏មានកម្លាំងខ្លាំងដែលអាចបង្កើនល្បឿនពី ៣.៣៩ គីឡូម៉ែត្រ ឡើងដល់ ១០០គីឡូម៉ែត្រក្នុងមួយម៉ោង ដោយចំណាយពេលត្រឹមតែ ៣.២ វិនាទី ជាមួយនឹងល្បឿនអតិបរមារហូតដល់ទៅ ១៨៤ mph ឬប្រមាណ ៣០០ គីឡូម៉ែត្រក្នុងមួយម៉ោង។ បន្ថែមពីនេះទៀត រថយន្តនេះ ក៏បានប្រើប្រាស់ Weissach Package ដែលធ្វើឱ្យរថយន្តមានទម្ងន់ស្រាលជាងរថយន្តរបស់ Porsche ទូទៅ ២២គីឡូក្រាម។
គួរឱ្យដឹងដែរថា Dua Lipa បានក្លាយជាទូតសុច្ឆន្ទៈរបស់យីហោរថយន្តទំនើប Porsche តាំងតែពីឆ្នាំ ២០២៣ និងបានលេចវត្តមាននៅលើពាណិជ្ជកម្ម រថយន្តអគ្គិសនី Macan កាលពីឆ្នាំ ២០២៤ កន្លងទៅផងដែរ៕

























Account
Security
Favourite Content