ទម្លាយតម្លៃឈុត វណ្ណដា និង ឱក សុគន្ធកញ្ញា គ្រងសម្ដែងក្នុងថ្ងៃបិទកីឡាជាតិ ពិតជាមិនធម្មតា

កំពូល​តារា​ល្បី​ៗ​ប្រចាំ​ប្រទេស​កម្ពុជា ឱក សុគន្ធកញ្ញា និង ​វណ្ណដា  បានបង្ហាញការសម្ដែងប្លែកៗពីគ្នាជាមួយបទចម្រៀង​ដ៏​មាន​ខ្លឹមសារ ព្រម​ជាមួយឈុតសម្លៀកបំពាក់ប្រណិត​ក្នុង​កម្មវិធី​យប់មិញនេះ ហើយទាំង វណ្ណដា និង ឱក សុគន្ធកញ្ញា ត្រូវគេកត់សម្គាល់ថា បានស្លៀកសម្លៀកបំពាក់ច្នៃដោយ ណុប ដាណេ សម្អាងការ ដូចគ្នា។ 

តាមការឱ្យដឹងពីម្ចាស់ ណុប ដាណេ សម្អាងការ និងជាអ្នកទៅរៀបចំស្លៀកពាក់ឱ្យតារាចម្រៀងទាំងពីររូបផ្ទាល់ក្នុងពិធីបិទកីឡាជាតិ​លើក​ទី៣ និង​កីឡា​ជន​ពិការលើក​ទី១​ កាលពីម្សិលមិញ ឈុតសម្លៀកបំពាក់របស់ តារាចម្រៀងរ៉េបវ័យក្មេង វណ្ណដា និងកំពូលតារាចម្រៀងជួរមុខលំដាប់ប្រទេស ឱក សុគន្ធកញ្ញា ត្រូវច្នៃឡើងជាពិសេសសម្រាប់អ្នកទាំងពីរ ដើម្បីការសម្តែដ៏អស្ចារ្យមួយនោះ។ ក្នុងឈុតនីមួយៗមានបង្កប់អត្ថន័យភាពជាខ្មែរ ស្តែងឱ្យឃើញពីវប្បធម៌ អរិយធម៌​ផូរផង់របស់ខ្មែរយើងនៅពីខាងក្នុង តាមបែបផែនផ្សេងគ្នានៃទម្រង់សម្លៀកបំពាក់រៀងៗខ្លួន។

តួយ៉ាង ឈុតរបស់ម្ចាស់បទ Solo again ដែលស្លៀកឡើងឆាកសម្តែងយប់មិញនេះ បំផុសគំនិតពីសម្លៀកបំពាក់ខ្មែរនាសម័យអាណានិគមនិយមបារាំង លំនាំតាមឈុតសម្លៀកបំពាក់ ព្រះ​បាទ​សម្តេច​ព្រះ ស៊ីសុវត្ថិ ដែលធ្លាប់បានគ្រងនាសម័យនោះ។ ឈុតនេះ ច្នៃឡើងពីសូត្រផាមួងខ្មែរ លំដាប់លេខ១ក្នុងស្រុក ចំណែក ការជ្រើសប្រើពណ៌ទឹកប្រាក់លាយទឹកប៊ិច សម្រាប់តារាចម្រៀងមានស្រុកកំណើត​ពីខេត្តព្រះសីហនុ ដោយសារពណ៌ទឹកប៊ិច និងស ជាពណ៌តំណាងឱ្យទង់ជាតិព្រះរាជាណាចក្រកម្ពុជា តែអ្នកច្នៃមិនចង់ឱ្យ វណ្ណដា ប្រើប្រាស់ពណ៌ ស ទឹកប៊ិច ដូចគេទូទៅ ទើបជ្រើសរើសពណ៌ទឹកប្រាក់ (ពណ៌ក្នុងចង្កោមពណ៌សដូចគ្នា) មកប្រើជំនួសពណ៌សវិញ ដើម្បីឱ្យសម្លៀកបំពាក់ឈុតនេះចេញមកមានភាពប្រណិតខុសប្លែកពីគេ។ បើ​គិត​រយៈពេលកាត់ដេរវិញ គឺត្រឹម១ថ្ងៃគត់។

ណុប ដាណេ បាន​បន្ត​ថា៖ «នៅក្នុង Zone ហ្នឹង គឺ Zone ជាមួយគ្នា ពណ៌ប្រាក់ ជាពណ៌ក្នុង Zone ពណ៌ស ជាមួយគ្នា ដូច្នេះយើងចង់ឱ្យវារំលេចថា វណ្ណដា គឺជាបុគ្គលពិសេសរបស់អ្នកទាំងអស់គ្នា អ៊ីចឹង យើងត្រូវតែអត់ឱ្យគាត់ (វណ្ណដា) ដូចគេ»។

ម្ចាស់សម្អាង និងជាអ្នកច្នៃម៉ូដរូបនេះបន្តថា មិនមែន វណ្ណដា តែម្នាក់ទេ ដែលស្លៀកសម្លៀករបស់ ណុប ដាណេ សម្អាងការ តែនៅមាន វណ្ណថាន និងសមាជិកក្រុម ប៉ូឡារិច ២ នាក់ទៀត។ មិនតែប៉ុណ្ណោះ ព្រឹទ្ធាចារ្យចាប៉ីដងវែង គង់ ណៃ ផងដែរ ប៉ុន្តែភរិយាលោកតា ជាអ្នកស្លៀកពាក់ជូនលោកតាដោយផ្ទាល់ដៃ។ សុរបជារួម តម្លៃឈុតពណ៌ទឹកប្រាក់លាយទឹកប៊ិច ដែល វណ្ណដា ស្លៀកច្រៀងយប់មិញនោះតម្លៃ ជិត ១០០០ ដុល្លារ តែបើបូកសរុបទាំងសមាជិកផ្សេង និងលោកតា គង់ ណៃ ទៀត​ គឺអស់ច្រើន​គួរសម គ្រាន់តែ​ឈុត វណ្ណដា លើស​គេ​បន្តិច។

ងាកមកចាប់អារម្មណ៍ពី​រ៉ូបដ៏ស្រស់ស្អាតរបស់ ឱក សុគន្ធកញ្ញា វិញនោះ ក៏ប្រណិតមិនចាញ់ឈុត វណ្ណដា ឡើយ ដោយឈុតនេះច្នៃឡើងពី ហូលល័ក្ខខ្មែរ ជាហូលល័ក្ខធម្មជាតិ ដែលសាច់ហូលស្អាត មានសភាពស្វិត ហើយពណ៌ក៏មិនស្រស់ឆើតឆាយ មើលទៅមានភាពរមទម្យនៅក្នុងនោះ។ ដើម្បីឱ្យឈុតចេញមកកាន់តែមានភាពប្រណិត ទាក់ទាញ អ្នកច្នៃម៉ូដបានដាក់បញ្ចូលគ្រឿងអលង្កាស្ពាន់បុរាណ ដូចជាខ្សែក្រវ៉ាត់ និងក្បាំងសៀតជាមួយម៉ូដសក់ ដើម្បីឱ្យត្រូវនិងទម្រង់នៃបទចម្រៀង ដែលបង្ហាញស្រ្តីដែលមានភាពរឹងមាំ មោះមុត អង់អាច។ ឈុតនេះធ្វើឡើងរយៈពេល ១-២ ថ្ងៃប៉ុណ្ណោះ ហើយតម្លៃវិញ គឺខ្ទង់ពាន់ដុល្លារ។

តាមការឱ្យដឹងរបស់ អ្នកច្នៃម៉ូដ ណុប ដាណេ គ្រប់សម្លៀកបំពាក់ទាំងអស់ដែលច្នៃចេញទៅគឺសុទ្ធតែមានបង្កប់គំនិតអភិរក្ស បង្ហាញពីវប្បធម៌ និងភាពជាខ្មែរ ដែលគោលគំនិតនេះក៏ដូចគ្នាទៅនិងការគិតរបស់ វណ្ណដា និង ឱក សុគន្ធកញ្ញា ដែរ ដែលតែងដាក់បញ្ចូលភាពជាខ្មែរតាមរយៈសម្លៀកបំពាក់៕

ប្រភពរូប៖ Nob Dane samangkar-ណុប ដាណេសម្អាងការ



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​