កម្មវិធីបវរកញ្ញាស្រុកស្រែ ខេត្តសៀមរាបពេលប្រកាសលទ្ធផលបានធ្វើឲ្យអ្នកគាំទ្រញាប់ញ័រខ្លាំងមែនទែន នារាត្រីវគ្គផ្ដាច់ព្រ័ត្រ។ សម្រាប់ជយលាភីបានទៅលើ ដា លីកា បេក្ខភាពមកពីឃុំកំពុងក្តី ដែលធ្វើឲ្យអ្នកគាំទ្រស្រែកហ៊ោកញ្ជ្រៀវអបអរដល់លទ្ធផលមួយនេះ។


ចុងសប្ដាហ៍កន្លងទៅ ការប្រកួតប្រជែងកម្មវិធីបវរកញ្ញាស្រុកស្រែ ខេត្តសៀមរាបឯណោះ មិនធ្វើឲ្យអ្នកគាំទ្រខកចិត្តឡើយដោយបានរកឃើញម្ចាស់ជយលាភីយ៉ាងស័ក្ដិសមបំផុត។ វគ្គផ្ដាច់ព្រ័ត្រនៃកម្មវិធីបវរកញ្ញាស្រុកស្រែ ខេត្តសៀមរាបយប់មិញនេះ ធ្វើឲ្យបេះដូងហ្វេនអ្នកគាំទ្រ Idol នីមួយៗភ័យដុកដាក់ៗ។
គ្រាន់តែពិធីករប្រកាសថា អ្នកឈ្នះមកុដបវរកញ្ញាស្រុកស្រែ ខេត្តសៀមរាបមកពីឃុំកំពង់ក្ដី ភ្លាមស្នូរទះដៃក៏ផ្ទុះឡើងព្រមគ្នាដែរ។ លីកា ជាបេក្ខជនឆ្នើមឆក់បានការស្រលាញ់ចូលចិត្តពីមហាជនខ្លាំង ហើយក៏មានសមត្ថភាពខ្ពស់ទៀតផង។ ថ្ងៃគ្រងមកុដ លីកា បានជ្រើសរើសឈុតពណ៌ក្រហមស្រស់ សមជាមួយរាងតូចច្រឡឹង។



ចំណែកលំដាប់រងទី១ បានទៅលើ Ny Ra ស្រុកវ៉ារិន, លំដាប់រងទី២ Liszxa Liszxa ស្រុកពួក, លំដាប់រងទី៣ Maa Ka Yav ស្រុកអង្គរធំ និងលំដាប់រងទី៤ Kānh Nhā ឃុំកំពង់ភ្លុក។ លោក ដែន សុភ័ត្ត្រា ស្ថាបនិកកម្មវិធីបវរកញ្ញាស្រុកស្រែខេត្តសៀមរាប ធ្លាប់បានរៀបរាប់ថា ម្ចាស់មកុដឆ្នាំនេះក្រុមការងារបានសម្រិតសម្រាំងខ្លាំងណាស់ ហើយម្នាក់នោះត្រូវតែមានរូបសម្រស់ស្រស់ស្អាត ចំណេះដឹង ភាពក្លាហាន ជាមនុស្សមានទំនួលខុសត្រូវខ្ពស់លើការងារ និងបានការត្រៀមខ្លួនរួចជាស្រេច។ ជាក់ស្ដែង ដា លីកា គឺមានទាំងអស់មែន ហើយនាងមានប្រជាប្រិយភាពខ្លាំង ព្រោះសូម្បីតែបវរកញ្ញាដូចគ្នា ក៏គាំទ្រនាងដែរ។
បើនិយាយដល់ដំណើរការកម្មវិធីវិញ បវរកញ្ញាស្រុកស្រែខេត្តសៀមរាប ត្រូវអ្នកគាំទ្រសរសើរថា រៀបចំបានល្អខ្លាំងមិនឲ្យចាញ់កម្មវិធីផ្សេងៗដែលធ្វើឡើងនៅទីក្រុងឡើយ និងមានការឧបត្ថម្ភពីម្ចាស់កម្មវិធីយ៉ាងគាប់ប្រសើរទៀត៕


























Account
Security
Favourite Content