តារាសម្ដែងហុងកុងជើងចាស់លោក Chun Wong ត្រូវបានដឹកទៅសង្គ្រោះភ្លាមៗ នៅឯមន្ទីរពេទ្យ ខណៈដំណឹងនេះធ្វើឲ្យមហាជនជាច្រើនមានការភ្ញាក់ផ្អើល។


ស្ថិតក្នុងវ័យ ៧៦ ឆ្នាំ សុខភាពរបស់លោកមិនសូវជាល្អ និងរឹងមាំឡើយ។ លោកត្រូវបានរាយការណ៍ថា បានដួលក្នុងបន្ទប់សណ្ឋាគារតែម្នាក់ឯង ដោយសារជើងគ្មានលំនឹង និងមិនអាចឈរបាន។ បើតាមសម្ដីរបស់ក្រុមគ្រូពេទ្យបានឲ្យដឹងថា៖ ជើងរបស់លោកមានសភាពហើមខ្លាំង ខណៈស្បែកក៏មានស្ថានភាពប្រេះរហែកនៅតំបន់ប្រអប់ជើង។
ទន្ទឹមនេះ យោងតាមសម្ដីមិត្ដជិតស្និទ្ធរបស់លោក Chun Wong គឺ Lin Wei បានឲ្យដឹងថា ស្ថានភាពជំងឺរបស់លោកគួរឲ្យព្រួយបារម្ភ ហើយរយៈពេល ៣ ថ្ងៃ មិនអាចទាក់ទងកូនៗ របស់លោកទាល់តែសោះ។ ដោយមានការជួយជ្រោមជ្រែងពីខាងមន្ទីរពេទ្យ ទើបអាចរកដំណឹងកូនៗ របស់លោក។


ជាមួយគ្នាដែរ បន្ទាប់ពីសម្រាកនៅមន្ទីរពេទ្យ ស្ថានភាពរបស់លោកហាក់ប្រសើរជាងមុនបន្ដិច។ ចំពោះមូលហេតុដែលធ្វើឲ្យលោកដួលនោះ ដោយសារតែខ្វះឈាម និងហត់នឿយខ្លាំងពេក។
យោងតាមប្រភពព័ត៌មាន Sohu តារាសម្ដែងជើងចាស់ហុងកុង Chun Wong លោកធ្លាប់បានរំឮកពីអតីតភរិយាព្រមទាំងកូនៗ។ និងបានលោកទម្លាយថា៖ លោកមានកូនចំនួន ៤ នាក់ តែមិនបាននៅជួបជុំគ្នាឡើយ។ លោក និងកូនគឺរស់នៅឆ្ងាយពីគ្នា។ ហើយលោករស់នៅជាមួយ ភរិយា ថ្មី និងខិតខំរកប្រាក់ចំណូលបន្ថែមតាមរយៈការថតរឿង តែដោយសារសុខភាពរបស់លោកចុះខ្សោយ ទើបធ្វើឲ្យលោកបាត់មុខពីសិល្បៈសម្ងំមើលថែជំងឺ៕
























Account
Security
Favourite Content