ថ្មីៗនេះសមាជិកក្រុមក្មេងខ្មែរ ជា សុជាតិ បណ្ដើរភរិយាជាទីស្រលាញ់ និងកូនប្រុសបណ្ដូលចិត្តចូលរួមកម្មវិធីធំមួយក្នុងសង្គមសិល្បៈជាមួយស្នាមញញឹម ទោះជាទើបមានបញ្ហាផ្ទុះកក្រើកបណ្ដាញសង្គមហើយក៏ដោយ។

ដូចដែលមហាជនបានដឹងហើយថាលោក ជា សុជាតិ និងអ្នកគ្រប់គ្រងរបស់លោកបានរៀបអាពាហ៍ពិពាហ៍ជាមួយគ្នាកាលពីឆ្នាំមុន ហើយក៏ទទួលបានកូនប្រុសដ៏គួរឱ្យស្រលាញ់ម្នាក់ជាចំណងដៃ។ ជីវិតគូរបស់អ្នកទាំងពីរតែងត្រូវបានមហាជនពោលសរសើរជារឿយៗខណៈលោក ជា សុជាតិ តែងមានភរិយាជាទីស្រលាញ់នៅក្បែរចាំមើលការខុសត្រូវគ្រប់ពេលមិនថាជាពេលការងារឬការកម្សាន្តនោះទេ។ ដោយឡែក ថ្មីៗនេះចូលរួមក្នុងសន្និសីទសារព័ត៌មានរបស់ស្ថានីយទូរទស្សន៍ ភី អិន អិន ក្នុងកម្មវិធី RAPPER FIGHTER រដូវកាលទី២ ម្ចាស់បទ «បុណ្យភូមិ» រូបនេះបានបណ្ដើរភរិយា និងកូនប្រុសយ៉ាងត្រសងចូលរួមក្នុងកម្មវិធី។
សម្រាប់ការបង្ហាញវត្តមានភរិយានិងកូនប្រុសនាលើកនេះធ្វើឱ្យបុរសសង្ហា ជា សុជាតិ លេចចេញសម្ដីមួយឃ្លាបែបនេះថា ៖ «កាលរដូវកាលទី១ កូនរាជមកគាំទ្រប៉ាៗតាំងពីនៅក្នុងពោះ ដល់រដូវកាលទី២នេះគេបានមកដោយផ្ទាល់ហើយ»។






ការលើកឡើងយ៉ាងត្រជាក់ពីសមាជិកក្រុមក្មេងខ្មែររូបនេះបង្ហាញបានយ៉ាងច្បាស់ថា មិនថានៅទីណា កន្លែងណា ឬ ពេលណា ភរិយា និងកូនប្រុសគឺសំខាន់សម្រាប់លោកជានិច្ច។ ដោយឡែក សម្រាប់ភរិយាសំណព្វរបស់តារាចម្រៀងរូបនេះតែងតែនៅក្បែរចាំជួយលើកទឹកចិត្តស្វាមីគ្រប់ពេលព្រមទាំងជួយមើលការខុសត្រូវការងាររបស់លោកទៀតផង៕
រូបភាព ៖ Socheat Chea























Account
Security
Favourite Content