កម្មវិធីទិវាទេសចរណ៍ពិភពលោក នាទីក្រុងម៉ាឡាកា ប្រទេសម៉ាឡេស៊ីដែលទើបបញ្ចប់ថ្មីៗនេះ មានការចូលរួម ពីសំណាក់ថ្នាក់ដឹកនាំក្រសួងទេសចរណ៍ខ្មែរ និងមន្ត្រីក្រោមឱវាទជាច្រើនរូបអមដំណើរ។ នាឱកាសនោះដែរ គេក៏ឃើញវត្តមានតារាចិនដ៏ល្បី Fan Bingbing ដែលនាងគឺជា បេសកជនទេសចរណ៍របស់ទីក្រុងម៉ាឡាកា។


កម្មវិធីនោះមន្ត្រីខ្មែរទទួលបានផ្លែផ្កាជាច្រើន ព្រមទាំងបានចូលរួមពិធីលៀងសាយភោជនទទួលស្វាគមន៍ និងអបអរសាទរការដាក់ចេញយុទ្ធនាការ «ទស្សនាម៉ាឡេស៊ីឆ្នាំ២០២៦» ផងដែរ។ កម្មវិធីនោះក៏មានការចូលរួមពីសំណាក់កំពូលតារាស្រីចិន Fan Bingbing ហើយមុនកម្មវិធីទទួលទានអាហារពេលល្ងាច ក៏មានមន្ត្រីបានជួប និងថតរូបអនុស្សាវរីយ។
ឆ្លៀតក្នុងឱកាសនោះ ឧកញ៉ា ឌិន សុមេធារិទ្ធ ប្រធានសហព័ន្ធទេសចរណ៍កម្ពុជា ក៏បានបង្ហាញពីភាពអស្ចារ្យជាសមិទ្ធផល ថ្មីទើបតែទទួលបាននោះ គឺអាកាសយានដ្ឋានអន្តរជាតិតេជោ ដល់ Fan Bingbing ផ្ទាល់។ លោកបានសរសេររៀបរាប់ភ្ជាប់ជាមួយវីដេអូថា “អួតពីព្រលានយន្តហោះអន្តរជាតិតេជោ ដល់តារាចិនដ៏ល្បីល្បាញ Fan Bing Bing ដើម្បីឲ្យគាត់មកលេងស្រុកខ្មែរ និងជួយផ្សព្វផ្សាយទេសចរណ៍កម្ពុជា ព្រោះគាត់មាន followers ជាងមួយពាន់លាននាក់”។
លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិចប្រចាំប្រទេសកម្ពុជា ក៏បានបង្ហាញពីវីដេអូខ្លីមួយ ដែលជាជំនួបរវាងរដ្ឋមន្រ្តីក្រសួងទេសចរណ៍កម្ពុជា ឯកឧត្តម ហួត ហាក់ ជាមួយតួឯកស្រីរឿង “មហិច្ឆតា អ៊ូ ម៉ីនាង”។


ក្នុងវីដេអូរបស់គណនី FB របស់ ឧកញ៉ា ឌិន សុមេធារិទ្ធ បង្ហាញឲ្យ ឃើញយ៉ាងច្បាស់ពីសម្រស់របស់តារាសាច់ចាំរូបនោះនៅតែក្មេងគ្មានប្រែ បើទោះជាគ្មានការផាត់មុខខ្លាំងក៏ដោយ។ ក្រឡេកអទៅមើលស្បែកវិញ ឃើញថារលោងស្រិល ស័ក្តិសមនឹងរហស្សនាមតារាមិនចេះចាស់។
Fan Bingbing ឯកអគ្គរដ្ឋទូតមិត្តភាពទេសចរណ៍របស់ Melaka។ បើទោះជាទៅចូលរួមកម្មវិធីក្នុងនាមជា ឯកអគ្គរដ្ឋទូតមិត្តភាពទេសចរណ៍របស់ Melaka តារាស្រីវ័យ ៤៤ ឆ្នាំរូបនេះ រំលេចពីផលិតផលម៉ាកយីហោផ្ទាល់ខ្លួនរបស់នាង គឺ FanBeauty៕



រូបភាព៖ Somethearith Din, Thourn Sinan និង Huot Hak


























Account
Security
Favourite Content