V សមាជិកកំពូលក្រុមចម្រៀងកូរ៉េ BTS បានបង្ហាញឥទ្ធិពលផ្សព្វផ្សាយដ៏អស្ចារ្យរបស់ខ្លួនជាថ្មីម្ដងទៀតជាមួយនឹងការបំបែកកំណត់ត្រាគួរឱ្យកត់សម្គាល់នៅលើបណ្ដាញសង្គម។


នៅថ្ងៃទី ១៣ ខែមករា តារាប្រុសដែលមានឈ្មោះដើម Kim Tae-hyung ទទួលបានអ្នកតាមដានចំនួន ៧០ លាននាក់នៅលើគណនី Instagram ផ្ទាល់ខ្លួន ដែលធ្វើឱ្យរូបលោកក្លាយជាបុគ្គលមានអ្នកតាមដានដល់ចំនួននេះក្នុងរយៈពេលលឿនបំផុតលើ Instagram។ សារព័ត៌មាន Koreaboo បានឱ្យដឹងថាគណនីផ្លូវការរបស់លោកឈ្មោះ @thv អាចទទួលបានអ្នកតាមដានយ៉ាងច្រើននេះជាមួយនឹងការបង្ហោះត្រឹមតែ ១៥០ ផុសប៉ុណ្ណោះ ដែលអាចបញ្ជាក់ពីឥទ្ធិពលមិនធម្មតារបស់លោក។
ជាមួយនឹងកំណត់ត្រាថ្មីនេះ V ក៏ជាតារាចម្រៀងទោលប្រុសកូរ៉េដែលមានអ្នកតាមដានច្រើនជាងគេនៅលើ Instagram និងជាតារាចម្រៀង K-Pop បុរសដែលមានអ្នកតាមដានច្រើនជាងគេលំដាប់ទីពីរនៅលើ Instagram ដោយចាញ់តែគណនីក្រុមរបស់ខ្លួនមួយប៉ុណ្ណោះគឺ BTS ដែលមានអ្នកតាមដានចំនួន ៧៧ លាននាក់គិតត្រឹមថ្ងៃទី១៣ ខែមករានេះ។
គួរបញ្ជាក់ថា V បានបង្កើតគណនី Instagram ផ្ទាល់ខ្លួនរបស់ខ្លួនរួមជាមួយសមាជិកដទៃទៀតក្នុងក្រុមនៅឆ្នាំ ២០២១។ ចាប់តាំងពីពេលនោះមក តារាវ័យ ៣០ឆ្នាំរូបនេះបានបំបែកកំណត់ត្រាជាបន្តបន្ទាប់នៅលើវេទិកានេះ ដែលរួមមានទាំងកំណត់ត្រាសម្រាប់ការឈានដល់ចំនួនអ្នកតាមដាន ១ លាននាក់ និង ១០ លាននាក់លឿនបំផុត។ មិនតែប៉ុណ្ណោះ លោកក៏ត្រូវបានរាយការណ៍ថាបានកាន់កំណត់ត្រាសម្រាប់ការបង្ហោះនៅលើ Instagram ដែលមានអ្នក Like ច្រើនបំផុតក្នុងចំណោមបុគ្គលល្បីកូរ៉េក្នុងឆ្នាំ ២០២៥ ដោយ នៅលើការបង្ហោះតែ ១ ផុសរបស់លោកមានអ្នក Like រហូតដល់ជាង ១៧.៧ លាននាក់ ៕



























Account
Security
Favourite Content