សមាជិកក្រុម BTS SUGA ដែលមានឈ្មោះពិត Min Yoongi ត្រូវបានពិន័យជាប្រាក់ចំនួន ១៥ លានវ៉ុន ស្មើនឹងប្រហែល ១១៥០០ ដុល្លារអាមេរិក សម្រាប់ការបើកបរម៉ូតូអាគុយ (electric scooter) ខណៈស្ថិតក្រោមស្ថានភាពស្រវឹង។

យោងតាមការចុះផ្សាយរបស់សារព័ត៌មាន BBC នៅថ្ងៃច័ន្ទនេះ បានឱ្យដឹងថាតុលាការ Seoul Western District បានចេញដីកានៅថ្ងៃទី ២៧ ខែកញ្ញា ដោយផ្ដន្ទាទោស តារាវ័យ ៣១ ឆ្នាំរូបនេះនូវការពិន័យជាប្រាក់ចំនួន ១៥ លានវ៉ុនសម្រាប់ការបំពានច្បាប់ចរាចរណ៍ផ្លូវគោកដោយសារតែការបើកបរក្នុងស្ថានភាពស្រវឹង ក្រោយការិយាល័យរដ្ឋអាជ្ញាបានចោទប្រកាន់ Suga កាលពីថ្ងៃទី ១០ ខែកញ្ញា។
គួរបញ្ជាក់ថា SUGA ត្រូវប៉ូលីសរកឃើញថាបានជិះម៉ូតូអាគុយក្រោមឥទ្ធិពលនៃជាតិអាល់កុលនៅជិតផ្ទះរបស់លោកក្នុងតំបន់ Hannam-dong សង្កាត់ Yongsan ក្រុងសេអ៊ូល នៅម៉ោងប្រហែល ១១ និង ១៥ នាទីយប់ កាលពីខែសីហា។ នៅពេលចាប់ខ្លួន កំហាប់ជាតិអាល់កុលក្នុងឈាមរបស់លោកត្រូវបានបញ្ជាក់ថាមានចំនួន 0.227% ដែលលើសពីកម្រិតពិន័យដោយការដកហូតប័ណ្ណបើកបរ (0.08% ឬខ្ពស់ជាងនេះ)។
បច្ចុប្បន្ន តារាចម្រៀងរូបនេះកំពុងបំពេញកាតព្វកិច្ចយោធាជាភ្នាក់ងារបម្រើសង្គម ជាការងារមានកាលវិភាគប្រចាំថ្ងៃ ដែលអាចឱ្យលោកត្រឡប់ទៅផ្ទះវិញបន្ទាប់ពីម៉ោងធ្វើការ។ ការបំពេញកាតព្វកិច្ចរបស់សមាជិក BTS រូបនេះនឹងបញ្ចប់នៅខែមិថុនា ឆ្នាំ ២០២៥ ៕
























Account
Security
Favourite Content