តារាចម្រៀងប៉ុបរៀមច្បង Britney Spears បានរំឭកពីពេលវេលាដ៏គួរឱ្យរំភើបដែលខ្លួនបានជួបនឹង Taylor Swift ជាលើកដំបូងកាលពី ២០ឆ្នាំមុន។ នៅពេលនោះ Taylor Swift ដែលទើបតែអាយុ ១៣ ឆ្នាំបានចូលមកច្រៀង និងលេងហ្គីតាឱ្យនាងស្ដាប់នៅខាងក្រោយឆាក ខណៈពេលដែលនាងកំពុងធ្វើការប្រគំតន្ត្រីទេសចរណ៍ Oops!… I Did It Again Tour។

ក្នុងនោះ Britney Spears បានបង្ហោះរូបថតរួមគ្នាជាមួយ Taylor Swift ក្នុងឆ្នាំ ២០០៣ និង ២០០៨ ហើយបានសរសេរសារប្រាប់ពីរឿងរ៉ាវនៅពីក្រោយរូបថតនោះថា៖ ពេលកំពុងប្រគំតន្ត្រីទេសចរណ៍ Oops!… I Did It Again ក្រុមការងារម្នាក់ដែលជាមិត្តភ័ក្ដិរបស់នាងនៅពេលនោះបានគោះទ្វារខាងក្រោយឆាក ហើយប្រាប់ថា “មានក្មេងស្រីម្នាក់ឈ្មោះ Taylor ចង់មកច្រៀងឱ្យនាងស្តាប់” ហើយ Britney Spears បានអនុញ្ញាតឱ្យ Taylor Swift ចូលភ្លាមៗ។
“ពួកគេបានដើរចូលមក ហើយនាងបានច្រៀងចម្រៀងយ៉ាងពីរោះជាមួយនឹងហ្គីតារបស់នាង។ ខ្ញុំគ្រាន់តែគិតថា Wow នាងពិតជាមនុស្សអច្ឆរិយពិតមែន។ យើងថតរូបជាមួយគ្នា ហើយចាប់តាំងពីពេលនោះមក នាងបានក្លាយជាតារាស្រីដ៏ល្បីបំផុតម្នាក់នៅសម័យរបស់យើង។ ខ្ញុំគិតថាគឺជារឿងអស្ចារ្យណាស់ដែលពេលនេះនាងបានធ្វើការប្រគំតន្ត្រីនៅកីឡដ្ឋាន ហើយខ្ញុំចូលចិត្តមើលវីដេអូនាងជាងមើលភាពយន្តទៀតឥឡូវនេះ។ នាងស្អាតណាស់ ខ្ញុំលង់ស្រលាញ់នាងហើយ!”។
គួរបញ្ជាក់ថា ឆ្នាំនេះគឺជាឆ្នាំដ៏សំខាន់សម្រាប់ទាំង Britney Spears និង Taylor Swift ខណៈពេលដែល Britney Spears មានឱកាសប្រាប់រឿងផ្ទាល់ខ្លួនរបស់នាងតាមរយៈសៀវភៅ “The Woman in Me” ដែលអាចលក់ដាច់ជាង ១,១ លានច្បាប់ក្នុងសប្តាហ៍ដំបូងនៃការចេញផ្សាយ ហើយនៅតែបន្តលក់ដាច់រហូតដល់ចាប់ផ្តើមការបោះពុម្ពលើកទីបួន។ រីឯ Taylor Swift ក៏មមាញឹកជាមួយនឹងដំណើរប្រគំតន្ត្រីជាប្រវត្តិសាស្ត្ររបស់នាងគឺ “The Eras Tour” ដែលឥឡូវនេះបានត្រលប់មកសម្តែងនៅអាមេរិកខាងត្បូងរហូតដល់ចុងខែវិច្ឆិកា មុននឹងចាប់ផ្តើមនៅអឺរ៉ុប និងអាស៊ីក្នុងឆ្នាំ ២០២៤ ៕



























Account
Security
Favourite Content