ជំនួសដៃជើងម៉ាក់ៗបានហើយ កូនស្រីទាំងពីររបស់តារាសម្ដែង ចន ច័ន្ទលក្ខណា និងតារាចម្រៀង ម៉េង កែវពេជ្ជតា បានជួយការងារអ្នកជាទីស្រលាញ់តាមរយៈការថតប្រូម៉ូតផលិតផល ខណៈអ្នកម្ដាយរបស់ស្រីស្អាតទាំងពីរជា BA តំណាងផលិតផលមួយនោះ។


កូនស្រីតារាសម្ដែង និងបង្ហាញម៉ូដ ចន ច័ន្ទលក្ខណា និងកូនស្រីអ្នកនាង ម៉េង កែវពេជ្ជតា បានឆ្លៀតពេលទំនេរពីសិក្សា និងការងារផ្ទាល់ខ្លួនមកជួយការងារអ្នកម្តាយតាមរយៈការជួយថតប្រូម៉ូតផលិតផលដែលម្ដាយរបស់ពួកគេជា BA។ នេះជាលើកដំបូងក្នុងការប្រឡូករបស់អ្នកទាំងពីរប៉ុន្តែទាំង ជូលី និង អូន ផ្អែម អាចធ្វើបានយ៉ាងល្អ ព្រោះអ្នកទាំងពីរមិនត្រឹមមានសម្រស់ស្រស់ស្អាត ថែមទាំងមានទេពកោសល្យ និងចំណុចទាក់ទាញពិសេសរាងៗខ្លួន ពិសេសកម្ពស់។ ពិតជាគួរឱ្យសរសើរយុវតីទាំងពីរដែលចេះរំលែកការលំបាករបស់អ្នកមានគុណ។



បើនិយាយពីរូបសម្រស់អូន ជូលី ពិតជាស្រស់ស្អាត ហើយកម្ពស់វិញ គឺមិនចាញ់ម្ដាយឡើយ។ ចំណែក អូន ផ្អែម ក៏មានលក្ខណៈដូចអ្នកម៉ាក់ច្រើនជាពិសេសអាចលេងឧបករណ៍តន្ត្រីមួយចំនួនដូចជាហ្គីតា និងវីយូឡុងបានថែមទៀតផង ហើយក៏បានកម្ពស់មិនធម្មតាដែរ។


គួរឱ្យដឹងដែរថាទាំង ជូលី និង ម៉េង ពេជ្ជតាសង្វារពេជ្រ សុទ្ធតែត្រូវបានមហាជនរំពឹងថាអ្នកទាំងពីរនឹងក្លាយជារលកក្រោយដ៏មានឥទ្ធិពលដូចអ្នកម្ដាយរបស់ពួកគេទាំងពីរដែរ។ អ្វីដែលកាន់តែភ្ញាក់ផ្អើលក្រោយតារាជើងចាស់ដ៏ចំណានទាំងពីរបញ្ចប់ជម្លោះរាប់ឆ្នាំភ្លាម ការងារក៏ហក់ចូលមកឲ្យធ្វើជាគូតែម្ដង៕






















Account
Security
Favourite Content