បន្ទាប់ពីមានព័ត៌មានពីការបែកបាក់គ្នារវាង Ariana Grande និងស្វាមី Dalton Gomez ក៏ដូចជាព័ត៌មាននៃរឿងស្នេហាថ្មីរបស់តារាចម្រៀងរូបនេះបានលេចចេញជាបន្តបន្ទាប់តាំងពីខែកក្កដាកន្លងទៅ ពេលនេះក៏មានការបញ្ជាក់ផ្លូវការថាអ្នកទាំងពីរបានយល់ព្រមដាក់ពាក្យលែងលះគ្នាហើយ។

Ariana Grande ត្រូវបានគេរាយការណ៍ថាបានដាក់ពាក្យសុំលែងលះពីស្វាមីភ្នាក់ងារអចលនទ្រព្យអាយុ ២៨ ឆ្នាំរបស់នាងគឺ Dalton Gomez បន្ទាប់ពីរៀបការបាន ២ ឆ្នាំ ហើយ Dalton Gomez ក៏បានដាក់ឯកសារឆ្លើយតបភ្លាមៗ។ ដំណឹងនៃការបែកគ្នារបស់អ្នកទាំងពីរបានក្លាយជាដំណឹងដ៏ធំកក្រើកវិស័យសិល្បៈតាំងពីខែកក្កដាមកម្ល៉េះ ប៉ុន្តែពួកគេទើបតែដាក់ឯកសារលែងលះនៅខែកញ្នេះញា បន្ទាប់ពីចំណាយពេលរកដំណោះស្រាយរួមគ្នា២ខែយ៉ាងស្ងៀមស្ងាត់។
ប្រភពផ្ទៃក្នុងបានប្រាប់ទស្សនាវដ្ដី People ថា Ariana Grande និង Dalton Gomez សុទ្ធតែមានចិត្តល្អ និងអត់ធ្មត់ចំពោះគ្នាទៅវិញទៅមកក្នុងកំលុងពេលរៀបការជាមួយគ្នា។ ជាងនេះទៅទៀត អ្នកទាំងពីរបាន move on រៀងខ្លួនហើយ និងនៅតែយកចិត្តទុកដាក់ និងគោរពគ្នាទៅវិញទៅមកគ្រប់ជំហាននៃដំណើរការលែងលះ។

ចំពោះមូលហេតុនៃការបែកគ្នានេះ ប្រភពបានបង្ហើបឱ្យដឹងថា ជីវិតរៀបការរបស់ពួកគេបានបរាជ័យ ចាប់ផ្តើមពីពេល Ariana Grande ត្រូវទៅថតរឿង Wicked នៅទីក្រុងឡុងដ៍ ហើយពួកគេត្រូវរស់នៅបែកគ្នា។ ទោះបីជា Ariana Grande បានបង្ហោះសារអបអរខួបអាពាហ៍ពិពាហ៍ពីរឆ្នាំរបស់ពួកគេកាលពីខែឧសភាក៏ដោយ ប៉ុន្តែនៅទីបំផុត ពួកគេក៏សម្រេចបញ្ចប់ចំណងអាពាហ៍ពិពាហ៍នេះវិញដោយការប្តឹងលែងលះ។
ក្រោយបែកធ្លាយដំណឹងថា Ariana Grande បានបែកពីស្វាមី ក៏មានសេចក្ដីរាយការណ៍ផងដែរថានាងកំពុងមានទំនាក់ទំនងស្នេហាជាមួយតារាសម្តែង Ethan Slater ដែលទើបតែដាក់ពាក្យសុំលែងលះពីភរិយានៅក្នុងខែកក្កដា។ ហើយបើទោះជាមានប្រភពជិតស្និទ្ធនឹងពួកគេថា អ្នកទាំងពីរចាប់ផ្តើមទាក់ទងគ្នា បន្ទាប់ពីបែកគ្នាជាមួយគូស្នេហ៍រៀងៗខ្លួន ប៉ុន្តែជាការពិតណាស់ ទាំង Ariana Grande និង Ethan Slater បានរងការវាយប្រហារយ៉ាងខ្លាំងពីប្រព័ន្ធផ្សព្វផ្សាយ និងសង្គមអនឡាញ ចាប់តាំងពីព័ត៌មានបានបែកធ្លាយរហូតមកដល់ពេលនេះ ៕


























Account
Security
Favourite Content