ទើបបង្ហើបគម្រោងផលិតចម្រៀង Original អែនជី ស្រាប់តែរំឭកបទចាស់មកត្រូវចិត្តហ្វេនស្តូក

ដូចប្រិយមិត្តបានជ្រាបហើយថា ​ម្ចាស់​បទ «កុំ​ទាន់​បែក​ចិត្ត​ពី​អូន» អ្នកនាង អែនជី បានចាកឆ្ងាយពីការងារសិល្បៈប្រមាណ១០ឆ្នាំហើយ បន្ទាប់ពីនាងរៀបការមានគ្រួសារមក។ ​បច្ចុប្បន្នអតីត​តារា​ចម្រៀង​ស្រីផលិតកម្ម M ​ជា​អ្នក​ជំនួញ​ផ្នែក​ផលិតផល​ថែរក្សា​សម្រស់មានឈ្មោះបោះសំឡេងម្នាក់ក្នុងសង្គមអនឡាញនៅកម្ពុជា។ ដ្បិតតែ អែនជី ឃ្លាតឆ្ងាយពីការងារសិល្បៈមួយរយៈធំក៏ពិតមែន តែនាងនៅតែលេចមុខក្នុងកម្មវិធី​ជួបជុំ​មិត្ត​រួម​អាជីព ព្រម​ទាំង​ការងារ​សប្បុរសធម៌នានា។ មិនតែប៉ុណ្ណោះ រយៈពេលចុងក្រោយ នាងថែមទាំងបង្ហាញខ្លួនក្នុងកិច្ចសម្ភាសន៍សិល្បៈតាមស្ថានីយទូរទស្សន៍ក្នុងស្រុកទៀតផង។

ទោះបីពេលនេះមានងារជាអ្នកជំនួញ តែអតីតតារាចម្រៀងរូបនេះ មិនភ្លេចប្រភពដើមជាអ្នកសិល្បៈឡើយ ដោយនាងនៅតែជួយជ្រោមជ្រែងលើកស្ទួយវិស័យសិល្បៈ តាមរយៈការជ្រើសយកសិល្បករ-សិល្បការនី មកធ្វើជាទូតសុឆន្ទៈផលិតផលថែរក្សាសម្រស់របស់នាង ឬឱ្យផ្សព្វផ្សាយផលិតផល ជាដើម។

ច្រើនឆ្នាំមកនេះ ហ្វេនៗរបស់ម្ចាស់បទ​ «ទេវតាមានភ្នែក» នៅតែនឹករឭកដល់សំឡេងដ៏ស្រទន់បង្កប់ដោយភាពឈឺចាប់របស់តារាស្រីរូបនេះ និងបន់ឱ្យនាងទម្លាក់បទចម្រៀងថ្មីៗវិញឱ្យបានឆាប់ៗ ព្រោះពួកគេនឹករឭកទឹកដមសំនៀងនាងខ្លាំងណាស់។ 

ក្នុងកិច្ចសម្ភាសន៍កម្មវិធីសិល្បៈមួយកាលពីពេលថ្មីៗ អែនជី ក៏បានសម្តែងក្តីនឹករឭកដល់ការងារសិល្បៈ និងហ្វេនៗដែលតែងតែគាំទ្របទចម្រៀងរបស់នាង។ ដោយក្តីនឹករឭកខ្លាំងពេកធ្វើឱ្យ អែនជី មិនដាច់ចិត្តពីការងារសិល្បៈឡើយ ដូច្នេះទើបនាងមានគម្រោងផលិតចម្រៀង Original ថ្មីៗតាមសំណូមពររបស់ហ្វេនៗដែលទទូចសុំជាយូរមកហើយ។ តារាស្រីនិយមច្រៀងបទមនោសញ្ចេតនារូបនេះ រៀបរាប់ថា ដោយសារនាងខកខានចេញចម្រៀងច្រើនឆ្នាំមកហើយ ដូចនេះទើបចង់ចេញបទចម្រៀងថ្មីម្តងឱ្យហ្វេនៗសប្បាយចិត្ត ព្រោះហ្វេនសំណូមពរច្រើនណាស់។ ម៉្យាង នាងក៏នឹករឭកដល់ការសម្តែងរបស់ខ្លួនឯងដែរ ជារួមនោះគឺសិល្បៈធ្វើឱ្យនាងសប្បាយ ទើបនាងមិនដែលគិតបោះបង់សិល្បៈទោះជារវល់ខ្លាំងយ៉ាងណាក៏នៅតែឆ្លៀត។ 

អ្នកជំនួញមានប្រភពពីអ្នកសិល្បៈនេះ មិនបានបញ្ជាក់ថា ចម្រៀងដែលគ្រោងធ្វើនោះមានប៉ុន្មានបទទេ បង្ហើបតែថា បទទាំងនោះអាចជាបទមនោសញ្ចេតនាមិនមែនបទញាក់ឡើយ ដោយនាងមានទំនោរលើបទមនោសញ្ចេតនាច្រើនជាងបទញាក់តាំងពីដើមមកម្ល៉េះ។ ដើម្បីទាញប្រជាប្រិយភាពពីអ្នកស្តាប់មកវិញ អែនជី សន្យាធ្វើ Original song ឱ្យអស់ពីសមត្ថភាពដែលមាន ព្រោះវាជាការស្រលាញ់ និងជាកាដូជូនហ្វេនៗរបស់នាងផងដែរ។

មិនទាន់ចេញចម្រៀង Original តាមការបង្ហើបផង ស្រាប់តែអ្នកនាង អែនជី បានផុសរំឭកចម្រៀងចាស់មួយបទចំណងជើងថា «បងសុំបែកស្របពេលអូនមានចិត្តស្រលាញ់» ជាបទដ៏ល្បីល្បាញជំនាន់នាងនៅជ្រកកោនទ្រនំផលិតកម្ម M កាលពីថ្ងៃទី២ ខែកក្កដា ឆ្នាំ២០២៣កន្លងទៅ។ ចម្រៀងរបស់តារាចម្រៀងរូបនេះ ត្រូវចិត្តហ្វេនៗស្តូកតែម្តង ដោយគ្រប់គ្នាបានចូលទៅ Comment ពាក្យពេចន៍ផ្សេងៗជាច្រើនក្នុងន័យវិជ្ជមាន។

គួររំឭកដែរថា កាលពីចុងខែមិថុនា អ្នកនាង អែនជី បានប្រកាស Live លក់សម្លៀកបំពាក់មួយទឹក និងសម្លៀកបំពាក់​មិន​ទាន់​ស្លៀកពាក់​មួយ​ចំនួន ដើម្បី​​ប្រមូល​ថវិកា​ជួយលោកតាស៊ីក្លូ និងអ្នកដែលកំពុងខ្វះខាត។ មហាជនអ្នកប្រើប្រាស់បណ្តាញសង្គមនាំគ្នាស្ងើចសរសើរទឹកចិត្តតារាស្រីរូបនេះជាខ្លាំង ព្រោះកន្លងនាងតែងតែធ្វើកម្មវិធីសប្បុរសធម៌តាមមធ្យោបាយផ្សេងៗច្រើន​ដង​ហើយដើម្បីជួយ​បងប្អូន​ដែល​មាន​ជីវភាព​ខ្វះខាត និង​ទី​​ទ័លក្រ ក៏ដូចជា​​មន្ទីរពេទ្យ​គន្ធបុប្ផា និង​មន្ទីរពេទ្យ​កុមារ​អង្គរ ជាដើម៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក