ពិធីការិនីធ្មេញច្រពើស ហ៊ិន ច័ន្ទនីរ័ត្ន ទើបទទួលបានកាដូជាទីគាប់ចិត្ត គឺការពពោះកូនដំបូងដែលជាបំណងដ៏ធំបំផុតរបស់អ្នកនាង និងស្វាមី។ មិនត្រឹមតែសមប្រាថ្នាបានគ្រាប់ពេជ្រចូលមកក្នុងជីវិតប៉ុណ្ណោះទេ ហ៊ិន ច័ន្ទនីរ័ត្ន ក៏បានក្លាយជាអ្នកជំនាញស្រីម្នាក់ផងដែរ ដោយឥឡូវក្លាយជាម្ចាស់ផលិតផលថែរក្សាសម្រស់ម្នាក់ផងដែរ។

តារាស្រីដ៏ផូរផង់ ហ៊ិន ច័ន្ទនីរ័ត្ន មានរូបឆោមស្អាតល្អល្អះ និងស្បែកស្រស់ថ្លាតាំងពីដើមឡើយ ហើយក៏ជាមនុស្សស្រីម្នាក់ដែលផ្ចិតផ្ចង់ គិតគូរដល់ការថែទាំរូបសម្រស់ខ្លាំង។ ព្រោះតែសម្រស់ស្អាតពីធម្មជាតិបែបនោះហើយទើប Freshie Girls រដូវកាលទី៦ ក្លាយជាតារាស្រីម្នាក់ទទួលបានការងារផ្សព្វផ្សាយពីក្រុមហ៊ុនថែរក្សាសម្រស់ ផលិតផលគ្រឿងសម្អាង និង Skincare ជាច្រើនទាំងផលិតផលក្រៅស្រុក ព្រមទាំងក្នុងស្រុក។


ក្រោយឈរឈ្មោះជាតារាស្រីដែលតំណាងឲ្យផលិតផលថែរក្សាសម្រស់មកជាច្រើនឆ្នាំហើយនោះ ដល់ពេលតារាស្រីវ័យ ៣៤ ឆ្នាំរូបនេះ ជាម្ចាស់ផលិតផលខ្លួនឯងវិញម្ដង ហើយគ្រាន់តែប្រកាសពីមុខជំនួញថ្មីភ្លាមក៏ទទួលបានការគាំទ្រពីអ្នកគាំទ្រ និងមិត្តរួមអាជីពផងដែរ បន្ទាប់ពីអ្នកនាងប្រកាសពីរូបភាព ព្រមទាំងវីដេអូមួយចំនួនជាផលិតផលផ្ទាល់ខ្លួន។
Beauty By Niroth គឺជាផលិតផលរបស់តារាសម្ដែង និងពិធីការិនី ហ៊ិន ច័ន្ទនីរ័ត្ន ដែលនាងខិតខំសម្ងំសម្រិតសម្រាំង ដើម្បីសុខភាពសម្រស់។ ចាប់តាំងពី ហ៊ិន ច័ន្ទនីរ័ត្ន បានរៀបអាពាហ៍ពិពាហ៍ជាមួយស្វាមី ដែលជាមន្ត្រីធំម្នាក់មានមុខមាត់ តារាស្រីរូបនេះទទួលបានការស្រលាញ់ពីស្វាមី និងគ្រួសារ ព្រមទាំងអ្នកគាំទ្រខ្លាំងជាមុនទៀតផង៕


រូបភាព៖ Beauty By Niroth និង Channiroth Hin























Account
Security
Favourite Content