សម្រាប់ស្ដង់ដាសម្រស់របស់តារាខេប៉ុបស្រីគឺត្រូវតែមានទម្ងន់ស្រាល ចង្កេះតូច ដៃជើងជើងតូចៗស្រឡូន និងក្បាលពោះរាបស្មើ ហើយគេមិនសូវនិយមរាងកាយដែលមានសាច់ដុំឡើយ។ ប៉ុន្តែខុសប្លែកបន្តិចជាមួយតារាខេប៉ុបស្រីទាំង ៦ ដួងដែលបានបំបែកស្ដង់ដាសម្រស់របស់តារាខេប៉ុប និងហាត់ប្រាណយកសាច់ដុំ៖
១. Jihyo សមាជិក TWICE


នៅក្នុងវគ្គមួយលើឆាណែលយូធូបរបស់តារាប្រុស Kim Jong Kook បានលាន់មាត់សរសើរ Jihyo ដែលនាងមានកម្រិតកាយសម្បទាដ៏អស្ចារ្យ។ ក្នុងនោះនាងបានបង្ហាញអំពីទម្រង់ហាត់ប្រាណដែលនេះសបង្ហាញថានាងចំណាយពេលមិនតិចនោះទេដើម្បីទទួលបានរាងកាយរឹងមាំបែបនេះ។ បើទោះជាមានសាច់ដុំមែន ក៏ស្ដង់ដាសម្រស់របស់នាងកាន់តែធ្វើឱ្យ Jihyo មានភាពទាក់ទាញទ្វេរដង។
២. Kazuha សមាជិក LE SSERAFIM



ជាអតីតអ្នករាំរបាំបាឡេម្នាក់ វាពិតជាសមហេតុផលមែនទែនដែល Kazuha អាចរក្សារាងកាយរបស់នាងឱ្យនៅតែស្អាត និងរឹងមាំ។ បើសង្កេតមើលឱ្យមែនទែនទៅ នាងមានសាច់ដុំតាំងពីក្បាលដល់ចុងជើង។ ជាពិសេសបើក្រឡេកទៅមើលវីដេអូ fancam បទ ANTIFRAGILE ពិតជាមានភាពទាក់ទាញស្ទើរមិនគួរឱ្យជឿក្រោយនាងបានបង្ហាញសាច់ដុំដ៏ស្រស់ស្អាតត្រង់ក្បាលពោះ។
៣. Hwasa សមាជិក MAMAMOO


សម្រាប់ Hwasa សមាជិក MAMAMOO មិនត្រឹមតែបំបែកស្ដង់ដាស្បែក ស របស់តារាខេប៉ុបស្រីប៉ុណ្ណោះទេ នាងថែមទាំងបានបំបែកស្ដង់ដារាងកាយទៀតផង។ ជាក់ស្ដែងតាមរយៈបទចម្រៀង I Love My Body នាងបានបង្ហាញភាពជឿជាក់ និងភាពស្រស់ស្អាតរបស់នាងជាខ្លួនឯងផងដែរ។ នៅក្នុងនោះផងដែរ នាងក៏បានបង្ហាញពីសាច់ដុំជើងដ៏រឹងមាំរបស់នាងដែរ។
៤. Chaeryeong សមាជិក ITZY



Chaeryeong សមាជិក ITZY ត្រូវបានរាប់បញ្ចូលជាតារាស្រីម្នាក់ដែលមានជើងស្រឡូនខ្លាំងក្នុងវិស័យខេប៉ុប។ ជាក់ស្ដែងសម្រាប់ការវិលត្រលប់មកវិញជាមួយអាល់ប៊ុមថ្មី BORN TO BE បង្ហាញថានាងមានដើមដៃ និងក្បាលពោះដែលស៊ីគ្នាមែនទែន។ ជាមួយរាងកាយដ៏រឹងមាំ និងមានសុខភាពបែបនេះហើយបានធ្វើឱ្យនាងមានភាពបត់បែនល្អខ្លាំង។
៥. Yeri សមាជិក Red Velvet


Yeri ក៏ជាតារាស្រីម្នាក់មានជើងស្រឡូនស្អាតដូចគ្នានឹង Chaeryeong ដែរ។ មិនត្រឹមប៉ុណ្ណេះ សម្រាប់ការវិលត្រលប់មកវិញជាមួយបទ Feel My Rhythm នាងបានបង្ហាញពីទម្រង់សាច់ដុំដៃដ៏មានភាពលេចធ្លោដែលនេះបង្ហាញអំពីលទ្ធផលនៃការខិតខំប្រឹងប្រែងធ្វើលំហាត់ប្រាណ Pilates។ ដូច្នេះសម្រាប់អ្នកដែលធ្លាប់ធ្វើលំហាត់ប្រាណបែបនេះនឹងដឹងថាមានភាពលំបាកខ្លាំងប៉ុណ្ណាទម្រាំអាចមានរូបរាងដ៏ស្រស់ស្អាត និងសុខភាពដូច Yeri៕






















Account
Security
Favourite Content