ឈានចូលដល់ខែកុម្ភៈ ជាខែដែលមនុស្សគ្រប់គ្នារមែងបង្ហាញនូវក្តីស្រលាញ់កាន់តែច្រើនទៅកាន់មនុស្សជុំវិញខ្លួន ក្រុមគ្រួសារ មិត្តភ័ក្ត និងគូស្នេហ៍ជាដើម។ គួរឱ្យចាប់អារម្មណ៍ខ្លាំងណាស់ ដើមឆ្នាំ ២០២៤ នេះមានគូស្នេហ៍ ៣ គូ បានលុតជង្គង់សុំគូស្នេហ៍រៀបការយ៉ាងរ៉ូមែនទិកបំផុតនៅទីកន្លែងផ្សេងៗ បញ្ជាក់ពីទំហំក្តីស្រលាញ់ដ៏សែនធំធេងដែលមានចំពោះគ្នាទៅវិញទៅមក។
១. តារាចម្រៀងឯករាជ្យ ប្រពៃ៖ ម្ចាស់បទ «កំសាក» បានលុតជង្គង់សុំមិត្តស្រីរៀបការពេលចេញពីមើលខនសឺតនៅខេត្ត Phetchabun ប្រទេសថៃ បង្កការភ្ញាក់ផ្អើលយ៉ាងខ្លាំងដល់អ្នកជុំវិញខ្លួន។ មិត្តស្រីជនជាតិបរទេសរបស់ ប្រពៃ បានឆ្លើយតបថា «YES» ដោយមិនស្ទាក់ស្ទើរ។



២. Influencer ឡាយ ប៊ុនឡេង៖ កំលោះធ្មេញច្រពើសរូបនេះ បានលុតជង្គង់សុំគូស្នេហ៍ កញ្ញា សាន់ ពុធដេបូរ៉ា ហៅ Deborah រៀបការយ៉ាងផ្អែមល្អែមបំផុតនៅជ្រលងភ្នំ សាងជាអនុស្សាវរីយ៍ដ៏ល្អមិនអាចបំភ្លេចបាន។ ពេលវេលាដ៏សែនរំភើប ធ្វើឱ្យ Deborah ឆ្លើយថា «យល់ព្រម» ទៅកាន់គូស្នេហ៍ដោយគ្មានភាពស្ទាក់ស្ទើរនោះឡើយ។




៣. បវរកញ្ញាចក្កវាឡកម្ពុជាឆ្នាំ ២០២០ រ៉េត សារីតា៖ បវរកញ្ញារៀងតូចច្រឡឹងនេះ ត្រូវបានគូស្នេហជនជាតិអាមេរិកលុតជង្គង់សុំរៀបការយ៉ាងរ៉ូមែនទិកនៅលើភ្នំប្រទេសនូវែលហ្សេឡង់ អំឡុងពេលធ្វើដំណើរកម្សាន្តនៅទីនោះ។ អារម្មណ៍រំភើប លាយឡំភាពត្រេកអរជំរុញឱ្យ សារីតា ឆ្លើយតបថា «YES» ទៅកាន់គូស្នេហ៍ ថែមទាំងបង្ហោះឡើងថា «to building a future together»៕


























Account
Security
Favourite Content