ទម្រាំមានថ្ងៃនេះស្ទើរសុសសាច់! មកដឹងពីសមិទ្ធផលធំៗទាំង ១០ របស់ BTS ដែលធ្វើឱ្យពិភពលោកមិនសរសើរមិនបាន

ចាប់ពីថ្ងៃដំបូងនៃការឈានចូលវិស័យខេប៉ុប BTS គ្រាន់តែជាក្មេងប្រុស ៧ នាក់ដែល​មកពីក្រុមហ៊ុនតូចបំផុតមួយស្ទើរតែក្ស័យធុនក្នុងប្រទេសកូរ៉េខាងត្បូងដែលត្រូវបានគេមើលងាយ មិនឱ្យតម្លៃ ថែមទាំងត្រូវខាំមាត់ស៊ូទ្រាំទទួលយករាល់ពាក្យសម្ដីជេរស្ដីប្រមាថ និងគំរាមកំហែងពីមនុស្សជាច្រើនជុំវិញខ្លួន។

ទម្រាំតែអាចដើរមកដល់ចំណុចកំពូលដូចសព្វថ្ងៃនេះ ពួកគេបានឆ្លងកាត់នូវព្យុះភ្លៀងមិនតិចនោះទេរហូតអាចវិវត្តខ្លួនទៅជានិមិត្តរូបរបស់កូរ៉េខាងត្បូង ក៏ដូចជាអ្នកត្រួសត្រាយផ្លូវដ៏ជោគជ័យមួយចំណែកធំសម្រាប់វិស័យខេប៉ុបជាមួយនឹងតន្រ្ដី ឧត្តមគតិ ការតស៊ូ និងបំណងប្រាថ្នារបស់ពួកគេ។ ជាមួយគ្នានេះបើទោះជាពួកគេជោគជ័យឡើងដល់កម្រិតពិភពលោកក៏ដោយ ក៏អ្នកទាំង ៧ មិនបានភ្លេចអំពីកាតព្វកិច្ចខ្លួនចំពោះជាតិមាតុភូមិនោះទេ។ រាប់មកដល់ពេលនេះមិនប៉ុន្មាននោះទេក៏ដល់ពេលដែល BTS ត្រលប់មកជួបជុំគ្នាវិញហើយ។ ដូច្នេះមុនពេលកសាងសមិទ្ធផលថ្មីៗបន្ថែម មកដឹងពីសមិទ្ធផលធំៗទាំង ១០ ដែលពួកគេបានសាងឡើងកាលពីកន្លងមកដូចខាងក្រោម៖

១. “Artist of the Year” ចំណុចចាប់ផ្ដើមនៃភាពជោគជ័យ

“Artist of the Year” ជាពានរង្វាន់ធំដំបូងបង្អស់របស់ BTS នៅក្នុងកម្មវិធី Mnet Asian Music Awards (MAMA) ដែលជាសក្ខីភាពបញ្ជាក់ពីការតស៊ូប្រឹងប្រែងមិនឈប់ឈររបស់ពួកគេ។ នៅក្នុងយុគសម័យមួយដែលឧស្សាហកម្មខេប៉ុបកំពុងគ្រប់គ្រងដោយក្រុមហ៊ុនកម្សាន្ដយក្សទាំង ៣ BTS ជាក្រុមចម្រៀងបុរសមួយនៃក្រុមហ៊ុនស្ទើរក្ស័យធុន Bighit បានបង្កើតប្រវត្តិសាស្រ្តថ្មីជាមួយកម្លាំងរួមទាំងការបំផុតគំនិតរបស់ពួកគេផ្ទាល់។  ជាមួយគ្នានេះ “Artist of the Year” មិនត្រឹមតែពានរង្វាន់ Daesang សម្រាប់អ្នកទាំង ៧ ប៉ុណ្ណោះទេ តែក៏ជាការទទួលស្គាល់នូវសមត្ថភាពពិតប្រាកដពីឧស្សាហកម្មកម្សាន្ដក្នុងស្រុកដែលធ្លាប់តែបែរខ្នងដាក់ផងដែរ។

២. ក្រុមខេប៉ុបដំបូងបង្អស់ទទួលពានរង្វាន់លើឆាកតន្រ្ដីអន្តរជាតិ Billboard Music Awards 2017

 ពានរង្វាន់ “Top Social Artist” នៅ Billboard Music Awards មិនត្រឹមតែជាសមិទ្ធផលផ្ទាល់ខ្លួនរបស់ BTS​ ប៉ុណ្ណោះនោះទេ ប៉ុន្តែក៏ជាការបើកទ្វារឱ្យវិស័យខេប៉ុបចូលទៅក្នុងឧស្សាហកម្មតន្ដ្រីរបស់អាមេរិកផងដែរ។ ជាលើកដំបូងបង្អស់ហើយដែលឈ្មោះរបស់ BTS ជាសិល្បករអាស៊ីបានលេចឡើងក្នុងចំណោមសិល្បករកំពូលៗដូចជា Justin Bieber និង Ariana Grande ជាដើមដោយសារឥទ្ធិពលនៃការគាំទ្រជាសកល។

៣. “Love Yourself: Tear” ការបំបែកព្រំដែនភាសា

តាមរយៈការឈានជើងចូលក្នុងកំពូលតារាង Billboard 200 ជាមួយនឹងអាល់ប៊ុមទាំងមូលជាភាសាកូរ៉េ BTS បានបង្ហាញភាពជោគជ័យទៅកាន់ពិភពលោកថាតន្រ្ដីគឺមិនមានព្រដែននោះទេ។  “Love Yourself: Tear” មិនគ្រាន់តែជាអាល់ប៊ុម ប៉ុន្តែគឺជាចលនាសកលនៃក្ដីស្រឡាញ់សម្រាប់ខ្លួនឯងដែលបានរួមចំណែកផ្លាស់ប្ដូរទស្សនៈរបស់ពិភពលោកចំពោះនិរន្ដភាពនៃខេប៉ុប មិនមែនជាការពេញនិយមមួយឆាវនោះទេ។

៤. សុន្ទរកថា​នៅ​អង្គការ​សហប្រជាជាតិ និង​យុទ្ធនាការ “Love Myself”

ពេលដែល BTS បង្ហាញវត្តមាននៅអង្គការសហប្រជាជាតិគឺជាពេលវេលាដ៏សំខាន់មួយក្នុងប្រវត្តិសាស្រ្តដោយបង្ហាញពីឥទ្ធិពលរបស់ក្រុមទាំងមូលមិនត្រឹមតែនៅក្នុងវិស័យតន្រ្ដីប៉ុណ្ណោះនោះទេ ប៉ុន្តែក៏រួមមានទាំងក្នុងនយោបាយ វប្បធម៌ និងសង្គមផងដែរ។ ជាក់ស្ដែង RM បានតំណាងឱ្យក្រុមទាំងមូលដើម្បីថ្លែងសុន្ទរកថាផ្សព្វផ្សាយពីយុទ្ធនាការ “Love Myself” ដោយសហការជាមួយអង្គការយូនីសេហ្វជាឱកាសដែល BTS បានដើរហួសពីតួនាទីជាសិល្បករ ហើយក្លាយខ្លួនទៅជាសំឡេងរបស់យុវវ័យទូទាំងពិភពលោកដើម្បីលើកទឹកចិត្តឱ្យការទុកចិត្តលើខ្លួនឯង ការទទួលយកខ្លួនឯង និងការតស៊ូដើម្បីឱ្យពិភពលោកកាន់តែល្អប្រសើរ។

៥. បទ “Dynamite” ក្លាយជាឱសថបន្សាបភាពភ័យខ្លាចរបស់មនុស្ស

កំលុងដែលពិភពលោកកំពុងស្ថិតនៅចំកណ្ដាលភាពភ័យខ្លាចនៃជំងឺរាតត្បាត Covid-19 បទចម្រៀង “Dynamite” បានបង្ហាញខ្លួនឡើងមកដោយក្លាយទៅជាឱសថមួយប្រភេទផ្លូវចិត្តរបស់មនុស្សជាច្រើនឱ្យមានភាពធូរស្រាលជាងមុនជាមួយនឹងចង្វាក់ភ្លេង និងសារសុទិដិ្ឋនិយមដែលមានបង្កប់នៅក្នុងបទចម្រៀង។ ជាបទចម្រៀងដែលច្រៀងជាភាសាអង់គ្លេសសុទ្ធ Dynamite បានជួយ BTS ឡើងឈរដល់កំពូលនៃ Billboard HOT 100 ដែលសូម្បីតែសិល្បករអឺរ៉ុប និងអាមេរិកមួយចំនួនក៏ពិបាកនឹងសម្រេចបានផងដែរ។

៦. ការតែងតាំង GRAMMY ជាជំហានប្រវត្តិសាស្ត្រនៅក្នុងឧស្សាហកម្មតន្ត្រីអន្តរជាតិ

ការតែងតាំងរបស់ BTS នៅ GRAMMYs មិនត្រឹមតែជាមោទនភាពផ្ទាល់ខ្លួនប៉ុណ្ណោះទេ ប៉ុន្តែក៏ជាសញ្ញានៃការផ្លាស់ប្តូរផ្នត់គំនិតដែលមាននៅក្នុងឧស្សាហកម្មតន្ត្រីលោកខាងលិចផងដែរ។ លើសពីនេះវត្តមាន BTS នៅ GRAMMY ក៏បានធ្វើឱ្យវិស័យខេប៉ុបអាចដើរទន្ទឹមគ្នាស្មើមុខស្មើមាត់ជាមួយនឹងតន្រ្តីប្រភេទផ្សេងទៀតលើឆាកអន្តរជាតិ និងបានក្លាយជាអ្នក “ត្រួសត្រាយផ្លូវ” សម្រាប់សិល្បករអាស៊ីជាច្រើនទៀតនាពេលអនាគតទៀតផង។

៧. “Butter” ភស្ដុតាងនៃសន្ទុះការគាំទ្រមិនចេះធ្លាក់ចុះ

ចេញផ្សាយនៅរដូវក្តៅឆ្នាំ ២០២១ បទចម្រៀង “Butter” បានឈ្នះរាល់តារាងរាប់ចាប់ពី Billboard ដល់ YouTube ។ ជាមួយនឹងបទភ្លេងដ៏ទាក់ទាញ និងយុទ្ធសាស្ត្រទីផ្សារដ៏ឆ្លាតវៃ BTS បានបង្ហាញថាពួកគេមិនមែនជាក្រុមដែលល្បីមួយរយៈពេល ឬ “one-time phenomenon” នោះទេ ប៉ុន្តែជាក្រុមតន្រ្ដីដែលមានស្ថេរភាព សមត្ថភាព និងឥទ្ធិពលគ្រប់គ្រាន់អាចបង្កើត Hit ជាប់ៗគ្នា និងរក្សាបាននូវតំណែងកំពូល។

៨. ការតែងតាំងជាបេសកជនពិសេសរបស់ប្រធានាធិបតី

នៅខែកញ្ញា ឆ្នាំ២០២១ BTS មិនមែនគ្រាន់ជាក្រុមចម្រៀងជាតិទេ តែពួកគេបានក្លាយទៅជាអ្នកតំណាងឱ្យជាតិនៅពេលអតីតប្រធានាធិបតី Moon Jae In តែងតាំងអ្នកទាំង ៧ នាក់ជាបេសកជនពិសេសសម្រាប់វប្បធម៌ ដែលបានអ្នកមានឥទ្ធិពលនៃទំនាក់ទំនងការទូតក្នុងការបញ្ជូនសារវិជ្ជមានទៅកាន់យុវជន និងពិភពលោកតាមរយៈរូបភាព គំនិត និងសកម្មភាពរបស់ពួកគេ។

៩. ការចាប់ផ្ដើមភាពចាស់ទុំជាមួយជំពូកទី ២ “Proof”

ការប្រកាសចាប់ផ្ដើមជំពូកទី ២ ដោយផ្ដោតទៅលើការអភិវឌ្ឍន៍បុគ្គល ខណៈការរក្សាខ្លួនជាក្រុម BTS ដដែលគឺជាការបង្ហាញពីភាពចាស់ទុំកម្រមាននៅក្នុងខេប៉ុប។ ជំនួសឱ្យការ “រំសាយក្រុម” ដូចក្រុមដទៃ ពួកគេងាកមកព្យាយាមចែករំលែកសកម្មភាពជាមួយអ្នកគាំទ្រប្រកបដោយតម្លាភាព និងបន្ដបង្កើតភាពគំរូសម្រាប់មនុស្សជំនាន់ក្រោយដោយមិនភ្លេចពាំនាំស្មារតីក៏ដូចជាអត្ដសញ្ញាណរបស់ BTS តាមខ្លួនឡើយ។  

១០. សុន្ទរកថានៅ White House

នៅខែមិថុនា ឆ្នាំ២០២២ BTS បានបង្ហាញខ្លួននៅ White House តាមការអញ្ជើញរបស់អតីតប្រធានាធិបតីអាមេរិក Joe Biden ដើម្បីពិភាក្សាអំពីការប្រឆាំងនឹងការស្អប់នៅអាស៊ី ឬ anti-Asian hate។ នៅទីនោះពួកគេមិនមានការច្រៀងរាំឡើយ តែជាការថ្លែងសុន្ទរកថាដោយពាក្យពេចន៍នីមួយៗគឺជាការប្រកាសអំពីសមភាព ភាពចម្រុះ និងឥទ្ធិពលនៃវប្បធម៌អាស៊ី។ នៅពេលនោះផងដែរ BTS មិនត្រឹមតែជាសិល្បករប៉ុណ្ណោះនោះទេ ថែមទាំងជាអ្នកតំណាងនៃមនុស្សជំនាន់ថ្មីរួមមានទាំងសុជីវធម៌ ឧត្តមគតិ និងការទទួលខុសត្រូវ។

ចាប់តាំងពីឆាកតូចៗនៅកូរ៉េខាងត្បូងរហូតដល់ឆាកអន្តរជាតិនៅ White House BTS បានសម្រេចនូវអ្វីដែលមានមនុស្សតិចបំផុតហ៊ានស្រមៃ នោះគឺការផ្លាស់ប្ដូររបៀបដែលពិភពលោកមើលទៅកាន់ខេប៉ុប និងវប្បធម៌អាស៊ីទាំងមូល។ អ្វីដែលកាន់តែប្រាកដជាងនេះទៀតនោះគឺរឿងរ៉ាវជាច្រើននៅតែត្រូវបានបន្ដសរសេរដោយបេះដូង ញើសឈាម និងក្ដីសុបិនរបស់ក្មេងប្រុសទាំង ៧ នាក់៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង



Leave a Reply

Your email address will not be published.Required fields are marked *