ព្រះនាង នរោត្តម ជេនណា បង្ហាញមុខលើសារព័ត៌មានបារាំងដែលនិយាយពីសែរាជវង្ស

ព្រះ​ភក្ត្រ​ព្រះនាង នរោត្តម ជេនណា បាន​លេចឡើងនៅលើសារព័ត៌មាន​ Histoires Royales ដែល​ជា​ប្រព័ន្ធ​ផ្សព្វផ្សាយ​នៅបារាំង​​សរសេរ​ពី​សែ​រាជវង្ស​លើ​ពិភពលោក កាលពី​ពេល​ថ្មី​ៗ​នេះ។ សារព័ត៌មាន​បារាំង​នេះ បាន​ដាក់​ចំណងជើង​លើ​អត្ថបទ​ខ្លួន​ថា “តើ​ព្រះនាង ជេនណា ជា​នរណា? តារា​វ័យ​១៣ ព្រះវស្សា ជា​ពូជពង្ស​ព្រះមហាក្សត្រ​ខ្មែរ និង​មាន​ដើម​កំណើត​បារាំង”។

សម្រាប់​ខ្លឹមសារ​​​របស់ Histoires Royales បាន​និយាយ​ពី​ព្រះនាង នរោត្តម ជេនណា ថា ទើប​តែ​មាន​ព្រះជន្ម ​១៣ វស្សា​ប៉ុណ្ណោះ ប៉ុន្តែ​ទ្រង់ នរោត្ដម ជេនណា ជា​តារា​សម្ដែង តារា​ចម្រៀង និង​ជា​ទូត​​ម៉ាក​យីហោ​ច្រើន​រួច​ទៅ​ហើយ។ ជេនណា ក៏​ជា​ព្រះនាង​នៃ​ប្រទេស​កម្ពុជា ដែល​ជា​ញាតិវង្ស​របស់​ព្រះករុណា ​ព្រះបាទ​សម្ដេច នរោត្តម សីហនុ ព្រះ​មហា​វីរក្សត្រ ព្រះ​វររាជ​បិតា​ឯករាជ្យ បូរណភាពទឹកដី និង​ឯកភាព​ជាតិ​ខ្មែរ «ព្រះ​បរមរតនកោដ្ឋ» និង​ជា​ចៅ​របស់​ព្រះករុណា ព្រះបាទ​សម្ដេច​ព្រះ​បរមនាថ នរោត្តម សីហមុនី នា​ពេល​បច្ចុប្បន្ន ហើយ​ព្រះនាង​ក៏​មាន​ដើម​កំណើត​បារាំង​តាមរយៈ​ឪពុក​របស់​ទ្រង់​ផង​ដែរ។

ក្នុង​អត្ថបទ​ប្រព័ន្ធ​ផ្សព្វផ្សាយ​បារាំង​មួយ​នេះក៏បាន​​បន្ត​បរិយាយ​ពី ព្រះនាង នរោត្តម ជេនណា ថែម​ទៀត​ថា ព្រះនាង​ខ្មែរ​ដើម​កំណើត​បារាំង​រូប​នេះ បាន​ប្រសូត​​នៅ​ទី​ក្រុង​ប៉ារីស ថ្ងៃទី ១១ ខែ​មីនា ឆ្នាំ ២០១២។ ទ្រង់​គឺជា​បុត្រី​របស់​ម្ចាស់​ក្សត្រិយ៍​ខ្មែរ និង​អ្នក​ជំនួញ​ជនជាតិ​បារាំង, ព្រះនាង ជេនណា ប្រសូត​ក្រោម​ផ្កាយ​សំណាង។ នៅ​ព្រះជន្ម ៣ វស្សា​គ្រួសារ​របស់​ព្រះនាង នរោត្តម ជេនណា បាន​ត្រឡប់​មក​រស់​នៅ​ប្រទេស​កម្ពុជា​វិញ។ ព្រះនាង ជេនណា មាន​ទេពកោសល្យ​សិល្បៈ ហើយ​ទទួល​បាន​ការ​អប់រំ​សកល ធ្វើឲ្យ​ទ្រង់អាច​និយាយ​ភាសា​ខ្មែរ បារាំង អង់គ្លេស ថៃ និង​ចិន។

ព្រះនាង ជេនណា ជា​បុត្រី​របស់​ព្រះអង្គ​ម្ចាស់​ក្សត្រិយ៍ នរោត្តម បុប្ផារី ដែល​ជា​បុត្រី​របស់​សម្ដេច​ក្រុមព្រះ នរោត្តម ចក្រពង្ស ជា​​អតីត​​ឧបនាយករដ្ឋមន្ត្រី​ក្នុង​រជ្ជកាល​ព្រះ​បិតា​របស់​ព្រះអង្គ គឺ​ព្រះបាទ នរោត្តម សីហនុ។ ព្រះអង្គម្ចាស់ ចក្រពង្ស គឺជា​ព្រះរាជបុត្រ​មួយ​អង្គ ក្នុង​ចំណោម​ព្រះ​បុត្រា​បុត្រីទាំង ១៤ អង្គ​របស់​ព្រះបាទ នរោត្តម សីហនុ នោះមានន័យថា​​ទ្រង់​ជា​ព្រះរៀម​របស់​​ព្រះករុណា ព្រះបាទ​សម្ដេច​ព្រះ​បរមនាថ នរោត្តម សីហមុនី។

គួរបញ្ជាក់​ផងដែរ​ថា Histoires Royales ក៏​ធ្លាប់​បាន​ចុះផ្សាយ​ពី​ព័ត៌មាននៃ​ពិធី​រៀប​អភិសេក​ព្រះនាង​​របស់បុត្រី​សម្តេចរាជបុត្រីព្រះអនុជ នរោត្តម អរុណរស្មី គឺ​អ្នក​អង្គម្ចាស់​ក្សត្រី​ នរោត្តម​ រស្មីពនិតា ​​តាម​ទំនៀម​ទម្លាប់​ខ្មែរ និង​ឡាវ កាលពីឆ្នាំ ២០២៤៕

រូបភាព៖ FB Jenna Norodom



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក



Leave a Reply

Your email address will not be published.Required fields are marked *