ស្ថានការណ៍កាន់តែយ៉ាប់យ៉ឺន! ការងារ Hollywood ស្ទើរទាំងអស់ត្រូវផ្អាកដំណើរការបណ្ដោះអាសន្ន ក្រោយភ្លើងឆេះធំនៅ LA

អ្នករៀបចំកម្មវិធីប្រគល់ពានរង្វាន់ ថតកុន និងផលិតកម្មវិធីទូរទស្សន៍ដែលធ្វើឡើងនៅឯទីក្រុង Los Angeles ក្នុងសប្ដាហ៍នេះ ត្រូវសម្រេចចិត្តផ្អាកការងាររបស់ខ្លួនភ្លាមៗ ដោយសារតែមានភ្លើងឆេះខ្លាំងនៅតំបន់នានាក្នុងទីក្រុងប្រជុំដោយតារាល្បីៗមួយនេះ។

ចាប់តាំងតែពីថ្ងៃទី៧ ខែមករាកន្លងទៅ ទីក្រុងស៊ីវិល័យ Los Angeles ដែលស្ថិតនៅក្នុងរដ្ឋ​កាលីហ្វ័រញ៉ា សហរដ្ឋអាមេរិកបាន និងកំពុងតែជួបនឹងនូវអណ្ដាតភ្លើងឆាបឆេះនៅក្នុងតំបន់ធំៗចំនូន ៦ផ្សេងគ្នា រួមមាន Palisades, Eaton, Hurst, Lidia, Kenneth និង Sunset។

យោងតាមការរាយការណ៍របស់ BBC នៅព្រឹកថ្ងៃទី១០នេះ គ្រោះមហន្តរាយលើនេះបានឆាបឆេះសំណង់អាគារហូតដល់ទៅ ៥៣០០ ខ្នង​ រួមមានផ្ទះ សាលា និងទីតាំងប្រកបអាជីពកម្មផ្សេងៗ បន្សល់ទុកឱ្យប្រជាជនជាង ១៧៦ ០០០ នាក់ត្រូវជម្លៀសខ្លួនចេញពីទីជម្រក និង ២សែននាក់ដោយឡែកទៀត កំពុងស្ថិតនៅក្រោមការព្រមានឱ្យជម្លៀសខ្លួននៅពេលឆាប់ៗខាងមុខនេះ។ ជនរងគ្រោះចំនួនយ៉ាងហោចណាស់ ៥នាក់បានបាត់ជីវិតនៅក្នុងហេតុការណ៍នេះ ដោយអណ្ដាតភ្លើងនៅមិនទាន់រលត់អស់នៅឡើយ។

ចំពេល​ភ្លើង​ឆេះ​ព្រៃ​ដែល​កំពុងតែ​បន្ត​នៅ​ភាគខាងត្បូងនៃរដ្ឋ​កាលីហ្វ័រញ៉ា កម្មវិធីប្រគល់ពានរង្វាន់សម្រាប់វិស័យសិល្បៈ និងកម្មវិធីកម្រាលព្រំក្រហមដែលគ្រោងនឹងរៀបចំធ្វើឡើងនៅក្នុងសប្ដាហ៍នេះបានសម្រេចផ្លាស់ប្ដូរកាលបរិច្ឆេទភ្លាមៗ។ ជាក់ស្ដែង កម្មវិធី The Critics Choice Awards ដែលបានរៀបចំថានឹងធ្វើនៅថ្ងៃអាទិត្យប៉ុន្មានថ្ងៃខាងមុខនេះ បានសម្រេចផ្លាស់ប្ដូរទៅថ្ងៃទី២៦ ខែមករាវិញ។

យោងតាម CNN ដំបូងឡើយ The Critics Choice Awards គ្រោងនឹងធ្វើឡើងឯ Santa Monica មិនឆ្ងាយប៉ុន្មានពី Pacific Palisades ដែលជាទីតាំងមានភ្លើងឆាបឆេះលើផ្ទៃដីជាង ៥០០០ហិចតា និងកំទេចសំណង់អាគារមិនក្រោម ១០០០អាគារនោះទេ។

ថ្លែងពីគ្រោះមហន្តរាយខាងលើ លោក Joey Berlin នាយកប្រតិបត្តិនៃកម្មវិធីប្រគល់ពានរង្វាន់ទូរទស្សន៍ដ៏ធំមួយនេះបានរៀបរាប់ថា៖ “សោកនាដកម្មនេះបានប៉ះពាល់មែនទែនមកដល់សហគមន៍របស់យើង។ យើងសុំផ្ញើក្ដីបំណង និងពាក្យអធិដ្ឋានទាំងអស់ទៅកាន់អ្នកដែលកំពុងតែប្រយុទ្ធក្នុងការពន្លត់ភ្លើងដ៏សាហាវមួយនេះ និងជនរងគ្រោះទាំងអស់”។

បន្ថែមពីនេះ កម្មវិធីតែងតាំងបេក្ខភាពសម្រាប់ Screen Actors Guild Awards ប្រចាំឆ្នាំលើកទី ៣១, BAFTA Tea Party កម្មវិធីទទួលអាហារថ្ងៃត្រង់ប្រចាំឆ្នាំរបស់ AFI Awards និងកម្មវិធីរបស់ Academy of Motion Picture Arts and Sciences ក៏ទទួលរងផលប៉ះពាល់ពីហេតុកាណ៍តែមួយនេះ និងធ្វើការផ្លាស់ប្ដូរដូចគ្នាដែរ។

ដោយឡែក សម្រាប់ការថតភាពយន្ត និងកម្មវិធីទូរទស្សន៍ជាង១២ទៀត ក៏មានវាសនាមិនខុសគ្នានោះទេ ដោយក្រុមការងារត្រូវបង្ខំចិត្តផ្អាកកិច្ចការភ្លាមៗ ព្រោះតែបញ្ហាខ្យល់បោកបក់ខ្លាំង ផ្សែង ក៏ដូចជាការប្រឈមមុខនឹងគ្រោះថ្នាក់ពីភ្លើងដែលកំពុងឆាបឆេះជាដើម៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

តារាចម្រៀង-សម្ដែង អ្នកផលិតមាតិកាល្បីៗ ទទួលលិខិតសរសើរពីយូនីសេហ្វ លើការងារសង្គម

សិល្បករ​ សិល្បៈ​ការិនី​ តារា​សម្ដែង​ តារា​ចម្រៀង​ និង​អ្នក​ផលិត​មាតិកា​ក្នុង​ស្រុក​ជា​ច្រើន​រូប​ទទួល​បាន​លិខិត​សរសើរ​ពី UNICEF Cambodia ក្រោយ​ចូលរួម​យ៉ាង​សកម្ម​នៅក្នុងទិវាកុមារពិភពលោកក្នុង​ខេត្ត​មណ្ឌលគិរី​​។

ពីក្មេងប្រុសម្ចាស់ពាន The Voice Kid សំឡេងផ្អែម ឥឡូវ ទេព ពិសេដ្ឋ ល្បីឈ្មោះខ្លាំងតាមរយៈបទរ៉េប

ក្មេងប្រុស ទេព ពិសិដ្ឋា ក្លាយ​ជា​ម្ចាស់​ពាន The Voice Kids Cambodia រដូវកាលទី២ នៅឆ្នាំ ២០១៨ ដែល​គ្រា​នោះ ទើប​មាន​វ័យ​ត្រឹម ១៤ ឆ្នាំ​ប៉ុណ្ណោះ។ ការ​តស៊ូ​ឡើង​មក​ប្រឡង​នៅ​រាជធានី​ភ្នំពេញ ពិតជា​មិន​ខក​បំណង​ឡើយ

សោកនាដកម្មក្នុងវិស័យខេប៉ុប៖ នៅពេលដែលភាពជោគជ័យ ដើរទន្ទឹមគ្នានឹងអត្តឃាត

ស្របពេលដែលខ្សែជីវិតនៅលើវិថីខេប៉ុបកំពុងតែមានដំណើរទៅកាន់ភាពជោគជ័យ តែសិល្បករមិនតិចរូបទេបានសម្រេចបញ្ចប់អនាគតបស់ខ្លួនត្រឹមវ័យជាង ២០ឆ្នាំ។ ហេតុអ្វីបានជាតារាខេប៉ុបទាំងនេះសម្រេចចិត្តធ្វើ

ស្វាមីសាន់ឆាយបញ្ជាក់ច្បាស់ៗថាអ្នកណាជាអ្នកទទួលកេរ្តិ៍មរតកដ៏មហាសាលរបស់ភរិយា

កាលពីថ្ងៃទី៦ ខែកុម្ភៈកន្លងទៅនេះ តារាចម្រៀងកូរ៉េ DJ Koo ស្វាមីរបស់តារាសម្ដែងតៃវ៉ាន់ Barbie Hsu ឬតួសាន់ឆាយ បានចែករំលែកសារ​លើ​បណ្តាញ​សង្គមដោយ​បង្ហាញ​ពី​ទុក្ខសោក​ចំពោះ​ការ​បាត់បង់​ភរិយា

អ្នកគាំទ្រត្រៀម! Taxi Driver រដូវកាលថ្មីគ្រោងនឹងចាក់បញ្ចាំងក្នុងឆ្នាំ ២០២៥នេះ ជាមួយសាច់រឿងស៊ីជម្រៅជាងមុន

SBS បញ្ជាក់ថា ភាពយន្តភាគរឿង Taxi Driver រដូវកាលទី ៣ នឹងចេញផ្សាយនៅចន្លោះខែកក្កដា ដល់ដំណាច់ឆ្នាំ២០២៥នេះ ដោយនៅតែរក្សាតួសម្ដែងពីរដូវកាលមុនដដែល តែសាច់រឿងគួរឱ្យចាប់អារម្មណ៍ជាងមុន។

លែងប្រើឈ្មោះចាស់ហើយ! សមាជិក NewJeans ត្រៀមចូលរួមការប្រគំតន្ត្រីធំលើកដំបូងដោយប្រើឈ្មោះថ្មីថា …

បន្ទាប់ពីមានបញ្ហាចាកចេញពីផលិតកម្មមុនកុងត្រាកំណត់ ពេលនេះសមាជិកក្រុមចម្រៀងនារី NewJeans បានសម្រេចបន្តសកម្មភាពដោយប្រើឈ្មោះថ្មី NJZ ជំនួសឈ្មោះដើមរបស់ពួកគេ

ម្ចាស់ពាន Cambodia Idol រដូវកាលទី៥ គី សាវីន ចេញបទដំបូង sad ខ្លាំង ដល់ថ្នាក់ហ្វេនលាន់មាត់បែបនេះ!

បទ​ដំបូង​របស់​ម្ចាស់​ពាន Cambodia Idol រដូវ​កាល​ទី​៥ គី សាវីន ​ធ្វើ​ឱ្យ​បណ្ដា​អ្នក​គាំទ្រ​លាន់​មាត់​សរសើរ​ ថា​ពីរោះ​ខ្លាំង​ខណៈ​បទ​ចម្រៀង​​បែប​យុវវ័យ​មនោសញ្ចេតនាមួយ​នេះ​ បាន​បង្កប់​អត្ថន័យ​ជ្រាលជ្រៅ​នៅ​ពី​ក្រោយ​ស្នេហា​​

ស្ទូឌីយោថតរូបបកស្រាយបែបនេះ ក្រោយធ្វើឱ្យបែកធ្លាយរូបថតរបស់ Taecyeon ក្រុម 2pm និងមិត្តស្រីនៅប៉ារីស

ស្ទូឌីយោថតរូប The Best Photo Paris បានចេញសុំទោស ចំពោះការចែករំលែករូបថតរបស់ Taecyeon និងមិត្តស្រី ដែលនាំឱ្យសាធារណជនមានការយល់ច្រឡំថា ជារូបថតសុំសង្សាររៀបការរបស់សមាជិកក្រុម

មើលត្រឹម Trailer ក៏ស្រៀវសាច់! ភាពយន្ត “Jurassic World” វគ្គថ្មីដែល Scarlett Johansson មកសម្ដែង

ក្រុមហ៊ុន Universal Picture ទើបតែបញ្ចេញវីដេអូ Trailer ដំបូងសម្រាប់កំពូលភាពយន្តដាយណូស័រ “Jurassic World” វគ្គថ្មីកាលពីថ្ងៃទី៥ ខែកុម្ភៈ ដោយវគ្គថ្មីនេះមានចំណងជើងថា “Jurassic World Rebirth”

ឈុតតំណាងជាតិ ៣ នេះ នឹងបង្ហាញលើឆាកអន្តរជាតិក្នុងប្រទេសម៉ាឡេស៊ី

កម្ពុជា​បាន​នាំ​យក​ឈុត​តំណាង​ជាតិ ​៣​ ដែល​ច្នៃ​ដោយ​ស្នាដៃ​កូន​ខ្មែរ​ ដើម្បី​យក​ទៅ​បង្ហាញ​លើ​ឆាក​អន្តរជាតិ​ក្នុង​កម្មវិធី​ប្រកួត ​Kids & Teens Pageant Global នៅប្រទេស​ម៉ាឡេស៊ី​ ដោយ​មាន​បវរកញ្ញា​កម្ពុជា ៣ រូប កំពុង​​ចូលរួម​

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *