១០ ផលិតផល​ និង​សេវាកម្ម​ចម្លែកៗដែល​មាន​តែ​នៅ​ក្នុង​ប្រទេស​ចិន​


នៅ​ក្នុង​ប្រទេស​ដែល​មាន​ប្រជាជន​ច្រើន​សន្ធឹកសន្ធាប់​ ប្រាកដ​ជា​មាន​ផលិតផល​និង​សេវាកម្ម​ច្រើន​មុខ​ច្រើន​ប្រភេទ។​ ថ្ងៃ​នេះ​យើង​នឹង​នាំ​មិត្ត​អ្នកអាន​ស្គាល់​ជាមួយ​ផលិតផល​ និង​សេវា​កម្ម​ចម្លែកៗ​ចំនួន​ ១០​ ដែល​មាន​នៅ​ក្នុង​ប្រទេស​ចិន​ ដែល​អ្នក​អាច​មិន​ធ្លាប់​ដឹង​ពី​មុន​មក។​

រឿង​ចម្លែក​ទី​ ១០៖ការ​លក់​ក្ដាម​ស្រស់​ដោយម៉ាស៊ីន​ស្វ័យប្រវត្តិ​
ក្នុង​ឆ្នាំ​ ២០១០​ ក្រុមហ៊ុន​ Twin​ Lakes​ Crab​ Co.​ ដែល​ជា​អ្នក​ចែក​ចាយ​ក្ដាម​ស្រស់​នៅ​ក្នុង​ប្រទេស​ចិន​ បាន​គិត​ថា​ការ​ផ្គត់ផ្គង់​ក្ដាម​ទៅ​ហាង​តែ​ម្យ៉ាង​មិន​គ្រប់គ្រាន់​ទេ​ ដូច្នេះ​ក្តាម​ស្រស់​ក៏​ត្រូវ​បាន​គេ​ដាក់​លក់​ក្នុង​ម៉ាស៊ីន​ស្វ័យប្រវត្តិ​ដែល​មាន​សីតុណ្ហភាព​ ៥​ អង្សារ​ តាម​ស្ថានីយ​រថភ្លើង​ក្រោម​ដី​ក្នុង​តំបន់​ទីក្រុង​ណានជីង។​

រឿង​ចម្លែក​ទី៩៖​ តែ​លាមក​ខ្លាឃ្មុំ​ផេនដា​
ក្នុង​មួយ​ថ្ងៃ​ ខ្លាឃ្មុំ​ផេនដា​ចំណាយ​ពេល​ស៊ី​អាហារ​ ១៤​ ទៅ​ ១៦​ ម៉ោង​ ឬ​ជា​មធ្យម​ស្មើ​នឹង​ ១៨​ គីឡូក្រាម​ ហើយ​បញ្ចេញចោល​ ៨​ ទៅ​ ១០​ គីឡូក្រាម។​ លាមក​របស់​សត្វ​នេះ​ចេញ​មក​ក្នុង​ទម្រង់​ជា​អាហារ​ដែល​វា​ស៊ី​ប្រហែល​ ៧០%​ ដូចជា​​ឫស្សី​ និង​រុក្ខជាតិ​ផ្សេង​ទៀត​ ដោយសារ​មិន​អាច​រំលាយ​អាហារ​បាន​ពេញលេញ។​ នេះ​ជា​មូលហេតុ​ដែល​គេ​ឱ្យ​ខ្លាឃ្មុំ​ផេនដា​ស៊ី​ស្លឹក​តែ​ ហើយ​គេ​ចម្រាញ់​ស្លឹក​តែ​ដែល​មាន​​គុណភាព​ចេញ​ពី​លាមក​របស់​វា​វិញ។​ បើ​តម្លៃ​វិញ​មិន​ធម្មតា​ទេ​ កាល​ពី​ឆ្នាំ​ ២០១៤​ ស្លឹក​តែ​នេះ​មាន​តម្លៃ​រហូត​ទៅ​ដល់​ជាង​ ៧​ ម៉ឺន​ដុល្លារ​ក្នុង​មួយ​គីឡូក្រាម​ ដែល​ត្រូវ​បាន​គេ​ចាត់​ទុក​ថា​ជា​តែ​ថ្លៃ​បំផុត​លើ​ពិភពលោក​នា​ពេល​នោះ។

រឿង​ចម្លែក​ទី​ ៨៖ ​ ខ្យល់​កំប៉ុង​
នៅ​ពេល​ទីក្រុង​កាន់តែ​រីកចម្រើន​ ការបំពុល​បរិយាកាស​ក៏​ច្រើនឡើង​ដែរ។​ ក្នុង​ឆ្នាំ​ ២០១៣​ ប្រទេស​ចិន​បាន​ផលិត​ខ្យល់​បង្ហាប់​ក្នុង​កំប៉ុង​សម្រាប់​លក់​តម្លៃ​ ៥​ យ័ន​ ឬ​ ០.៧$​ ក្នុង​មួយ​កំប៉ុង។​ ខ្យល់​កំប៉ុង​នេះ​មាន​ ២​ ទៅ​ ៣​ ប្រភេទ​សម្រាប់​ជ្រើស​រើស​ ស្រដៀង​នឹង​ការជ្រើសរើស​រសជាតិ​ភេសជ្ជៈ​ដែរ។​ ប៉ុន្តែ​ផលិតផល​នេះ​មិន​បាន​ដាក់​លក់​រយៈពេល​យូរ​ទេ​ វា​ជា​ផ្នែក​មួយ​នៃ​យុទ្ធនាការ​ការពារ​បរិស្ថាន​ និង​ការបំពុល​ខ្យល់​របស់​ប្រទេស​ចិន។

រឿង​ចម្លែក​ទី​ ៧៖ ​ សេវា​កម្ម​ប្រចាំការ​ពេល​ស្ទះផ្លូវ​
ប្រទេស​ចិន​មាន​ប្រជាជន​ដល់​ទៅ​ជាង​ ១៣០០​ លាន​នាក់​ គ្មាន​អ្វី​ដែល​គួរ​ឱ្យ​ភ្ញាក់ផ្អើល​ទេ​ដែល​ស្រុក​នេះ​ស្ទះផ្លូវ​រាប់ម៉ោង។​ ដើម្បី​សម្រួល​បញ្ហា​នេះ​ សេវាកម្ម​ Traffic​ Jam​ Stand-Ins​ ត្រូវ​បាន​បង្កើត​ឡើង។​ វា​ជា​សេវាកម្ម​ដែល​ម្ចាស់​ឡាន​អាច​ហៅ​ បុគ្គលិក​របស់​ Stand-Ins​ ២​ នាក់​នៅ​ពេល​ស្ទះផ្លូវ។​ ពួកគេ​ជិះ​ម៉ូតូ​មក​រក​អ្នក​ ដោយ​ម្នាក់​នៅ​ចាំ​បើក​​ឡាន​ឱ្យ​អ្នក​ ហើយ​ម្នាក់​ទៀត​ឌុប​អ្នក​ទៅ​គោលដៅ​របស់​អ្នក។​ ពេល​ឈប់​ស្ទះ​ហើយ​ គេ​នឹង​នាំ​អ្នក​មក​កន្លែង​ឡាន​វិញ។​

រឿង​ចម្លែក​ទី​ ៦៖អាណាចក្រ​របស់​មនុស្ស​តឿ​

ក្នុង​ឆ្នាំ​ ២០០៩​ នៅ​ខេត្តខេត្ត​យូណាន​ អាណាចក្រ​មនុស្ស​តឿ​មាន​ផ្ទៃដី​រហូត​ដល់​ទៅ​ ៥២​ គីឡូម៉ែត្រ​ការ៉េ​ មាន​ទម្រង់​ជា​ឧទ្យាន​កម្សាន្ត​បើក​ឱ្យ​ចូល​ទស្សនា​បាន។​ នៅ​ខាង​ក្នុង​មាន​ការ​ដាក់លក់​ និង​ការតាំង​បង្ហាញ​ទម្រង់​ផ្សេងៗ​របស់​មនុស្ស​តឿ។​ កន្លែង​នេះ​ក៏​រងការរិះគន់​ដោយសារ​មើល​ទៅ​វា​មិន​ខុស​ពី​កន្លែង​មើលសត្វ​ អាច​ចាត់​ទុក​ថា​ជា​ការប្រមាថ​មនុស្ស​ជាតិ។​ ស្ថាបនិក​បាន​ប្រកែក​ថា​គាត់​បាន​ចំណូល​ពី​ការលក់​សំបុត្រ​មែន​ តែ​គាត់​បាន​ផ្តល់​ឱ្យ​មនុស្ស​តឿ​ទាំងនេះ​នូវ​កន្លែង​រស់​នៅ​អចិន្ត្រៃយ៍​ និង​បង្កើត​ប្រាក់ចំណូល​ដល់​ពួកគេ​ផងដែរ។​ ហើយ​ពួកគេ​ក៏​ពេញចិត្ត​នឹង​ធ្វើ​វា​ដែរ។​

រឿង​ចម្លែក​ទី​ ៥៖ ​ បន្តោង​សោ​រូប​សត្វ​មាន​ជីវិត​
បន្តោង​សោ​ធ្វើពី​សត្វ​មាន​ជីវិត​ដូចជា​ អណ្តើក​ ត្រី​ និង​ជីងចក់។​ គេ​បាន​អះអាង​ថា​ បន្តោង​សោ​នេះ​មាន​អង្គ​ធាតុរាវ​ផ្ទុក​សារធាតុ​ចិញ្ចឹម​គ្រប់គ្រាន់​ដែល​អាច​ឱ្យ​សត្វ​ទាំងនេះ​រស់នៅ​បាន​ពី​ ៣​ ទៅ​ ៤​ ខែ។​ អ្នក​ខ្លះ​អាណិត​សត្វ​ អ្នក​ខ្លះ​ទិញ​ដោយសារ​វា​ស្អាត​ ហើយ​អ្នក​ខ្លះ​ទៀត​គិត​ថា​ទិញ​ដើម្បី​ដោះលែង​សត្វ​ទាំងនេះ​ដោយ​ជឿ​ថា​វា​នឹង​នាំ​មក​នូវ​សំណាងល្អ។​

រឿង​ចម្លែក​ទី​ ៤៖​ក្រុមហ៊ុន​ធានា​រ៉ាប់រង​ការបែកបាក់​ស្នេហា​
ក្នុង​ឆ្នាំ​ ២០១៦​ នៅ​លើ​គេហទំព័រ​ពាណិជ្ជ​កម្ម​អេឡិចត្រូនិក​ដ៏​ធំ​នៅ​ក្នុង​ប្រទេស​ចិន​ Taobao​ មាន​សេវាកម្ម​ធានា​រ៉ាប់រង​ការ​បែកបាក់​ស្នេហា​របស់​គូស្នេហ៍​ល្បីៗ​ដូចជា​ Taylor Swift​ ជាមួយ​ Tom Hiddleston​ ជាដើម។​ តម្លៃ​ចាប់​ពី​ ១​ យ័ន​ ឬ​ ០.១​ ដុល្លារ​ឡើង​ទៅ​ បើ​គូស្នេហ៍​តារា​ទាំង​នោះ​ពិត​ជា​បែក​គ្នា​មែន​ អ្នក​ដែល​ទិញ​ធានា​រ៉ាប់រង​នឹង​ទទួល​បាន​ប្រាក់​ត្រឡប់​មក​វិញ​ ២-៣​ ដង។​ សេវាកម្ម​នេះ​ក៏​រង​ការ​​រិះគន់​យ៉ាង​ខ្លាំង​ដែរ​ ព្រោះ​វា​ស្ទើរតែ​មិន​ខុស​ពី​ល្បែងស៊ីសង​។

រឿង​ចម្លែក​ទី​ ៣៖​ជួល​មនុស្ស​ស្បែក​ស​
ជាង​ ១០​ ឆ្នាំ​មក​ហើយ​ដែល​ពាណិជ្ជករ​ក្នុង​ប្រទេស​ចិន​ជួល​ជន​បរទេស​ស្បែក​ស​ ឲ្យ​ចូលរួម​ក្នុង​ការ សម្ពោធ​ផលិតផល​ថ្មីៗ​ ឬ​ពេល​បើក​ហាង​ថ្មី។​ ជាមួយ​នឹង​លក្ខខណ្ឌ​សាមញ្ញ​បំផុត​ ទី​មួយ​គឺ​ពួកគេ​ត្រូវតែ​ជា​ជនជាតិ​ស្បែក​ស​ ទី​ពីរ​ មិន​ត្រូវ​និយាយ​ភាសា​ចិន​ ឬ​និយាយ​អ្វី​ទេ​ និង​ ទីបី​ គឺ​ធ្វើ​ខ្លួន​ដូច​ទើប​តែ​ចុះ​ពី​លើ​យន្តហោះ។ពួកគេ​យល់​ថា​ធ្វើ​បែបនេះ​ជា​ការលើកតម្កើង​មុខមាត់​ម៉ាកយីហោ​ និង​កសាង​ទំនុកចិត្ត​របស់​ក្រុមហ៊ុន។​

រឿង​ចម្លែក​ទី​ ២៖​សេវាកម្ម​សាកចិត្ត​
នៅ​ប្រទេសចិន​មាន​សេវាកម្ម​មួយ​គឺ​ ទទួល​សាកចិត្ត​សង្សារ។​ អ្នក​ដែល​មិន​ទាន់​ច្បាស់ចិត្ត​ថា​សង្សារ​ស្មោះត្រង់​នឹង​ខ្លួន​ឬ​អត់។​ ក្រុមហ៊ុន​មាន​សេវាកម្ម​បញ្ជូន​មនុស្ស​ទៅ​សាកល្បង​ចិត្ត​សង្សារ​របស់​អតិថិជន​តាម​វិធី​ផ្សេងៗ។​ អាច​ជា​ការ​បញ្ជូន​ស្រី​ស្អាត​ទៅ​លេខ​មុខ​លេង​មាត់​ជាមួយ​មិត្ត​ប្រុស​ ឬ​បញ្ជូន​បុរស​សង្ហា​ទៅ​ចែចង់​មិត្តស្រី​អ្នក​ ដើម្បី​មើល​ពី​ប្រតិកម្ម​ ថា​គេ​ស្មោះត្រង់​ ឬ​មិន​ស្មោះ​ត្រង់។​ ថ្លៃ​សេវា​អាស្រ័យ​លើ​ភាពពិបាក​ និង​វិធីសាស្ត្រ​ដែល​ប្រើ​ក្នុង​ការធ្វើតេស្ត។​ លទ្ធផល​ដែល​ទទួល​បាន​មាន​ទាំង​ល្អ​ និង​មិនល្អ។​

រឿង​ចម្លែក​ទី​ ១៖ ​ តែ​Jiuhua​
ម្ចាស់​ចម្ការ​តែ​ Jiuhua​ ក្នុង​ខេត្ត​ Henan​ ប្រទេស​ចិន​ជួល​តែ​មនុស្ស​ស្រី​ក្រមុំ​ព្រហ្មចារី​ប៉ុណ្ណោះ​ និង​មាន​ដើមទ្រូង​ទំហំ​ C​ ឱ្យ​បេះ​ស្លឹកតែ​ដោយ​ប្រើ​បបូរមាត់។​ ហាម​មិន​ឱ្យ​ប្រើ​ដៃ​ ឬ​សរីរាង្គ​ផ្សេង​ទៀត​ប៉ះស្លឹកតែ​ដាច់ខាត។​ ពេល​ប្រើ​មាត់​បេះ​ស្លឹកតែ​ហើយ​ ដាក់​នៅ​ក្នុង​កន្ត្រក​ដែល​ជាប់​នឹង​ដើមទ្រូង។​ ម្ចាស់ចម្ការ​បាន​ប្រាប់ថា​ គាត់​បាន​គំនិត​នេះ​មក​ពី​រឿងនិទាន​ទេពធីតា​បេះតែ។​ ការធ្វើ​បែបនេះ​ ជា​ការរួមបញ្ចូល​គ្នា​រវាង​ភាពបរិសុទ្ធ​របស់​ស្លឹកតែ​ និង​ភាពបរិសុទ្ធ​របស់​នារី​ក្រមុំ​ ហើយ​ភាពបរិសុទ្ធ​នេះ​នឹង​បញ្ជូន​ទៅ​អ្នក​ផឹក​តែ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង