តើ LV ចំណាយប្រាក់ប៉ុន្មានទៅ Ronaldo & Messi ដើម្បីរូបសន្លឹកនេះ?

១ ថ្ងៃ​មុន​ព្រឹត្តិការណ៍​បាល់ទាត់​ពិភព​លោក​បាន​មក​ដល់​ រូបភាព​ពាណិជ្ជកម្ម​ដ៏​ឆ្លាតវៃ​មួយ​សន្លឹក​​របស់​ក្រុមហ៊ុនបារាំង​ Louis Vuitton បាន​ធ្វើ​ឲ្យ​កក្រើក​ពាសពេញ​បណ្ដាញ​សង្គម​ និង​ធ្វើ​ឲ្យ​មជ្ឈដ្ឋាន​កីឡា​មាន​ការ​ភ្ញាក់ផ្អើល​ខ្លាំង​ ដោយ​សារ​តែ​វត្តមាន​កំពូល​កីឡាករ​ទាំង​ពីរ​រូប​គឺ​ Ronaldo និង Messi ស្ថិត​ក្នុង​រូបភាព​ពាណិជ្ជកម្ម​តែ​មួយ។

​​វា​ជា​អ្វី​ដែល​គេ​គ្រប់​គ្នា​មិន​ជឿ​ថា​នឹង​អាច​កើត​ឡើង ដោយ​ហេតុ​ថា​ Cristiano Ronaldo និង​Lionel Messi ជា​ដៃគូ​ប្រកួតប្រជែង​លើ​វាល​ស្មៅ​ជាង​ ១ទសវត្សរ៍​មក​ហើយ​។ បច្ចុប្បន្ន​​រូបភាព​ពាណិជ្ជកម្ម​មួយ​សន្លឹក​ដែល​​ត្រូវ​បាន​ថត​ដោយ​កំពូល​ជាង​ថត​ល្បីល្បាញ​សហរដ្ឋអាមេរិក ​ Annie Leibovitz ទទួល​បាន​ការ​ Like នៅ​លើ Instagram ជាង​ ៥០លាន​ទៅ​ហើយ។

ជា​ GOAT (Greatest of all times) នៃ​ពិភព​បាល់ទាត់​ ជា​បុគ្គល​ដែល​មាន​អ្នក​តាន​ដាន​ច្រើន​បំផុត​ទាំង​ពីរ​លើ​បណ្ដាញ​សង្គម Instagram ស្រាប់​តែ​មក​ស្ថិត​ក្នុង​ពាណិជ្ជកម្ម​តែ​មួយ​ បង្ក​ឲ្យ​អ្នក​តាម​ដាន​ជា​ច្រើន​ឆ្ងល់​ថា​តើ​ក្រុមហ៊ុន​ Louis Vuitton ចំណាយ​អស់​ប៉ុនណា​សម្រាប់​រូបភាព​ពាណិជ្ជកម្ម​មួយ​សន្លឹក​នេះ។

សម្រាប់​ចម្លើយ​ដែល​ជា​តួ​លេខ​តម្លៃ​ជាក់លាក់​ មិន​មាន​ការ​បញ្ចេញ​ឲ្យ​ដឹង​ឡើយ​ពី​សំណាក់​ក្រុម​ហ៊ុន LV ឬ​សាមីខ្លួន​ផ្ទាល់​ឡើយ។ ដោយឡែក​គេ​អាច​ប៉ាន់ស្មាន​ពី​តម្លៃ​របស់​ពាណិជ្ជកម្ម​មួយ​នេះ​ តាម​រយៈ​ការ​គិត​ថ្លៃ​ក្នុង​ការ​ផ្សព្វផ្សាយ​មួយ​សន្លឹក​របស់​តារា​បាល់ទាត់​ទាំង​ពីរ​នៅ​លើ​បណ្ដាញ​សង្គម​ Instagram។

បើ​យោង​ទៅ​តាម​គេហទំព័រ​ Hopper HQការ​បង្ហោះ​រូប​ភាព​មួយ​សន្លឹក​របស់​ Ronaldo នៅ​លើ​ Instagramស៊ី​ថ្លៃ​ជាង​ ២.៣លាន​ដុល្លារ​សហរដ្ឋអាមេរិក។ ចំណែក​ Messi វិញ​ទទួល​បាន​ជាង​ ១.៧លាន​ដុល្លារ​សម្រាប់​ការ​បង្ហោះ​រូប​មួយ​សន្លឹក​នៅ​លើ​ Instagram ដូចគ្នា​។ បូក​រួម​ជា​មួយ​ការ​គិត​​ថ្លៃ​រូប​ថត​មួយ​សន្លឹក​តម្លៃ ១៧មុឺន​ដុល្លារ​របស់​អ្នក​ស្រី Annie Leibovitzបាន​​បញ្ជាក់​រូប​ភាព​ពាណិជ្ជកម្ម​មួយ​សន្លឹក​នេះ​អាច​មាន​តម្លៃ​ជាង​ ៤លាន​ដុល្លារ​។

គួរ​បញ្ជាក់​ថា​ នេះ​គ្រាន់​ជា​ការ​ប៉ាន់ស្មាន​របស់​គេហទំព័រ​បរទេស​មួយ​ចំនួន​ប៉ុណ្ណោះ ដោយ​គេ​ពុំ​អាច​ដឹង​ពី​តម្លៃ​ជាក់​ច្បាស់​នៃ​រូប​ភាព​ពាណិជ្ជកម្ម​ជា​ប្រវត្តិសាស្ត្រ​មួយ​នេះ​មាន​តម្លៃ​ប៉ុនណា​ឲ្យ​ប្រាកដ​នោះ​ទេ។ យ៉ាងណា​ក្រៅ​តែ​ពី​ការ​ឆ្ងល់​ពី​តម្លៃ ការ​ជជែក​ដេញ​ដោល​ឥត​ឈប់​នៃ​រូប​ភាព​ក្ដារ​អុក​ក្នុង​រូប​ភាព​ដែល​ Ronaldo និង​ Messi កំពុង​លេង​ថា​តើ​នរណា​ជា​អ្នក​ឈ្នះ។ មែនទែន​ទៅ​ក្រឡា​អុក​នេះ​ត្រូវ​បាន​ក្រុម​ហ៊ុន​ LV រៀប​ចំ​ឡើង​មិន​មែន​ដោយ​ចៃដន្យ​នោះ​ទេ​ តាមពិត​នេះ​គឺ​ជា​ក្រឡា​អុក​មែនទែន ដែល​លេង​ កាល​ពីឆ្នាំ២០១៧ រវាង​ Magnus Carlsen (ស្ដេច​អុក​ពិភព​លោក) និង Hikaru Nakamura៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង