កាលរៀនមាន “ម៉ោងចេញលេង” លុះដល់ពេលចូលធ្វើការ អ្នកក៏គួរមាន “ម៉ោងចេញលេង” ដូចគ្នា!

ទោះបីជាមានអារម្មណ៍ថាហត់នឿយ និងស្មុគស្មាញខ្លាំង តែពេលខ្លះអ្នកបែរជាមិនអាចអនុញ្ញាតឱ្យខ្លួនឯងបានសម្រាកខ្លះ ក៏ព្រោះតែយល់ថាការងារទាំងអស់សុទ្ធសឹងតែសំខាន់ និងប្រញាប់។ យ៉ាងណាមិញ រាងកាយ និងខួរក្បាលរបស់មនុស្សយើង ក៏ត្រូវការពេលសម្រាកខ្លះដែរ មិនអាចដំណើរការជាប់គ្នាជាច្រើនម៉ោងនោះទេ។ បន្ថែមពីនេះ ការរក្សាសុខភាពផ្លូវកាយ និងផ្លូវចិត្តរបស់អ្នក ក៏ជាការងារមួយដែលសំខាន់ និងប្រញាប់មិនចាញ់គ្នានោះដែរ។

ហេតុដូច្នេះហើយ ទើប AMS ចង់បបួលអ្នកមកបង្កើត “ម៉ោងចេញលេង” ចន្លោះពេលវេលាបំពេញការងារ ដើម្បីប្រសិទ្ធភាពការងារ និងសុខភាពផ្លូវកាយផ្លូវចិត្តប្រសើរជាងមុន។

នៅពេលដល់ម៉ោងបំពេញការងារ មនុស្សជាច្រើនតែងតែព្យាយាមផ្ដោតអារម្មណ៍លើការងាររបស់ខ្លួនចាប់តាំងពីព្រឹករហូតដល់ល្ងាច ដើម្បីតែបំពេញតួនាទីឱ្យបានល្អបំផុត។ ពេលខ្លះថែមទាំងភ្លេចម៉ោងសម្រាកថ្ងៃត្រង់ទៅទៀត ក៏ព្រោះតែយល់ថាការងារសល់តែបន្តិចក៏ហើយ ចង់ឆ្លៀតធ្វើបញ្ចប់ឱ្យរួចរាល់តែម្ដង។

បញ្ហានេះ មិនមែនកើតឡើងតែចំពោះអ្នកម្នាក់ឯងនោះទេ។ លទ្ធផលស្ទង់មតិលើបុគ្គលិកជាង ២ ០០០ នាក់នៅចក្រភពអង់គ្លេសចំនួនដែលចេញផ្សាយដោយ Personio ក្នុងឆ្នាំ ២០២៥ បានរកឃើញថា បុគ្គលិកប្រមាណ ៣០ ភាគរយមានអារម្មណ៍ខុសពេលឈប់សម្រាក ខណៈមានបុគ្គលិកដល់ទៅ ៦៥ ភាគរយ ធ្លាប់ធ្វើការពេញមួយថ្ងៃដោយមិនសម្រាកទាល់តែសោះ។

ដ្បិតការដាក់ចិត្តដាក់កាយបំពេញការងារជារឿងល្អ ក៏ប៉ុន្តែសុខភាពផ្លូវកាយ និងផ្លូវចិត្តក៏ជារឿងសំខាន់ដូចគ្នា។ បន្ថែមពីនេះទៀត ការបង្កើត “ម៉ោងចេញលេង” ឬការសម្រាករយៈពេលខ្លីនេះ ក៏មិនមែនមានន័យថាជាការគេចវេសពីការងារនោះដែរ។ ផ្ទុយទៅវិញ វាប្រៀបដូចជាការសម្រាកយកកម្លាំង និងលំហែខួរក្បាល ដើម្បីអាចត្រឡប់មកបំពេញការងារវិញឱ្យមានលទ្ធផលកាន់តែប្រសើរជាងមុន។

អង្គការសុខភាពពិភពលោក (WHO) បានពន្យល់ថា ស្ថានភាព Burnout គឺជាលទ្ធផលនៃភាពតានតឹងរ៉ាំរ៉ៃពីការងារ ដែលអ្នកស្ថិតនៅក្នុងស្ថានភាពនេះ តែងមានអារម្មណ៍ថាអស់កម្លាំង ធុញទ្រាន់ ឬមានអារម្មណ៍ថាធ្វើការមិនបានល្អដូចមុន។ ការបង្ខំខ្លួនឯងឱ្យបំពេញការងារបន្ត ទាំងស្ថិតនៅក្នុងស្ថានភាពបែបនេះ អាចនឹងធ្វើឱ្យប្រសិទ្ធភាពការងារមិនប្រសើរដូចការប៉ងទុកនោះឡើយ។

ហេតុដូច្នេះហើយ ទើបការបង្កើត “ម៉ោងចេញលេង” អាចជាវិធីសាស្ត្រមួយដែលជួយបង្ការស្ថានភាពនេះ ខណៈការសម្រាកប្រមាណ ១០ នាទី គឺជាការជួយឱ្យអ្នកមានអារម្មណ៍ស្រស់ស្រាយឡើងវិញ និងកាត់បន្ថយភាពនឿយហត់ពីការងារក្នុងពេលតែមួយ។

អ្នកអាចចំណាយពេល ១០ នាទីនេះ ធ្វើសកម្មភាពងាយៗ ដូចជាការរីករាយនឹងកាហ្វេមួយកែវដ៏ឈ្ងុយឆ្ងាញ់របស់អ្នក ដើរស្រូបយកខ្យល់អាកាស ជជែកលេងជាមួយនឹងក្រុមការងារ ឬគ្រាន់តែអង្គុយទំនេរចោលក៏បាន។

ក្នុងករណីដែលអ្នកនៅតែមានអារម្មណ៍ថា ការសម្រាករយៈពេលខ្លះ គឺជារឿងខុស និងអាចរារាំងប្រសិទ្ធភាពការងាររបស់អ្នក សាកសួរខ្លួនឯងថា៖ “បើសិនជាខ្ញុំសម្រាកបន្តិច តើនឹងប៉ះពាល់ការងារកម្រិតណា?”

រឿងណាដែលអាចរង់ចាំបាន សូមទុកមួយអន្លើសិនទៅ ព្រោះការរក្សាសុខភាពផ្លូវកាយ និងផ្លូវចិត្តរបស់អ្នក ក៏ជាការងារមួយដែលសំខាន់ និងប្រញាប់មិនចាញ់គ្នានោះទេ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង

ទម្រាំប៉ាក់ចេញស្បៃខ្មែរមួយផ្ទាំងៗ ត្រូវចំណាយពេលជាង ១ ខែ រាប់តាំងពីថ្ងៃដំឡើង

នៅ​ក្នុង​សង្គម​ខ្មែរ កាលពី​អតីតកាល ដូនតា​បាន​ប្រើប្រាស់​ស្បៃ ​ក្នុង​គោលបំណង​ចម្បង២។ ទី១ ប្រើប្រាស់​ក្នុង​សកម្មភាព​ប្រចាំថ្ងៃ​សម្រាប់​គ្រប​ដណ្តប់​កាយ ឬ​បំបាត់​

ជីវិត Sad ស្រាប់ហើយ ហេតុអ្វីនៅតែចូលចិត្តមើលរឿង Sad ទៀត?

តើធ្លាប់ដែរទេ? ពេលខ្លះជីវិតកំពុងតែមានទុក្ខទារុណទោម្នេញដួងចិត្តណាស់ទៅហើយ ក៏ប៉ុន្តែយើងបែរជាសម្រេចចិត្តជ្រើសរើសមើលរឿងបង្ហូរទឹកភ្នែក ដើម្បីលួងលោមខ្លួនឯងទៅវិញ។

សាកលវិទ្យាល័យ Stanford បង្កើតមុខវិជ្ជាសិក្សាថ្មីដែលទទួលបានការបំផុសគំនិតពី RM មេក្រុម BTS

សាកលវិទ្យាល័យ Stanford នឹងបើកបង្រៀនថ្នាក់សិក្ខាសាលាពិសេសថ្មីសម្រាប់និស្សិតឆ្នាំទី ១ ដែលទទួលបានការបំផុសគំនិតពីទម្លាប់កម្សាន្តដែលប្រធានក្រុម BTS ចូលចិត្តជា

លោកស្រី Angelina Jolie នឹងឡើងថ្លែងពីការរីកចម្រើនរបស់កម្ពុជា ក្នុងកិច្ចប្រជុំកំពូល ASEAN Inclusive Growth នៅក្រុងម៉ានីល

តារាសម្តែងហូលីវូដ និងជាសកម្មជនមនុស្សធម៌ដ៏ល្បីល្បាញ លោកស្រី Angelina Jolie នឹងឡើងថ្លែងពីការរីកចម្រើនរបស់កម្ពុជា ខណៈត្រូវបានចាត់តាំងឱ្យធ្វើជា

Michelle Chen តួ សៀវ ឡុងនី ក្នុងរឿង «ទេព​ឥន្ទ្រី​បក្សី​ស្នេហ៍» ឆ្នាំ ២០១៤  ជ្រើសយីហោកូនខ្មែរ ALmée Couture

ពិតជា​គួរឲ្យ​ភ្ញាក់ផ្អើល​ដែល​តារា​ចិន​ដ៏​ល្បី Michelle Chen ឬ​មហាជន​ខ្មែរ​ស្គាល់​ថា​ជា​តួ​ស្រី សៀវ ឡុងនី បាន​ជ្រើសរើស​ឈុត​សម្លៀកបំពាក់​របស់​យីហោ​កូនខ្មែរ ដ៏​ល្ប

ក្រុមហ៊ុន វឌ្ឍនៈ បន្តឧបត្ថម្ភពិព័រណ៍ផលិតផលខ្មែរ «ខ្មែរធ្វើបាន» លើកទី២ និងចាត់ទុកគុណភាពជាគន្លឹះនៃការគាំទ្រប្រកបដោយនិរន្តរភាព

ការជំរុញការគាំទ្រផលិតផលខ្មែរ នៅតែជាកិច្ចការដ៏សំខាន់ដែលទាមទារការយកចិត្តទុកដាក់ និងការចូលរួមពីគ្រប់ភាគី ទាំងរាជរដ្ឋាភិបាល ស្ថាប័នពាក់ព័ន្ធ វិស័យឯកជន