ចាប់ពីខែកុម្ភៈនេះតទៅ បទចម្រៀងអន្តរជាតិដែលប្រិយមិត្តគ្រប់គ្នាចូលចិត្ត រួមទាំងបទចម្រៀង K-pop អាចនឹងលែងមានវត្តមានលើបណ្ដាញ TikTok ទាំងស្រុង។

ប្រព័ន្ធផ្សព្វផ្សាយអន្តរជាតិជាច្រើនបានចុះផ្សាយកាលពីថ្ងៃទី៣១ ខែមករាថា ក្រុមហ៊ុន Universal Music Group បានជួបបញ្ហាក្នុងចរចាជាមួយ TikTok ជុំវិញការបង់ប្រាក់កម្មសិទ្ធិបញ្ញាសម្រាប់សិល្បករ និងអ្នកនិពន្ធបទចម្រៀងដែលត្រូវបានប្រើប្រាស់លើបណ្ដាញសង្គមទម្រង់វីដេអូមួយនេះ។
យោងតាម NBC News ខាង Universal Music Group បាននិយាយថា ពួកគេនឹងយកបទរបស់ពួកគេចេញ ដោយសារតែក្រុមហ៊ុន TikTok មិនព្រមបង់ប្រាក់សម្រាប់សិល្បករនិងអ្នកនិពន្ធបទចម្រៀងតាមសំណើ ហើយបន្ថែមថា TikTok បានស្នើការបង់ប្រាក់ឱ្យសិល្បករនិងអ្នកនិពន្ធបទចម្រៀងរបស់ពួកគេក្នុងអត្រាមួយដែលមិនអាចទទួលយកបាន។
ដូច្នេះហើយ Universal Music Group គ្រោងនឹងដកបទចម្រៀងរបស់ពួកគេចេញ បើសិនណានៅតែគ្មានការព្រមព្រៀងគ្នាជាមួយ TikTok ។ ប្រការនេះមានន័យថាអ្នកប្រើប្រាស់ TikTok នឹងលែងអាចប្រើប្រាស់បទចម្រៀងពេញនិយមពីសិល្បករជាច្រើនដូចជា Taylor Swift, Drake, Olivia Rodrigo និងតារាល្បីៗច្រើនទៀត។ ដូចគ្នាដែរ សិល្បករ K-pop ជាច្រើនបានចុះកិច្ចព្រមព្រៀងផ្ដាច់មុខជាមួយ Universal Music Group សម្រាប់ការផ្សព្វផ្សាយនៅក្រៅប្រទេសដូចជា BTS, Seventeen, BLACKPINK, Stray Kids, IU និងក្រុមចម្រៀងជាច្រើនទៀត ដូច្នេះបទរបស់ពួកគេក៏នឹងលែងមានវត្តមាននៅលើ TikTok ទៀតដែរ។

ពាក់ព័ន្ធព័ត៌មាននេះ អ្នកលេងអ៊ីនធឺណេតកូរ៉េបានបញ្ចេញមតិផ្សេងៗដូចជា៖
“ពិតជាដំណឹងអាក្រក់ណាស់!”
“TikTok ធ្វើចឹងអាក្រក់មើលពេកហើយ”
“ខ្ញុំអត់លេង TikTok ផង ដូច្នេះវាមិនប៉ះពាល់ដល់ខ្ញុំទេ”
“ពីពេលនេះលែងមាន Dance Challenge អីទៀតហើយ”
“ខ្ញុំ គិតថាមិនបាច់មានចម្រៀងក៏គេអាចថតវីដេអូ TikTok បានដែរ”
“TikTok គឺជាក្រុមហ៊ុនចិនដែលមិនថ្លៃថ្នូនោះទេ នោះហើយជាមូលហេតុដែល Universal Music Group ដកចម្រៀងចេញ”
“ខ្ញុំជឿថាពួកគេនឹងមានដំណោះស្រាយចំពោះរឿងនេះ” ៕























Account
Security
Favourite Content