តារាសម្ដែងប្រុសសាច់ដុំធំ Ma DongSeok បានវិលត្រឡប់មកវិញ ជាមួយភាពយន្ដថ្មីរបស់ខ្លួនមានចំណងជើងថា “The Roundup: Punishment”។ រឿងនេះដែរ កំពុងទទួលបានការចាប់អារម្មណ៍ខ្លាំង ក្រោយទើបចាក់បញ្ចាំងបាន ១៧ ថ្ងៃ នៅប្រទេសកូរ៉េខាងត្បូង។



គិតត្រឹមថ្ងៃទី ១០ ខែ ឧសភា ឆ្នាំ ២០២៤ “The Roundup: Punishment” មានអ្នកចូលទស្សនាច្រើនជាង ៩ លាននាក់ ក្នុងរយៈពេលត្រឹម ១៧ ថ្ងៃប៉ុណ្ណោះ និងកំពុងរំកិលទៅរកចំនួន ១០ នាក់ក្នុងពេលឆាប់ៗ ។ ជាមួយគ្នាដែរ “The Roundup: Punishment” ក៏បានបំបែកកំណត់ត្រា របស់ភាពយន្ដល្បី “Exhuma” ឬផ្នូរបិសាច ដែលអាចរកបានអ្នកទស្សនាចំនួន ៩ លាននាក់ គឺមានរយៈពេល ២៤ ថ្ងៃ។ សម្រាប់វគ្គមុនៗ របស់រឿងនេះ គឺ “The Roundup 2” ចំណាយពេល ២០ថ្ងៃ និង “The Roundup: No Way Out ចំណាយពេល ២១ ថ្ងៃ។


ភាពយន្ដ “The Roundup: Punishment” បានចាប់ផ្ដើមជាមួយភាពជោគជ័យ ដោយអាចរកអ្នកទស្សនាបានរហូតដល់ ៨២ ម៉ឺននាក់ នៅថ្ងៃចាក់ផ្សាយដំបូង និងជារឿងដែលរកអ្នកទស្សនាបានច្រើនបំផុតនៅថ្ងៃដំបូង សម្រាប់ឆ្នាំ ២០២៤។ បច្ចុប្បន្ន ភាពយន្ដនេះ បានចាក់ផ្សាយច្រើនជាង ១០ ប្រទេស រួមមានសហរដ្ឋអាមេរិក តៃវ៉ាន់ ម៉ុងហ្គោលលី ឥណ្ឌូណេស៊ី សិង្ហបុរី ម៉ាឡេស៊ី វៀតណាម អូស្ដ្រាលី និងរកចំណូលសរុបបានច្រើនជាង ៥៧ លានដុល្លារអាមេរិក។


“The Roundup: Punishment” មានការចូលរួមសម្ដែងដោយតារាប្រុស Ma DongSeok, Kim MuYeol, Lee DongHwi, Lee Bum Soo និងតារាផ្សេងៗទៀត។ រឿងនេះនិយាយពីការធ្វើការប៉ូលីសស៊ើបអង្កេតមួយក្រុមដែលតាមស៊ើបអំពីការជួញដូរគ្រឿងញៀនខុសច្បាប់ តែក៏បានស៊ើបរាលដាលដល់ កន្លែងបង្កើតល្បែងស៊ីសងខុសច្បាប់ និងការស្លាប់យ៉ាងអាថ៍កំបាំងរបស់អ្នកបង្កើតកម្មវិធីជនជាតិហ្វីលីពីនម្នាក់។ ភាពយន្ដមួយនេះ រួមបញ្ចូលជាមួយឈុតឆាកវាយប្រហារ និងរន្ធត់ ជក់ចិត្ដ ដែលធ្វើឲ្យអ្នកទស្សនាជាច្រើនសរសើរមិនដាច់ពីមាត់៕























Account
Security
Favourite Content